Nyuma yo gusoza umwaka w’imikino 2024/2025 nta gikombe na kimwe yegukanye, Police FC yongeye guhindura ubuyobozi, yongera guhabwa Commissioner of Police (CP) Yahaya Kamunuga wayiherukagamo nk’umuyobozi mu 2022.
Ubu buyobozi bushya, buyobowe na CP Yahaya Kamunuga wari warasimbuwe na CP [Rtd] Bruce Munyambo. Visi Chairman wa mbere yagizwe ACP [Assistant Commissioner of Police] Jean Népomuscène Mbonyumuvunyi mu gihe Visi Chairman wa kabiri yakomeje kuba ACP (Rtd) Bosco Rangira.
Umunyamabanga Mukuru akaba n’Umuvugizi w’iyi Kipe ifashwa na Polisi y’u Rwanda, yakomeje kuba CIP Umutoni Claudette.
Police FC yasoje umwaka ushize w’imikino iri ku mwanya wa kane n’amanota 45, mu kwitegura uyu mwaka w’imikino 2025/2026, irateganya gutangira imyitozo mu cyumweru gitaha yitegura.
Iyi kipe kandi yahawe abatoza bashya bayobowe na Ben Moussa El Abdessattar wungirijwe na Mutarambirwa Djabir.
UMUSEKE.RW
