Abahitanywe na Covid-19 barenze miliyoni 2, abasaga ibihumbi 390 bapfiriye muri US | UMUSEKE

Abahitanywe na Covid-19 barenze miliyoni 2, abasaga ibihumbi 390 bapfiriye muri US

Icyorezo cya Coronavirus gkmeje koreka imbaga, kuri uyu wa Gatanu nimugoroba imfu z’abantu bamaze guhitanwa na Covid-19 zarenze miliyoni ebyiri.

Imibare ya Kaminuza ya Johns Hopkins igaragaza ko imfu z’abantu bazize Covid-19 zageze kuri 2,010,108.

Umubare munini w’abapfuye ni abo muri Leta zunze Ubumwe za America (390,000), Brazil imaze gupfusha abagera ku 200,000 naho Ubuhinde bwapfushije abagera ku 150,000.

Ku Isi hose umubare w’abanduye ugeze kuri miliyoni 93 (93,883,781), abavuwe barakira ni miliyoni 67 (67,032,461).

Leta zunze ubumwe za America zifite abanduye miliyoni 23,3 Ubuhinde bufite miliyoni 10,5  Brazil ifite miliyoni 8,3 Uburusiya bufite miliyoni 3,4 Ubwongereza bufite miliyoni 3,3 Ubufaransa miliyoni 2,9 na Turukiya ifite miliyoni 2,3.

Mu Rwanda abishwe na Covid-19 bageze ku 133 barimo abantu batanu yishe mu ijoro ryakeye, abanduye bose ni 10 316 mu gihe abavuwe bagakira ari 6 974 abakirwaye ni 3 209.

UMUSEKE.RW

Subiza

Your email address will not be published. Required fields are marked *