Abakinnyi ba Juventus n’umutoza bemeye kumara amezi 4badahembwa | UMUSEKE

Abakinnyi ba Juventus n’umutoza bemeye kumara amezi 4badahembwa

Abakinnyi ba Juventus n’umutoza Maurizio Sarri bemeye ko imishahara yabo ihagarikwa mu gihe cy’amezi ane mu kurinda ikipe yabo yagira igihombo.

Ikipe ya Juventus ibanza mu kibuga

Nyuma y’uko imikino yose mu Buutaliyani ihagaritswe kugeza ku itariki ya 3 Mata 2020, muri kiriya gihugu kibasiwe cyane na coronavirus i Burayi, abarwayi bakaba barenga 92,000 naho abarenga 10,000 bamaze kwicwa na Covid-19, ingaruka z’iki cyorezo zageze no ku bukungu bw’amakipe.

Abakinnyi ba Juventus bemeye kwigomwa umushahara wabo, iyi kipe ikinamo rutahizamu Cristiano Ronaldo ukomoka muri Portugal n’umukinnyi, Aaron Ramsey, bo na bagenzi babo ntibazahembwa umushahara w’uku kwezi kwa Werurwe, Mata, Gicuraci na Kamena.

Ikipe yabo ni yo iyoboye urutonde rwa shampiyona ya Serie A, irusha inota rimwe Lazio Roma.

Mu gihe umupira w’amaguru waba wongeye gusubukurwa muri iki gihugu, ubuyobozi bwa Juventus buvuga ko buzongera kubisuzuma “bushyize mu gaciro”.

Abakinnyi bo mu yandi makipe amwe akomeye y’i Burayi, arimo Bayern Munich na Borussia Dortmund yo mu Budage, na bo bemeye kugabanyirizwa umushahara.

Mu Bwongereza, bamwe mu bakinnyi barimo na David de Gea umunyezamu wa Manchester United ukomoka muri Espagne batanze ubufasha mu by’ubuvuzi mu bihugu bakomokamo.

Jean Paul MUGABE
UMUSEKE.RW

Subiza

Your email address will not be published. Required fields are marked *