Pierrot ntari mu bakinnyi ba Rayon bitegura APR FC, F.Mugheni yasanze abandi – UMUSEKE

Pierrot ntari mu bakinnyi ba Rayon bitegura APR FC, F.Mugheni yasanze abandi

Harabura amasaha make ngo Rayon sports na APR FC zihatanire igikombe cy’Ubutwari. Amakipe yombi akomeje imyiteguro. Umuseke wasuye Rayon sports izakina idafite umukinnyi wayo wo hagati Kwizera Pierrot. Mugheni Fabrice utakoze imyitozo yasanze abandi mu mwiherero.

Abasore ba Rayon sports bakoze imyitozo ya nyuma bitegura APR FC

Abasore ba Rayon sports bakoze imyitozo ya nyuma bitegura APR FC

Urwego rw’igihugu rushinzwe intwari, impeta n’imidari by’ishimwe rwashyizehjo umukino uzahuza Rayon Sports FC na APR FC, bahatanira igikombe cy’Ubutwari, uzaba kuwa gatatu tariki ya 01 Gashyantare 2017  ubwo u Rwanda ruzaba rwizihiza umunsi mukuru w’intwari.

Rayon sports yitegura uyu mukino yakoze imyitozo ya nyuma mu gitondo cyo kuri uyu wa kabiri kuri stade Umumena. Muri iyi myitozo ntihagaragayemo visi kapiteni wayo Kwizera Pierrot wagiye muri Arabie Saoudite kurangiza ibiganiro na Al-Hazm Rass FC imwifuza. Gusa uyu musore uvuka i Burundi yagiye nta ruhushya ahawe n’ubuyobozi cyangwa abatoza ba Rayon sports.

Umuseke wasuye imyitozo y’iyi kipe yakozwe Mugheni Fabrice Kakule bita Moussa adahari ku mpamvu abatoza be batazi. Bivugwa ko atari yishimye kuko hari ibirarane by’umushahara w’ukwezi kumwe n’agahimbazamusyi k’umukino umwe batamuhaye ku gihe. Gusa nyuma yo kuganira n’ubuyobozi yemeye gusubira mu mwiherero na bagenzi be akitegura umukino wo kuri uyu wa gatatu.

Visi perezida wa Rayon sports Martin Rutagambwa warebye iyi myitozo yabwiye Umuseke ko aba basore bihemukiye. Ati: “Pierrot hari abantu bamushutse bamubwira ko ngo bamuboneye ikipe izamuhemba ibihumbi 20$ bituma yibagirwa ko adufitiye amasezerano. Yagiye ntawe abwiye kandi hari n’ikipe yo mu Bubiligi we na Savio twemereye ko bazajya gukoramo igeragezwa muri Mata. Yahubutse cyane ariko twizeye ko azisubiraho akigarura.

Kuri Fabrice we sinzi icyamuteye kwivumbura kuko nta bibazo dufitanye nawe. Nabwiye abatoza ngo bamukurikirane bamenye ikibazo afite baduhe raporo. Gusa ntibatubuza kwitegura umukino nk’uyu ufite agaciro mu buzima bw’abanyarwanda.”

Abasigaye mu bakinnyi ba Rayon sports biteguye uyu mukino, harimo na Mugabo Gabriel na Abouba Sibomana batari bemererwa gukina imikino ya shampiyona kuko iki gikombe  ikipe yemerewe gukinisha umukinnyi wese ishaka.

Abakinnyi 11 bashobora kubanza mu kibuga muri Rayon sports:

Ndayishimiye Eric Bakame, Ndacyayisenga Jean d’Amour Mayor, Abouba Sibomana, Manzi Thierry, Mutsinzi Ange Jimmy, Mugabo Gabriel, Muhire Kevin, Nahimana Shasir, Manishimwe Djabel, Nsengiyumva Moustapha, na Moussa Camara.

Mbere y'imyitozo Masudi yaganiriye na 11 bashobora kubanzamo ku mukino wa APR FC

Mbere y’imyitozo Masudi yaganiriye na 11 bashobora kubanzamo ku mukino wa APR FC

Abouba Sibomana yemerewe gukina umukino w'igikombe cyo kuzirikana Intwari z'u Rwanda

Abouba Sibomana yemerewe gukina umukino w’igikombe cyo kuzirikana Intwari z’u Rwanda

Moussa Camara yitoza gutera penaliti

Moussa Camara yitoza gutera penaliti

Manzi Thierry uvuye mu mvune ariteguye

Manzi Thierry uvuye mu mvune ariteguye

Yves Rwigema aritegura guhangana na APR FC yakuriyemo

Yves Rwigema aritegura guhangana na APR FC yakuriyemo

Umunyezamu wa kabiri wa Rayon sports Evariste Mutuyimana mu myitozo

Umunyezamu wa kabiri wa Rayon sports Evariste Mutuyimana mu myitozo

Nsengiyumva Moustapha ashobora kubanza mu mwanya wa Savio Nshuti Dominique

Nsengiyumva Moustapha ashobora kubanza mu mwanya wa Savio Nshuti Dominique

Mu mutima wa ba myugariro Mutsinzi Ange Jimmy azitabazwa

Mu mutima wa ba myugariro Mutsinzi Ange Jimmy azitabazwa

Mugabo Gabriel bita Gabby asanzwe ari myugariro ariko azakina hagati mu kibuga

Mugabo Gabriel bita Gabby asanzwe ari myugariro ariko azakina hagati mu kibuga

Umutoza Masudi Djuma asa n'ubwira Visi perezida Rutagambwa Martin ati, 'Ntibahari ariko tuzagerageza kwitwara neza'

Umutoza Masudi Djuma asa n’ubwira Visi perezida Rutagambwa Martin ati, ‘Ntibahari ariko tuzagerageza kwitwara neza’

Rayon sports idafite Fabrice Mugheni na Kwizera Pierrot ikomeje imyiteguro

Rayon sports idafite  Kwizera Pierrot ikomeje imyiteguro

Fabrice Mugheni wambaye ingofero itukura yageze mu mwiherero, aha ari kumwe na Abouba Sibomana na Fiston Munezero

Fabrice Mugheni wambaye ingofero itukura yageze mu mwiherero, aha ari kumwe na Abouba Sibomana na Fiston Munezero

Roben NGABO

UMUSEKE

0 Comments

  1. pass

    31/01/2017 at 1:41 pm

    uko byagenda kose tuzahacyana umucyo kuko ntamugabo utsindwa kabi gakurikiranye.rayon sport eye oye oyeeeeee.shimo agatege turagushigikiye wa!tukuri inyuma ibihe byoseeeeee!!!!!!

  2. kalisa

    31/01/2017 at 2:39 pm

    ariko kuki batatugurira numero kabiri koko

  3. eto

    31/01/2017 at 3:45 pm

    Buriya yariyagiye i goma aho bita mu birere kuzana umuti azakoresha muri match naho abandi ngoyivumbuye ahubwo baribabipanze kugira bitamenyakana muzabicunge neza wasanga ariwe uzatsindira gikundiro

  4. yvonne

    31/01/2017 at 7:09 pm

    Rayon izatsinda kuko kuva mugiye gukina nta bikabyo Masudi yatangaje,mwizere gutsinda ibitego 2 kuri 1.

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Since 2011 - Copyright 2017 UMUSEKE IT Ltd All rights reserved

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock