Min. Mbabazi yanenze kuba 107 bamaze kujyanwa Iwawa inshuro zirenze imwe – UMUSEKE

Min. Mbabazi yanenze kuba 107 bamaze kujyanwa Iwawa inshuro zirenze imwe

Rutsiro- Minisitiri w’Urubyiruko, Rosemary Mbabazi witabiriye igikorwa cyo guha impamyabushobozi urubyiruko 1 121 rusoje amahugurwa mu kigo ngororamuco cy’I Wawa yavuze ko bigayitse kuba abantu 107 bamaze guca muri iki kigo inshuro zirenze imwe.

Minisitiri w'Urubyiruko Mbabazi avuga ko ntawe ukwiye kuvanwa mu biyobyabwenge ngo abisubiremo

Minisitiri w’Urubyiruko Mbabazi avuga ko ntawe ukwiye kuvanwa mu biyobyabwenge ngo abisubiremo

Muri iki gikorwa kibaye ku nshuro ya 13, abantu 1 121 bahoze mu bikorwa bigayitse birimo kunywa ibiyobyabwenge baraye bahawe impamyabushobozi z’imyuga bamaze igihe bahugurwamo nyuma yo gufatwa bakoherezwa muri iki kigo.

Minisitiri w’Urubyiruko, Mbabazi Rosemary wahaye impanuro aba bantu biganjemo urubyiruko, yavuze ko hari urubyiruko ruva muri iki kigo rugasubira mu biyobyabwenge kuko hari abagera kuri 107 bamaze kuzanwa muri iki kigo inshuro zirenze imwe.

Yasabye ababyeyi kwita ku bana babo bava muri iki kigo, bakabacungira hafi kugira ngo badasubira mu bikorwa bakuwemo mbere.

Perezida wa Repubulika y’u Rwanda Paul Kagame akunze gushishikariza urubyiruko kwinjira mu bikorwa bya politiki n’ibindi biteza imbere igihugu.

Mbabazi wahawe kuyobora iyi Minisiteri nshya, yasabye urubyiruko kudatatira izi mpanuro bahabwa n’umukuru w’igihugu.

Ati “Afitanye igihango n’urubyiruko ni uko atazabatererana, mwebwe ntabwo tubasaba byinshi ni uguhinduka kuko amahitamo arakwica cyangwa akagukiza.

Nkuriyehe Thomas wagororewe I Wawa muri 2011 ubu akaba yaribumbiye hamwe na bagenzi be 72 bakora umwuga wo kudoda, avuga ko ubu bamaze kugera kuri byinshi bishimije kuko basigaye batsindira amasoko yo kudodera ibigo by’amashuri.

Avuga ko iri shyirahamwe ryabo rigiye kugabanya umubare w’abava I Wawa bagasubira mu biyobyabwenge, kuko bazajya babaha akazi.

Muri aba bahawe impamyabushobozi, harimo abadafite aho berekeza kuko abagera 225 bagiye bakurwa ahantu hatandukanye ari inzererezi, abandi 247 ni imfubyi  mu gihe abandi 9 batazi iwabo.

Minisitiri Mbabazi yamaze impungenge uru rubyiruko rudafite aho rwerekeza kuko Leta izabagenera ubufasha mu mezi atandatu kugira ngo bashake uko bazitunga mu minsi iri imbere.

Muri uru rubyiruko rwarangije amasomo y’imyuga mu kigo cy’I Wawa, harimo babiri barangije amashuri makuru na 13 bayacikirije, 25 basoje amashuri yisumbuye, naho 375 ntibigeze barangiza amashuri abanza.

Umuhuzabikorwa w’Iki kigo Ngororamuco cya Wawa, Niyongabo Nicolas yagarutse ku mibare y’abantu bamaze kuzanwa muri iki kigo inshuro nyinshi, avuga ko ibiyobyabwenge bikiri byinshi mu gihugu. Ati “Muri metero 300 ubona ibiyobyabwenge.”

Yasabye inzego za Leta gukaza ibihano bihabwa abacuruza n’abinjiza ibiyobyabwenge, anasaba amatorero n’amadini kwigisha inyigisho ziganisha urubyiruko mu nzira nziza.

Umwana umwe uhugurirwa mu ikigo cya I Wawa, ku mwaka leta imutangaho 591 348 Frw. Muri iki kiciro cya 13 leta yakoresheje amafaranga y’urwanda 662 901 108 Frw.

Hanamuritswe ibikorwa by'uru rubyiruko birimo iby'ubudozi

Hanamuritswe ibikorwa by’uru rubyiruko birimo iby’ubudozi

Abitwaye neza bahawe ibihembo birimo ibikoresho bazaheraho

Abitwaye neza bahawe ibihembo birimo ibikoresho bazaheraho

Abanyuze mu kigo cy'i Wawa biyemeje gutahiriza umugozi umwe

Abanyuze mu kigo cy’i Wawa biyemeje gutahiriza umugozi umwe

Urubyiruko ruri guhugurirwa i Wawa rwitabiriye ibirori bya bagenzi babo

Urubyiruko ruri guhugurirwa i Wawa rwitabiriye ibirori bya bagenzi babo

Alain K. KAGAME
UMUSEKE.RW/RUTSIRO

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock