Abafana ba APR FC barasaba abakinnyi kwanga agasuzuguro ko gukomera amashyi Rayon – UMUSEKE
RALC Ntibavuga bavuga

Abafana ba APR FC barasaba abakinnyi kwanga agasuzuguro ko gukomera amashyi Rayon

Binyuze ku muvugizi wabo, abafana ba APR FC barasaba abakinnyi babo kutabateza agasuzuguro ka mukeba Rayon sports bayikomera amashyi mu mukino uzabahuza tariki 28 Gicurasi 2017. Ngo nibiba ngombwa Jimmy Mulisa n’abamwungirije bazatange icyo cyubahiro bonyine.

Abafana ba APR FC barasaba abakinnyi kwanga agasuzuguro ko gukomera amashyi Rayon

Abafana ba APR FC barasaba abakinnyi kwanga agasuzuguro ko gukomera amashyi Rayon

Kuri uyu wa gatatu tariki 17 Gicurasi 2017 nibwo Rayon sports yatsinze Mukura VS 2-1 ibona amanota ayemerera gutwara igikombe cya shampiyona y’u Rwanda AZAM Rwanda Premier League.

Umuco usanzwe mu mupira w’amaguru ku isi ni uko ikipe yatwaye igikombe cya shampiyona itararangira, amakipe bahura mu mikino isigaye ayikomera amashyi. Imikino ine Rayon sports isigaje muri shampiyona y’uyu mwaka harimo; Pepiniere FC, Etincelles FC, APR FC na Kiyovu sports.

Ni ubwa mbere bibaye mu mateka y’umupira w’amaguru mu Rwanda ko APR FC na Rayon sports zihura hari imwe yamaze gutwara igikombe cya shampiyona. Umutoza Jimmy Mulisa wa APR FC yemeje ko we azayikora uyu muhango kuko ari ikimenyetso cyo gushima uwakoze neza.

Ibi Jimmy Mulisa yatangarije abanyamakuru tariki 15 Gicurasi 2017 abafana ba APR FC ntibabikozwa. Umuvugizi wabo Emile Kalinda yatangaje ko icyo basaba abakinnyi babo ari ukwanga agasuzuguro ko gukomera amashyi umukeba wabo.

Kalinda yagize ati: “Icyo tutifuza ni agasuzuguro. Icyubahiro cy’amashyi twarayakomye ku mukino wabo na Mukura VS. Turasaba abakinnyi bacu kutazemera agasuzuguro ko gukomera amashyi Gasenyi. Niba Mulisa we yaremeye kuyakoma azabyikorere kuko nawe yagize uruhare mu musaruro muke wacu uyu mwaka. Tuzi neza ko natwe tugitwaye mbere bataduha icyo cyubahiro. Twanze agasuzuguro rwose.”

Uyu muco wo gukomera amashyi ikipe yatwaye igikombe cya shampiyona mbere yo gusoza imikino yayo urasanzwe no mu Rwanda. AS Kigali n’Isonga FC zayakomeye APR FC yatwaye ibikombe bya shampiyona 2015 na 2016.

Abafana barifuza ko nibiba ngombwa Jimmy Mulisa azakome amashyi wenyine

Abafana barifuza ko nibiba ngombwa Jimmy Mulisa azakome amashyi wenyine

APR FC yo isanzwe iyakomerwa iyo yatwaye igikombe, aha ni muri 2015 ku mukino w'Isonga FC wasoje indi

APR FC yo isanzwe iyakomerwa iyo yatwaye igikombe, aha ni muri 2015 ku mukino w’Isonga FC wasoje indi

AS Kigali nayo yayakomeye APR FC muri 2016

AS Kigali nayo yayakomeye APR FC muri 2016

Roben NGABO

UMUSEKE

34 Comments

  1. juma

    May 19, 2017 at 11:55 am

    Sha ndakurahiye nanjye sinayikomera amshyi irakanyagirwa none ngo batange igikomeb kuri match ya apr afazali badutera forfait

    • makenga

      May 19, 2017 at 3:35 pm

      APR nitayakoma izajye kureba andi makipe izajya ikina nayo atari muri FIFA kuko ni umuco wa FIFA abe eriyo bizajya bikina

  2. Mahoro

    May 19, 2017 at 12:00 pm

    Ayo ni amatiku mugire fairplay kuko nibwo bugabo.ni ukubaha amategeko y’isi yose .naho kutayakoma bizaba ari ubugwari uwatsinze yaratsinze.

  3. Jean

    May 19, 2017 at 12:01 pm

    ndi umufana,ariko twese turi abanyarwanda,niyo mpamvu bagomba kubaha bagakoma amashyi

  4. Muroba

    May 19, 2017 at 12:05 pm

    Eeeeeeeeh. Fair play. Football c’est pas la guerre

  5. nkusi

    May 19, 2017 at 12:16 pm

    ariko kweli nk umufana nkuyu aba atekereza ,batabikoze babahinirwa kandi iicyo gihe biba bigaragaye ko APR nta fair play ubwo ni ubutaha nayo ntibazayikomera amashyi
    Umupira si intambara ,niyo mpamvu basaba abantu gusabana niyo baba batsinzwe.

  6. be

    May 19, 2017 at 12:29 pm

    Ibyo abo bafana bigira n’ibiki barigisha abakinyi umuco mubi wo kutumvira amabwiriza . Mubime amatwi Rayon muzayikomere amashyi kuko yarabikoze. Umugabo ni uwemera itsinzi y’abandi.

  7. Binama

    May 19, 2017 at 12:44 pm

    Ibikona bizayihorere icya mbere ni igikosi twarakijyanye.

  8. makenga

    May 19, 2017 at 1:09 pm

    Bazayakoma kuko nabo barayikunda usibye abafana kandi nta mukinnyi uba uw ikipe ejo bazibona muri rayon kandi bitonde kuko berebye nabi bazanayakoma no ku gikombe cy’amahoro bakayakoma kabiri

  9. Aphrodis NIYO

    May 19, 2017 at 1:39 pm

    Oya niba dufana ikipe ntago bivuzeko mukeba atwaye igikombe utamuha ibyo agomba. so, ni tureke kwiteranyiriza ubusa n’abavandimwe rero tubakomere amashyi mu byubahiro bakwiye kuko barakoze kd birakwiye.

  10. yy

    May 19, 2017 at 1:40 pm

    Ayo namatiku rwose kandi ninubucucu nubutindi. Mundangagaciro nyarwanda twatojwe mumuco wacu harimo ubupfura, gukomeramashi rayon nubwo tutatwayigikombe rero nukuba imfura kuko yarabikoreye kandi kutabikora ntibyatugarurira igikombe nihahandi. Ntimukatuigishe imicomibi nkiyo yubunyamusozi

  11. kagabo

    May 19, 2017 at 1:57 pm

    No muri siporo habamo umuco. Kuki se APR FC bayikomera amashyi yo igihe cyagera ikanga kuyakoma? Ibyo bintu ni ibyo kwamaganwa kimwe na wa mutwe w’abafana ba RAYON SPORT wiyise HOOLIGANS! cyangwa ntibazi hooligan icyo bivuga! Nyamuneka mubasobnurire babivemo.

  12. Kay

    May 19, 2017 at 2:14 pm

    Uzarebe iyo habaye nk’ubukwe bw’umwe maraya ma equipe urebe abab babutashye nabo mwita abakeba erega bo1 baba basanzwe ari inshuti kandi n’abavandimwe naho ubukeba buzanwa n’abafana none seko uvuye muri imwe ajya muyindi mutamwanga?
    Mu mikino niko bigenda bafana mwe mwihangane kandi ababurana ari 2 umwe niwo utsinda

  13. Kalisa

    May 19, 2017 at 2:19 pm

    Mbabariye abafana bayoborwa n’umuntu nka Kalinda Emile utekereza kuriya (bicuramye), yarangiza agashaka no kubishishikariza abakinnyi! Ni akumiro uretse ko nyine abakinnyi, abatoza n’abayobozi ba APR FC badatekereza nkawe, ari nayo mpamvu amashyi azakomerwa rwose Rayon Sports uriya munsi. Ahubwo nabe areba aho azahungira uriya munsi.
    Ariko ubundi uyu Kalinda siwe washishikarizaga abakunzi ba APR FC gufana Rayon Sports ubwo yakinaga na Rivers bakamutera utwatsi? Bendera.com

  14. Oliver

    May 19, 2017 at 3:02 pm

    Uwo kalinda mumubwire ko Umupira atari intambara, gukoma amashyi ku ikipe yagutwaye igikombe ntago ari intambara

  15. serge

    May 19, 2017 at 3:13 pm

    bazayakome barakanyagirwa kdi bazayakoma banakubitwe 2-1

  16. rose

    May 19, 2017 at 4:11 pm

    Amatiku n’amashyari biragwira. Mbega !!!! Uyu bamushinje kubiba amacakubiri n’inzangano

  17. Karenzi Jimmy

    May 19, 2017 at 4:15 pm

    Uyu mu fana wa APR ni igicuku. Fair play igomba kubaho. Kutayakoma byaba ari ubuhezanguni nka bumwe bwa Bagosora wavuze ngo ntiyakwihanganira gusangira ubutegetsi n’abatutsi. Muzayakomesha amabya ahubwo !

    • Big Lion

      May 21, 2017 at 7:29 am

      Ahubwo wowe uvuka he ko uri umunyamusozi?urabona ibyo wanditse kweli?

  18. charles

    May 19, 2017 at 4:37 pm

    batayakomye nibwo baseba kurusha kuyakoma kuko baba bagaragaje ubugwari

  19. jo

    May 19, 2017 at 4:57 pm

    abakinnyi muri equipe ni abakozi si abacakara , ashobora kuva aha akajya ahandi sinumva rero impamvu umufana yagusaba kudakoma amashyi nawe ukabikora

  20. alfa

    May 19, 2017 at 5:13 pm

    Jye ndabona byaba ukwiha amenyo y’abasetsi. Muzayakome namwe mwarayakomewe keretse niba mutemera ko cyabonye nyiracyo nanjye nzaba mpari mbarebe. Uriya mufana ni intagondwa yihane. Fair play ni ngombwa.

  21. Kamina

    May 19, 2017 at 5:44 pm

    Uyu muyobozi wa fan clubs za APR arabura indangagaciro z’abanyarwanda.Umupira si intambara ni gahuzamiryango. Gushima uwakoze neza ntacyo bitwaye kimwe no kugira ishyari ryiza. Bityo rero nabe intangarugero mu kwubaka umuco w’amahoro kurusha kubiba urwango hagati y’abakunzi ba ruhago.

  22. Mompalmo

    May 19, 2017 at 5:48 pm

    Ahhhhhh. Yewe kutayakoma ntibikuraho gutwara igikombe pe. Kdi icyiza ni uko igikombe kizatangwa uwo munsi naho amashyi yakomwa atakomwa ntacyo azahindura kuri Champions wa Season.

  23. baby

    May 19, 2017 at 6:11 pm

    Noneho n’umukino bazawureke.Nibasabe ayo mategeko aveho naho ibindi ni ubuswa.Nk’umufana utazi amategeko y’umupira yategeka abakinnyi ate? afite ubushbozi ku bafana ariko si we utegeka ikipe.Natubwire niba ari Rayon Sports yanga cg niba ari amategeko,mu yandi magambo ari indi kipe itari Rayon yasaba abakinnyi kuyakoma?

  24. ma

    May 19, 2017 at 6:44 pm

    Bazayakome bitwaye iki se?Ubundi se APR iyoborwa nabo bafana bidoga bashaka kugumura abakinnyi.Mureke icyo ubuyobozi buzababwira nicyo bazakora

  25. rose

    May 19, 2017 at 7:34 pm

    Niko se wa Mugabo we, igihe cyanyu nikigera ama équipes yose azange agasuzuguro nayo ntayakome ? Wabaye ute ? Warerewe he ? Wisuzume kandi wisubireho iyo ni imico mibi

  26. gitinyiro

    May 19, 2017 at 10:56 pm

    ariko abafana ba gasenyi muramsetsa; ayo mategeko muvuga yo gukoma amashyi yanditse he?? nshimye ko muvuze ko ari fair play, rero fair play ntabwo ari itegeko wayikora kimwe nuko utayikora, mureke gukomeza gusakuza igikombe mwaragitwaye ni mwishime ndabizi ibyishimo byanyu nimboneka rimwe Muzongera kubibona nyuma y’imyaka 5, cyakora uyu mwaka murihuse kuko twari twarabamenyereje imyaka 8 none mumaze 4 gusa, ese ubundi ninde ukwiye gukomerwa amashyi arimwe nuwabatsinze 3 agiye no kubongera? ?? mujye mu nibuka ko icyo gikombe tugifite burundu tubaye y’umwihariko kubera inshuro tugitwayemo zikurikiranya! mutuzu kuko ibyishimo byanyu bimeze nkisosi y’intama muzongera kubibona bamwe murimwe mwujukuruje

  27. Koko

    May 20, 2017 at 5:04 am

    APR ntijya igereranywa nabarayon kuko ntimuzageza ibigwi nkibya APR niyo mwateka ibuye rigashya,nicyo gikombe mutwaye ndahamya ko ari politiqwe yo guha abarayon moral kugirango football ikomeze igire abafana ntawuyobewe ko abarayoon aribo bafana benshi,APR kwiharira ibikombe byasubiza inyuma ambiance yo kubibuga nubwo abarayoon displine yabo igerwa ku mashyi.Ariko binjiza menshi,APR ubwo nanone muzagitware mwikurikiranye ubundi muharire nandi makipe nka mukura cg kiyovu niyo nayo agira abafana benshi.

  28. Gilbert

    May 20, 2017 at 7:51 am

    Ariko reka nkubaze wowe wiyita #gitinyiro, ukeka ko ingabo z’igihugu zifite imyumvire y’ubutagondwa nkawe numuyobozi wanyu. subiza Amaso inyuma As Kigali n’isonga zarayabakomeye. niba muri abagabo mutari ibigwari nkuko mubivuga. tizabibona uriya munsi.

  29. ngabo

    May 20, 2017 at 9:29 am

    tuzaza mundege tumanuka mutera ama slt
    icyi cyumweru mwakabaye mukimara inasho mwiga gutera salt
    kuko nubundi gukinabyo twasanze atari bintu byanyu

  30. Peter

    May 20, 2017 at 10:54 am

    Nta mashyi nakomera Gasenyi,Gacanga,Baranyanyiba,….Jimmy Mulisa niwe wabiteye azayakome Nta ngwe ishobora gukomera amashyi imondo kuko iryamye aho ibyutse.

  31. Athanase

    May 21, 2017 at 11:41 am

    Bavandi erega mwipfa ubusa Gitinyiro ni gitinyiro kandi murabizi tubakubita ahababaza bityo rero jye mbona amashyi mwayakoma mupfukamye mu rwego rwo kuduha icyubahiro kidukwiye.

  32. Wa MUYANGO

    May 23, 2017 at 9:26 am

    babishaka batabishaka bazayakoma ye
    iyo banga agasuzuguro baba baratwaye
    igikombe nkuko babimenyerejwe,

    ikindi kandi si agasuzuguro nzi neza ko
    inkubisi y’ama…….iyitarukiriza, none ko
    bayakubise baragirango atarukire nde wundi?

    nibahame hamwe sha

Ibitekerezo

Your email address will not be published. Required fields are marked *

%d bloggers like this: