G.S Mulinja barira ku masahane atogeje, umuntu utazwi yafunze amazi – UMUSEKE

G.S Mulinja barira ku masahane atogeje, umuntu utazwi yafunze amazi

Bamwe mu banyeshuri biga ku Rwunge rw’amashuri rwa Mulinja ishuri ryo mu murenge wa Kazo, mu karere ka Ngoma bavuga ko muri iyi minsi bakoresha amasahani atogeje bitewe n’uko amazi bakoreshaga yafunzwe mu buryo ubuyobozi bw’ishuri buvuga ko butamenye impamvu. 

Iburasirazuba mu karere ka Ngoma

Iburasirazuba mu karere ka Ngoma

Mu rwego rwo kwirwanaho amasahani bayahanaguza ibyatsi. Ubuyobozi bw’akarere ka Ngoma buvuga ko iki kibazo bugiye kugikurikirana kigakemuka vuba mu rwego rwo kurengera abanyeshuri.

Bamwe mu banyehuri barererwa mu ishuri rya GS Mulinja twasanze mu kigo, bamwe bari mu mashuri abandi bari hanze. Ariko uhageze wese batangira kumubwira ko bamaze igihe bafite ikibazo kibakomereye cyo kubura amazi bogesha ibikoresho.

Umwe mu banyeshuri yagize ati “Dupfa gufata ibyatsi tukabihanaguza amasahane tukirengera ingaruka ariko biba ari umwanda ukabije.”

Undi ati “Iyo ugize amahirwe ukaba wigana n’umunyeshuri uturanye n’ikigo uramwegera ukamusaba amazi ukoza, ejo wayabura ugahanaguza ibyatsi.”

Umuyobozi  wungirije ushinzwe amasomo mu ishuri rya GS Mulinja, Cyakwera Marie Oliva yemeza ko iki kibazo cy’amazi afunze agihari akavuga ko abanyeshuri bogesha ibyatsi ibikoresho bariraho bidakwiye.

Ati “Ikibazo turakizi, amazi koko arafunze baraje ababishinzwe (batatubwiye abo ari bo) muri weekend tugarutse ku ishuri dusanga ntayahari tubajieje uwo muri WASAC usanzwe atuzanira amafagitire atubwira ko atazi uwayafunze.”

Bamwe mu babyeyi barerera muri iri shuri bavuga ko ikibazo cy’abana badakoresha amazi asukuye bishobora gutuma barwara indwara zitandukanye ziterwa n’umwanda, bagasaba inzego zibishinzwe kubafasha bigakemuka.

Ubuyobozi bw’akarere ka Ngoma buvuga ko iki kibazo butari bukizi ariko ngo bugiye kugikurikirana kugira ngo gikemurwe ndetse hanamenyekane icyatumye iki kigo gifungirwa amazi.

KIRENGA Providence, umuyobozi w’akarere ka Ngoma wungirije ushinzwe imibereho myiza y’abaturage yabwiye Umuseke ati “Iki kibazo ntabwo twari tukizi ariko uko byagenze (nyuma yo kubanza kubaza) ni rwiyemezamirimo uyacunga wayafunze tugiye kubikurikirana amazi afungurwe.”

Ntibyari bisanzwe ko ikigo gifungirwa amazi n’umuntu utazwi bikagera aho hashira ibyumweru bibiri atarafungurwa ndetse n’uwayafunze atazwi. Kuri iri shuri rya G.S Mulinja abanyeshuri biga bataha ariko ku manywa bakarya ku ishuri muri gahunda ya School Feeding.

Elia BYUKUSENGE
UMUSEKE.RW

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Since 2011 - Copyright 2017 UMUSEKE IT Ltd All rights reserved

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock