Abakunzi ba Basketball bagiye kumwenyura mbere…Imikino irasubukurwa mu gutaha – UMUSEKE
  • 28/09/2020 11:56 58

Abakunzi ba Basketball bagiye kumwenyura mbere…Imikino irasubukurwa mu gutaha

Inteko Rusange idasanzwe yahuje ubuyobozi bw’Ishyirahamwe ry’umukino wa Basketball (FERWABA) n’amakipe akina Shampiyona mu bagabo n’abagore, yanzuye ko amarushanwa azasubukurwa guhera tariki ya 18 Ukwakira, abakinnyi baba hamwe.

Muri Basketball bagiye gusubukura imikino

Nyuma yo gukomeza gushaka ibisubizo bishoboka byatuma bagaruka mu kibuga, kuri uyu wa Gatandatu tariki ya 12 Nzeri 2020, habaye inama y’Inteko Rusange idasanzwe yahuje abanyamuryango ba FERWABA, yari igamije kwiga uburyo Shampiyona yasubukurwamo.

Hemejwe ko Shampiyona ya 2019-2020, ihagararira aho yari igeze uburyo amakipe akurikirana bikagenwa hagendewe ku manota ikipe yari ifite, akagabanywa n’imikino yari imaze gukina.

Hemejwe kandi ko amakipe umunani ya mbere mu bagabo azagabanywa mu matsinda abiri; amakipe abiri ya mbere azatandukanywa, andi hakazabanza kuba tombora mu gihe mu bagore, amakipe ane ya mbere azahita akina 1/2.

Uyu mwaka nta mikino ya kamarampaka izaba (play-offs), ahubwo hazaba imikino ya 1/2 n’iya nyuma muri buri cyiciro, hakinwa umukino umwe gusa.

Hagati ya tariki ya 18 n’iya 20 Ukwakira 2020 ni bwo hazaba imikino y’amatsinda mu gihe tariki ya 22 Ukwakira hazakinwa imikino ya 1/2 naho umukino wa nyuma ube ku wa 24 Ukwakira.

Mu makipe y’abagabo, buri kipe izahura n’indi biri kumwe mu itsinda, abiri ya mbere muri buri tsinda azabone itike ya 1/2 mu gihe mu bagore buri kipe izahura n’indi mu cyiciro cya mbere, uko akurikirana ari byo bitanga uko azahura muri 2/2, aho ikipe ya mbere izahura n’iya kane.

 

Amakipe 8 ya mbere mu bagabo

  1. REG BBC
  2. APR BBC
  3. Patriots
  4. Espoir BBC
  5. RP IPRC Kigali
  6. RP IPRC Huye
  7. UGB
  8. RP IPRC Musanze

 

Amakipe 4 ya mbere mu bagore

  1. RP IPRC Huye
  2. THE Hoops
  3. Ubumwe BBC
  4. APR BBC

Jean Paul MUGABE
UMUSEKE.RW

Subiza

Your email address will not be published. Required fields are marked *