Ubushinjacyaha bw’uRwanda bwatangaje ko dosiye ya Ingabire Umuhoza Voctoire yamaze kuregerwa Urukiko rw’Ibanze rwa Kicukiro kugira ngo aburanishwe ku ifungwa ry’agateganyo.
Ubushinjacyaha buvuga ko nyuma y’iperereza ryakozwe n’Urwego rw’Ubugenzacyaha (RIB), dosiye ya Ingabire Umuhoza Victoire yashyikirijwe Ubushinjacyaha Bukuru ku itariki ya 24 Kamena 2025 kugira ngo isesengurwe.
Bukomeza buvuga ko nyuma yo kuyisuzuma, Ubushinjacyaha bwafashe icyemezo cyo kuregera Urukiko rw’Ibanze rwa Kicukiro.
Ibyaha akurikiranyweho birimo ibyaha bihungabanya umudendezo w’igihugu.
Ingabire Victoire yafashwe tariki ya 19 Kamena 2025, afungirwa kuri Sitasiyo ya RIB ya Remera.
RIB ivuga ko Ingabire yafashwe mu rwego rwo gushyira mu bikorwa icyemezo cy’Urukiko Rukuru, mu rubanza ruregwamo Sibomana Sylvain na bagenzi be.
Ibi bibaye nyuma y’uko Urukiko rusabye Ubushinjacyaha gukora iperereza ryimbitse ku byaha aregwamo hamwe na bagenzi be.
UMUSEKE.RW
