Nawe bikubaho kwayura ubonye undi abikoze! – UMUSEKE

Nawe bikubaho kwayura ubonye undi abikoze!

Itsinda ry’abashakashatsi bo muri Kaminuza ya Rottingham mu Bwongereza bakoze ubushakashatsi bifuza kumenya uko bitugendekera mu bwonko bwacu kugira ngo twandure kwayura iyo tubonye undi muntu ari kwayura, maze basanga mu gice cy’ubwonko hari igice gikoresha umubiri ibikorwa bitandukanye bitari ku bushake bwacu.

Aba bashakashatsi basanze icyo gice cyitwa “cortex moteur” ngo ari gice kandi gifatirwamo indwara bita “syndrome de la Tourette”, iyi ni ndwara cyangwa kamere, ituma umuntu yabasha kunyeganyeza igice cy’umubiri cyangwa  gusohora ijwi ariko atabyifuza cyangwa ngo ashobore kubihagarika.

Aba bashakashatsi bavuga ko barimo kwiga impamvu umuntu yanduza undi kwayura ngo bishobore kubafasha kumenya igitera indwara twavuze yitwa “syndrome de la Tourette”.

Kwayura ni ibisanzwe kuba abantu babyanduzanya nk’uko bashobora kwanduzanya kuvuga kimwe cyangwa utundi tumenyetso two ku mubiri bakora batarinze kubyitegurira.

Ushobora no kuba urimo urayura kubera usomye ino nkuru, kuko biranduzanya.

Mu bushakashatsi bwakozwe n’iri tsinda nk’uko byatangajwe mu kinyamakuru “Current Biology”, aba bashakashatsi bafashe abantu 36, beretswe abandi bantu barimo bayura, igice kimwe bakibwira ko kwayura ari ibisanzwe, abandi bababwira ko bagerageza kubirwanya.

Muri abo bantu 36 aba bashakashatsi basanze kwayura cyangwa kutayura kuri buri wese muri abo bakoreweho ubushakashatsi, byaraturutse ku bushobozi ubwonko bwabo bufite bwo kwirinda kwigana.

Aba bashakashatsi, mu bushakashatsi bwabo bakoze bakoresheje ibyuma bishobora kugabanya ubushobozi bwo kwihangana k’ubwonko ariko ngo bamenye impamvu abantu banduzanya kwayura.

Georgina Jackson, umwarimu akaba n’impuguke ku bijyanye no kumenya uko ubwonko bukora hamwe n’imyitwarire y’umuntu n’uko umubiri ukora, “neuropsychologie cognitive”, yakoze kuri ubu bushashatsi, avuga ko ibyo babonye  bishobora gufasha muri byinshi.

Ati “Ibyo twabonye bishobora gufasha kuri byinshi nko ku ndwara ya “syndrome de la Tourette”, ishobora kugabanywa mu muntu, mu gace ko mu bwonko gatuma akora cyangwa avuga ibidaturutse ku bushake bwe.”

Mu bisanzwe ngo barimo barareba uburyo butari ubwo gukoresha imiti, ahubwo bagategeka ubwonko bakoresheje ibyuma bituruka hanze y’umubiri, bigabanya mu bwonko iyo kamere yo gutuma umubiri ukora ibyo utatumwe.

Georgina Jackson ati “Impamvu abantu banduzanya kwayura zizwiho bike cyane, nko kuba  byaturuka kuri kamere yo gushaka kwifatanya n’ubikoze kubera kumugirira imbabazi, abandi bibaza ko bitiruka ku zindi mpamvu.”

Daddy SADIKI RUBANGURA
UMUSEKE.RW

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock