Abagore babiri bishwe na Covid-19, abanduye bashya ni 289 abakize ni 168 | UMUSEKE

Abagore babiri bishwe na Covid-19, abanduye bashya ni 289 abakize ni 168

Abagore babiri umwe w’i Musanze n’undi wa Nyabihu mu Burengerazuba bw’u Rwanda bishwe na Covid-19, umubare w’anduye bashya ni 289 mu gihe abakize ari 168.

Minisiteri y’Ubuzima yatangaje ko bariya bagore bapfuye, uw’i Musanze yari afite imyaka 63 naho uw’i Nyabihu yari afite imyaka 75.

Umubare w’amaze guhitanwa na Covid-19 kuva yagera mu Rwanda ugeze ku bantu 148.

Abanduye bashya 289 barimo ab’i Kigali 114, n’ab’i Ngoma 79.

Ubundi bwandu bwabonetse i Gicumbi 15, Gatsibo 14, Karongi 13, Nyagatare 11, Muhanga 8, Rulindo 8, Huye 7, Rubavu 6, Kirehe 3, Musanze 3, Nyamagabe 2, Rwamagana 2, Nyaruguru 1, Nyabihu 1, Gisagara 1, na Ruhango 1.

Abantu 11 548 ni bo bamaze kwandura Covid-19 mu Rwanda, abavuwe barakirani 7 580 mu gihe abakirwaye ari 3 820.

Ku wa Mwere w’iki Cyumweru, Inama y’Abaminisitiri yabaye hifashishijwe ikoranabuhanga yategetse ko Umujyi wa Kigali ujya muri gahunda ya Guma mu Rugo (Lockdown), ndetse byatangiye kubahirizwa kuri uyu wa Kabiri tariki 19 Mutarama 2021, ikemezo kikazamara iminsi 14 kikongera gusuzumwa.

 

UMUSEKE.RW

Subiza

Your email address will not be published. Required fields are marked *