Nyuma yo kunganya na Gasogi United ibitego 2-2, ikipe ya Rayon Sports, yujuje umukino wa Kane itabona intsinzi mu marushanwa arimo shampiyona n’imikino Nyafurika ya CAF Confederation Cup.
Ku Cyumweru, tariki ya 5 Ukwakira 2025, ni bwo hasojwe imikino ya shampiyona y’umunsi wa Kabiri. Uwari uhanzwe, ni uwabereye kuri Kigali Pelé Stadium, wahuje Gasogi United na Rayon Sports.
Umutoza w’umunya-Tunisie, Afhamia Lotfi utoza iyi kipe yo mu Nzove, yari yakoze impinduka muri 11 be babanjemo kuri uyu munsi ugereranyije n’abo yari yabanjemo ku mukino w’umukino w’umunsi wa Kabiri wa shampiyona ubwo yatsindwaga na Police FC igitego 1-0.
Myugariro w’ibumoso, Prince Musore ndetse na Habimana Yves ukina mu busatirizi bari babanje ku ntebe y’abasimbura ahubwo basimburwa na Aziz Bassane Koulagna na Sndi Jesus Jean Paul.
Gasogi United yari ku kibuga cya yo cya Kigali Pelé Stadium, yatsindiwe lna Ngono Hervé na Kokoete Udo Ibiko mu gihe Gikundiro yatsindiwe na Tambwe Gloire na Harerimana Abdul-aziz “Rivaldo.”
Kugabana aya manota, byatumye ikipe yo mu Nzove yuzuza umukino wa kane nta ntsinzi n’imwe ibonyemo. Iyi irimo ibiri Nyafurika ya CAF Confederation Cup yatsinzwe na Singids Big Stars yo muri Tanzania, umwe wa shampiyona yatsinzwe na Police FC igitego 1-0 n’uyu yanganyije.
UMUSEKE.RW
