Tanzania: Muri 2017 abagore 479 bamaze kwicwa bashinjwa gucuragura – UMUSEKE

Tanzania: Muri 2017 abagore 479 bamaze kwicwa bashinjwa gucuragura

Raporo yashyizwe hanze n’ikigo gishinzwe iyubahirizwa ry’Uburenganzira bwa muntu n’amategeko I Dar es Salaam (Legal and Human Rights Centre/LHRC) ivuga ko muri Tanzania kuva mu ntangiro z’uyu mwaka wa 2017 abagore 479 bamaze kwicwa bashinjwa gukora ibikorwa byo gucuragura.

Ngo babashinja ibikorwa byo gukorana na Sekibi

Ngo babashinja ibikorwa byo gukorana na Sekibi

Iyi raporo ivuga ko mu myaka 20 ishize, ibihumbi by’abagore bagiye bicwa basogoswe ibyuma, batwitswe kubera gufatirwa mu bikorwa by’ubucuraguzi.

Mu cyumweru gishize abagore batanu bashinjwaga ibi bikorwa bifatwa nk’imbaraga za sekibi barishwe.

Iyi raporo ivuga ko muri Tanzania kuva muri  Mutarama, nibura abantu 80 bicwa buri kwezi bashinjwa ibi bikorwa.

Umuyobozi wa Police yo mu gace ka Tabora, Wilbroad Mtafungwa avuga ko imfu nyinshi zigaragara muri iyi ntara zifitanye isano n’ibikorwa by’ubucuraguzi ndetse ko ibikorwa by’ubu bwicanyi biri kwiyongera muri aka gace.

Ati “Twashyizeho uburyo bwo kubata muri yombi ndetse hari benshi bafashwe, ariko iperereza riracyakomeje.”

Helen Kijo-Bisimba  uyobora ikigo LHRC cyashyize hanze ubu bushakashatsi bwagaragaje ko ibi bikorwa bimaze guhitana abagore 479, yavuze ko ibi bikorwa byatangiye kwiyongera cyane kuva mu mwaka ushize.

Uyu muyobozi avuga ko Perezida John Magufuli ari mu batije umurindi ibi bikorwa by’ubuhotozi bukorerwa aba bantu kuko yaciye intege inzego ziharanira uburenganzira bwa muntu.

Iyi raporo igaragaza ko ibi bikorwa byiganje mu mugi wa Dar es Salaam mu gace gakorerwamo ubucuruzi no mu gace ka Mbeya ko mu magepfo y’iki gihugu kazwiho gukomera ku myemerere gakondo.

Bisimba ati “Muri uyu mwaka hamaze kwicwa abantu 117 muri Dar es Salaam, 33 muri Mbeya, na 28 muri Mara naho I Geita ni 26.”

Uyu muyobozi w’ikigo kirengera uburenganzira bwa muntu avuga ko abantu bakwiye kwigishwa bakikuramo imyumvire yo kumva ko abagore iteka baba bari mu bikorwa by’ubucuraguzi.

UMUSEKE.RW

1 Comment

  1. DADA

    03/08/2017 at 8:56 am

    Ntibabizi yaba baba maraga nahano iwacu bizaze izo ngegera zirirwa zihekura ababyeyi mur abo gupfa!!!!

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock