CAN 2025: Uko amakipe azahura muri 1/8

Nyuma yo gusoza imikino y’amatsinda mu Gikombe cya Afurika 2025 kiri kubera muri Maroc, iyo mu Cyiciro cya 1/8 izakomeza guhera ku wa 3 Mutarama 2026.

Ku wa 31 Ukuboza 2025, ni bwo habaye imikino ya nyuma isoza iy’amatsinda mu Gikombe cya Afurika kiri kubera muri Maroc. Hakinnye amakipe yo mu matsinda E na F ari na yo ya nyuma.

Ni imikino yasize Algérie itsinze Guinée équatoriale ibitego 3-1, iba igihugu cya Kabiri gitsinze imikino yose yo mu itsinda rya CAN 2025, nyuma ya Nigeria. Iki gihugu cyo Majyaruguru ya Afurika cyahise kiyobora Itsinda E ndetse kisanga kizahura na Repubulika Iharanira Demokarasi ya Congo muri 1/8.

Burkina Faso yo yatsinze Sudani ibitego 2-0, izamuka ari iya Kabiri aho izahura na Côte d’Ivoire yabaye iya mbere mu Itsinda F. Sudani yo yazamutse ari iya gatatu izahura na Sénégal.

Uko gahunda ya 1/8 iteye:

Imikino iteganyijwe tariki ya 3 Mutarama 2026:

Sénégal vs Sudani [17h]

Mali vs Tunisie [20h]

Imikino iteganyijwe ku wa 4 Mutarama 2026:

Maroc vs Tanzania [17h]

Afurika y’Epfo vs Cameroun [20h]

Imikino iteganyijwe ku wa 5 Mutarama 2026:

Misiri vs Bénin [17h]

Nigeria vs Mozambique [20h]

Imikino iteganyijwe ku wa 6 Mutarama 2026:

Algérie vs RDC Congo [17h]

Côte d’Ivoire vs Burkina Faso [20h]

Uko amakipe azahura muri ¼:

ikipe izasezerera indi hagati ya Mali na Tunisie, izahura n’izaba yasezereye indi hagati ya Sudani na Sénégal. Izasezerera indi hagati ya Misiri na Bénin, izahita ihura n’izaba yasezereye indi hagati ya Côte d’Ivoire na Burkina Faso.

Izasezerera indi hagati ya Algérie na RDC Congo, izacakirana n’izaba yasezereye indi hagati ya Nigeria na Mozambique mu gihe izaba yasezereye indi hagati Afurika y’Epfo na Cameroun, izahura n’izaba yasezereye indi hagati ya Maroc na Tanzania.

UMUSEKE.RW