Abandi bantu 5 bishwe na Covid-19 abanduye ku munsi umwe ni 257 | UMUSEKE

Abandi bantu 5 bishwe na Covid-19 abanduye ku munsi umwe ni 257

Minisiteri y’Ubuzima yihanganishije imiryango y’abagabo batanu bishwe na Covid-19, bose ni ab’i Kigali abapfuye bose ni 138.
Abapfuye barimo umusaza w’imyaka 98, uwa 85 uwa 74 uwa 63 n’uwa 54.
Kuri uyu wa Gatanu tariki 15 Mutarama 2021 nibwo mu Rwanda habonetse abantu benshi banduye Covid-19 ari benshi ku munsi umwe.
Abanduye barimo ab’i Kigali 159, Gicumbi 16, Gisagara 14, Rwamagana 13, Huye 13, Karongi 10, Muhanga 7, Kirehe 7, Nyagatare 4, Musanze 3, Gatsibo 2, Ngoma 2, Rubavu 2, Ruhango 1, Rusizi 1, Nyamagabe 1, Burera 1, na Ngororero 1.
Umubare w’abanduye bose ugeze ku 10 573, abavuwe barakira ni 7 028 barimo 54 bakize uyu munsi. Umubare w’abarwaye wazamutse cyane ugeze ku 3 407.
Coronavirus imaze guhitana abantu bagera kuri miliyoni ebyiri ku Isi, abanduye bagera kuri miliyoni 93.

2 Ni byo bitekerezo bimaze gutangwa

  • Ndabona ari GUMA MUROGO Y’IMINSI 7 yongerwaho indi minsi irindwi. Si non imashini zongera umwuka zirabanke, maze abantu bapfe nk’udushwiriri. Iminsi 3 yo kwitegura, ubundi mugume mu rugo . Abinjira mu Rwanda bose no ku mipika y’ubutaka no mu mazi berekane ko ibipimo bigaragaza ko batanduye mu gihe cy’iminsi 3; Abava mu bihugu byatangiye gukingira bagaragaze ko bakingiwe. MANA TABARA.

  • Leta ni ifate kuri reserve za COVID 19, yongere ifate abarwayi bose barwariye mu rugo ibajyane mu bitaro. Bave mu batanduye. Igihe byakorwaga byatanze umusaruro kugeza n’aho abanyarwanda bamwe batatinye ko COVID ari ikinamico ko ntarwara iri iwacu. Aho hafatiwe icyemezo cyo kuvurira murugo murabona akaga biteje. Niba amafaranga yabaye make mufate kuri mutuelle n’agaciro, tuzongera dutange ayandi ariko murokore abantu. Kuko ndabona n’inkingo nazo zitabuzemo ibibazo. Kwirinda bizakomeza kuba intwaro yambere. NTAKUNDI. Bongere ubukangurambaga, Muri za quartier babandi bagenda baduhwitura bakoresheje indangururamajwi, polisi yongere ikwire ahantu hose hahurira abantu benshi: AMASOKO, GARE, AMANGAZINI MANINI , Resaurant ndetse n’amahoteli; Abantu 250 ku munsi bandura ubwo baba nibura ibihumbi 7500 mu bitaro. 3% bitabye IMANA ubwo twabura abantu 225 mu kwezi. Ni benshi rero. STOPPER COVID . Iby’insengero nabyo bihagarare.

Subiza

Your email address will not be published. Required fields are marked *