Kubyara no gukora umuziki ni ibintu bibiri bitandukanye- Knowless – UMUSEKE

Kubyara no gukora umuziki ni ibintu bibiri bitandukanye- Knowless

Butera Knowless usigaye ufite akabyiniriro ka {Mama Or}, avuga ko kubyara no gukora umuziki ari ibintu bitandukanye mu buryo bwo kubyitaho. Gusa ko bisaba umwanya uhagije wo kwita kuri buri kimwe.

Knowless avuga ko kubyara no gukora umuziki ari ibintu bitandukanye. Ko bisaba kubiha umwanya uhagije byombi

Ibi yabitangaje mu kiganiro yagiranye na Umuseke nyuma yo kuvugwaho kugabanya ibikorwa by’umuziki we nyuma y’aho abyariye.

Yavuze ko mu byumvikanira buri wese ari uko uburyo yakoraga ataragira inshingano zo kwita ku mwana n’aho amugiriye hagomba kubaho impinduka.

Ariko bidafite aho bihuriye no kuba yareka umuziki kubera ko hari amazina menshi mu muziki yagiye akora izo nshingano zombi n’iterambere rigakomeza kwaguka.

Ati “ Yego nshobora gutinda gukorera ku gihe ibyo nari naramenyereje abafana banjye mbere yuko nshaka. Ariko ntaho bihuriye no kuba nareka umuziki cyangwa se ngo nkore ibitabashimishije”.

Knowless uherutse gushyira hanze indirimbo yise {Winning Team} yagarutsweho n’abatari bake bavuga ko yaba yariganye ku yindi, yavuze ko ku isi nta ndirimbo wasanga idafite akantu ihuriyeho n’indi kubera amanota aba mu muziki.

“Uyu si umwanya wo kuba abanyarwanda batangira gufata igihe cyo kumviriza indirimbo yasohotse ko yaba idasa n’indi. Ntekereza ko ari igihe cyo kwishimira ibyiza umuhanzi yakoze bitari bisanzwe mu buryo bwo kumutera ingabo mu bitugu”.- Knowless

Abajijwe ibijyanye no gushyira hanze album nshya dore ko cyari igikorwa ngaruka mwaka yajyaga akora atarashaka, yavuze ko biri mu nyigo. Ko mu gihe yaba yujuje indirimbo ashaka ko zijya kuri album yayikora.

Joel Rutaganda

UMUSEKE.RW

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Since 2011 - Copyright 2017 UMUSEKE IT Ltd All rights reserved