Abandi 2 bahitanywe na Covid-19 umubare w’abarwaye ugeze ku 2006 | UMUSEKE

Abandi 2 bahitanywe na Covid-19 umubare w’abarwaye ugeze ku 2006

Mu Rwanda umubare w’abahitanywa n’icyorezo cya Coronavirus ukomeje kuzamuka, kuri uyu wa Gatatu tariki 6 Mutarama 2021 abandi bantu babiri cyarabahitanye, n’aho bwa mbere abarwayi bageze ku 2006. 

Abapfuye ni umugore w’imyaka 42 n’umugabo w’imyaka 55 b’i Kigali.

Ku wa Gatatu abanduye bashya ni 103 barimo ab’i Kigali 82, Rubavu 6, Musanze 3, Huye 3, Muhanga 2, Nyanza 2, Ruhango 1, Rusizi 1, Burera 1, Kayonza 1, na Nyagatare 1.

Abavuwe barakira mu masaha 24 bagera kuri 62.

Muri rusange abanduye bose bagera ku 9 058 muri bo abavuwe barakira ni 6 940 mu gihe umubare w’abakirwaye wageze ku 2006.

Inzego z’ubuzima zikomeza kuburira Abaturarwanda ko coronavirus ku Isi ihindura isura, zigasaba kwirinda kurushaho. Ingamba ziriho ni ugukaraba ibiganza kenshi kandi neza, guhana intera aho abantu bari, kwambara agapfukamunwa neza no kwisuzumisha kare igihe umuntu arwaye ibicurane cyangwa ababara umutwe.

Ku Isi abanduye Coronavirus bagera kuri miliyoni 87.6 (87,635,503), abamaze gupfa bagera kuri miliyoni 1.8  (1,890,786), abavuwe barakira ni miliyoni 63 (63,127,959), nk’uko urubuga worldometer.info rubitangaza.

UMUSEKE.RW

Subiza

Your email address will not be published. Required fields are marked *