Ishyirahamwe ry’Umupira w’Amaguru mu Rwanda, FERWAFA, ryatangaje Ingengo y’Imari ya Ruhago y’Abagore ingana na Miliyoni 102,550,000 Frw muri uyu mwaka.
Iyi ngengo y’Imari yagenewe umupira w’amaguru w’Abagore muri uyu mwaka, yatangarijwe mu Nama y’Inteko Rusange Isanzwe yahuje Abanyamuryango b’Ishyirahamwe ry’Umupira w’Amaguru mu Rwanda, FERWAFA.
Komiseri Ushinzwe Imari muri FERWAFA, Nshuti Thierry, yagaragaje Ingengo y’Imari iri Shyirahamwe ryifuza kuzakoresha mu 2026, ingana na Miliyari 14 Frw arengaho make.
Muri aya mafaranga, ni ho hazava n’ingengo y’Imari izifashishwa muri Ruhago y’Abagore.
Uko iminsi ishira, ni ko Umupira w’Amaguru w’Abagore, ugenda uzamura urwego ndetse utanga icyizere cy’uko ejo ha wo ari heza mu gihe abawureberera baguma ku muvuduko bariho.
UMUSEKE.RW
