Abantu 6 biyongereye kuri 54 barwaye Coronavirus mu Rwanda | UMUSEKE

Abantu 6 biyongereye kuri 54 barwaye Coronavirus mu Rwanda

Mu Rwanda hagaragaye abandi bantu batandatu banduye coronavirus bituma imibare igera ku bantu 60 barwaye Covid-19, iki cyorezo kimaze gufata abagera ku bihumbi 640 ku isi.

Itangazo rya Minisiteri y’Ubuzima rivuga amakuru mashya ku bantu banduye coronavirus mu Rwanda rigaragaza ko abantu bane mu babonetse uyu munsi banduriye i Dubai.

Umuntu umwe yanduriye muri America (USA). Undi umwe yandujwe n’abantu barwaye iyi ndwara bamusanze imbere mu gihugu.

Coronavirus ku Isi nk’uko bigaragara ku rubuga Worldometer abayanduye bageze ku 645,606 indwara ya Covid-19 imaze guhitana¬†29,971, abavuwe bagakira ni¬†139,552.

UMUSEKE.RW

4 Ni byo bitekerezo bimaze gutangwa

  • Nongere mbisubiremo: Iby’iyi mibare dutangarizwa na MINISANTE buri mugoroba, y’uburyo abarwayi ba coronavirus biyongera, tuzabimenya neza icyorezo kirangiye. Ariko nta logique mathematique irimo ukurikije uburyo iyi virusi yandura na periode d’incubation yayo. Ese ko abantu basabwe kuguma mu ngo zabo, akaba nta surveillance epidemiologique izikorwamo, umubare nyakuri w’abanduye buriya uzigera umenyekana? Hagati aho ariko, MINISANTE nibanze inakemure ikibazo cya za morgues ziriho zuzura abapfira mu bitaro bazize izindi ndwara, imiryango yabo ntize kubafata ngo ibashyingure, kubera umubare muto cyane w’abemerewe gutabara, hagendewe ku mabwiriza yatanzwe mu rwego rwo gukumira coronavirus. Ugira ngo ndabeshya, azasure nka morgues 3 mu bitaro byo mu cyaro arebe uko byifashe.

  • Coronavirus yugarije igihugu cyacu ntisanzwe! Tuyandurira i Dubai no muri Amerika kurusha uko tuyanduzanya hagati yacu indani mu gihugu!! Biratanga icyizere ko tuzayitsinda vuba tukisubirira mu mirimo yacu. Ntatsiroye wa mugani w’abanyarwanda!!

  • Ubushakatsi bwakozwe mu bihugu byateye imbere coronavirus yamaze kugeramo, bwerekanye ko muri rusange abarwayi babiri badatahuwe hakiri kare ko bahuye n’abamaze kwandura, nabo bakandura, banduza nibura abandi bantu batanu mbere y’uko bajya kwivuza (1 personne non mise en quarantaine infecte 2.5 personnes au moins). Kandi aho ni mu bihugu usanga nta bucucike bukabije buba mu miryango. None twebwe ubaze igihe uburwayi bwatangiriye, ukavanamo abarwayi bariho bazana uburwayi bavuye hanze y’igihugu, barenze 3/4, wasanga buri murwayi yanduza munsi y’umuntu umwe. Ntako tutagize mu gukumira iki cyorezo!!!!! Dukomereze aho.

  • Iki cyorezo cya coronavirus cyerekanye abantu ba mbere b’intwari, haba hano mu Rwanda haba no ku isi ya Rurema muri rusange: ni abaganga bariho bita ku banduye, babizi neza ko nabo bashobora kwandura bakanahasiga ubuzima, ni kandi abashinzwe umutekano bariho babafasha gukumira ikwirakwizwa ry’icyorezo amanywa n’ijoro, ni na bariya bose bariho bajya ku mirimo bashobora kwanduriramo, ariko bakitanga ngo abaturage bakomeze babone iby’ibanze, ni abihaye Imana bataharitse kujya guha amasakramentu abo barwayi, bamwe bakanabisagamo ubuzima bwabo banduye, mu gihe abanyapolitiki, ava stars b’umuziki na cinema, abanyemari b’ibyamamare, abenshi baritebeje kubera gutinya urupfu, n’abasohotse bakabikora badagadwa.

Subiza

Your email address will not be published. Required fields are marked *