Mufti w’u Rwanda, Sheikh Sindayigaya Mussa ari kumwe n’uwahoze ari Mufti w’u Rwanda, Sh. Gahutu Abdulkarim, bageze mu Mujyi wa Riyad muri Arabie Saoudité mu ruzinduko rw’akazi.
Uru ruzinduko rw’akazi rw’iminsi 10, rurimo Mufti w’u Rwanda, Sh. Sindayigaya Mussa yarujyanyemo n’Umuyobozi w’Inama Nkuru y’Aba-Sheikh mu Rwanda, Sh. Nzanahayo Kassim na Sh. Gahutu Abdulkarim wabaye Mufti w’u Rwanda.
Bakigera i Riyad muri Arabie Saoudité, bakiriwe na Ambasaderi w’u Rwanda muri iki Gihugu, Kayihura Euène Segore. Biteganyijwe ko Mufti w’u Rwanda azahura n’Abayobozi b’inzego n’Imiryango itandukanye hagamijwe gutsura umubano n’ubufatanye mu bikorwa by’Iterambere hagati y’Ibihugu byombi.
Mufti, Sh. Sindayigaya, yashimiye Ambasaderi, Kayihura uko yabakiriye neza n’ubufasha butandukanye bahawe mu mu migendekere myiza y’uru rugendo. Ni uruzinduko rwatangiye ku Cyumweru, tariki ya 7 Ukuboza 2025.
UMUSEKE.RW
