Abanyeshuri ba VTC Ruhango bari gukora Kajugujugu – UMUSEKE

Abanyeshuri ba VTC Ruhango bari gukora Kajugujugu

Ruhango – Abanyeshuri ba biga mu ishuri ry’imyuga n’ubumenyingiro (Vocation Training Center Ruhango) rya VTC Ruhango bavuga ko ubumenyi bahawe bubagejeje ku ntambwe yo gukora indege ya Kajugujugu, bakavuga ko mu gihe cya vuba ngo izaba itangiye kuguruka ivomerera imyaka.

Kajugujugu abanyeshuri bakoze isigaje igihe gito ngo iguruke.

Kajugujugu abanyeshuri bakoze isigaje igihe gito ngo iguruke.

Umwaka ushize nibwo bamwe mu banyeshuri biga muri VTC Ruhango babwiye Umuseke ko ubumenyi bahawe ngo bwatumye babasha gukora Televiziyo bakuye muri Mudasobwa.

Ku gicamunsi cyo kuri uyu wa kabiri aba banyeshuri bavuga ko kuri ubu batangiye gukora kajugujugu izajya yifashishwa mu kuvomerera imyaka hirya no hino muri aka Karere.

Valens NDIKUMANA umwe mu babashije gukora kuri uyu mushinga wa Kajugujugu avuga ko hari ibyo bamaze gukora mu gihe gito iri shuri rimaze ritangiye, birimo guhindura Televiziyo muri mudasobwa.

Yagize ati “Twahereye ku kazu ubwako kagize kajugujugu (Housing), dushyiramo moteri, dukurikizaho amababa, dusigaje bikeya kugira ngo indege iguruke.”

Ubuyobozi bwa VTC Ruhango buvuga ko hari amafaranga arenga miliyoni eshanu z’amafaranga y’u Rwanda (5 000 000 Frw) abura kugira ngo iyi kajugujugu ibashe kuguruka.

Ubuyobozi buvuga kandi ko bumaze gushoramo miliyoni zikabakaba eshatu (3 000 000 Frw) mu ikorwa ry’iyi ndege. Iri shuri rikaba rimaze gukora n’icyuma gifite ububasha bwo guturaga imishwi y’inkoko 2 000 ku munsi.

Umuyobozi w’ishuri rya VTC Ruhango Alphonse BIMENYIMANA avuga ko barimo gutoza abanyeshuri guhanga udushya bagendeye kuri bimwe mu bikoresho bikorerwa mu Rwanda, kandi ngo bikaba ari kimwe mu bisubizo by’abifuza kwihangira umurimo no guha akazi abandi bantu benshi.

Bimenyimana ati “Uyu ni umwihariko w’abanyeshuri biga muri VTC Ruhango kuko mu minsi ishize twakoze  imodoka mu biti, ndetse tunayihererwa igihembo.”

Umuyobozi ushinzwe imikoranire n’izindi nzego muri WDA, Didier MUNEZERO wari wazinduwe no kureba  aho ubumenyi abanyeshuri bahabwa bugeze bushyirwa mu bikorwa, avuga ko kumyereza Abanyarwanda guhanga udushya bikwiye kuba umuco.

Akavuga ko hari bamwe mu banyeshuri bibwira ko guhanga udushya nk’utu bikorwa n’abanyamahanga gusa.

Ati “Abagishidikanya bumve ko byose bishoboka, ingufu Leta ishora mu mashuri y’imyuga n’ubumenyingiro  zitangiye gutanga umusaruro.”

 

Zimwe muri Mudasobwa abanyeshuri bahinduramo Televiziyo.

Zimwe muri Mudasobwa abanyeshuri bahinduramo Televiziyo.

Valens NDIKUMANA, umwe mu bakoze Kajugujugu avuga ko batangiye gushyira mu bikorwa ubumenyi bahabwa.

Valens NDIKUMANA, umwe mu bakoze Kajugujugu avuga ko batangiye gushyira mu bikorwa ubumenyi bahabwa.

Mayor MBABAZI F. Xavier n'umuyobozi wa WDA batanze impamyabumenyi mu baharangiza.

Mayor MBABAZI F. Xavier n’umuyobozi wa WDA batanze impamyabumenyi mu baharangiza.

Icyuma gifite ububasha bwo guturaga imishwi ibihumbi 2 000 cyakozwe n'abanyeshuri bo muri VTC Ruhango.

Icyuma gifite ububasha bwo guturaga imishwi 2 000 ku munsi cyakozwe n’abanyeshuri bo muri VTC Ruhango.

Didier MUNEZERO, Umuyobozi muri WDA avuga ko ingufu Leta yashoye muri aya mashuri zitangiye gutanga umusaruro.

Didier MUNEZERO, Umuyobozi muri WDA avuga ko ingufu Leta yashoye muri aya mashuri zitangiye gutanga umusaruro.

BIMENYIMANA Alphonse, Umuyobozi wa VTC Ruhango yishimira intambwe abanyeshuri bagezeho.

BIMENYIMANA Alphonse, Umuyobozi wa VTC Ruhango yishimira intambwe abanyeshuri bagezeho.

Abanyeshuri bishimira ko Made in Rwanda igeze ku gipimo kiza.

Abanyeshuri bishimira ko Made in Rwanda igeze ku gipimo kiza.

MUHIZI ELISEE
UMUSEKE.RW/Ruhango

50 Comments

  1. Mushobozi

    05/12/2017 at 8:36 pm

    Ibi babyita kuvumbura ipine kandi rimaze imyaka irenga magana iriho.Abize ibya tekinike baranyumva.

  2. Cyubahiro

    05/12/2017 at 9:00 pm

    Mureke ibanze iguruke?ibyo babyita dancer avant la musique

  3. KHAZUNGHU

    05/12/2017 at 9:31 pm

    Hahahahahaaaaaa

  4. Careless

    05/12/2017 at 11:03 pm

    Arik’ubu aba baba bazima koko??? Hahahaha iyi kajugujugu itubah’amategeko ya physics bashaka kuyikoz’iki muri 2017????????????????????????????????????????????

  5. Akumiro

    05/12/2017 at 11:08 pm

    Guturaga imishwi 2000 ku munsi, byasaba kurarira amagi arenga 42,000 igihe kimwe, kuko umushwi uturagwa nyuma y’iminsi 21 yo kurarira. Ayo magi yose yakwirwa muri iriya incubateur? Murakabya kudushushanya.

  6. Akumiro

    05/12/2017 at 11:22 pm

    Iriya helicopter ninaguruka se, yavomera gute nta reservoir y’amazi? Izajya yinjiramo abantu bikoreye za arrosoirs? Za litiro zingahe? Ari bangahe bo ku buryo bavomera umurima bigahenduka ugereranyije n’ibitoro izajya inywa? Izaba ifite ubushobozi bwo kwikorera ibilo bingahe? Yo izaba ifite bingahe? Iriya rotor yayo ikoze mu ki? Ibanga ryo kuvomera na helicoptere abazivumbuye bo batazikoresha uwo murimo kuko bihenze, ni irihe? Kuki mumurika indege itaraguruka???????

  7. Rwenya

    05/12/2017 at 11:28 pm

    Indege ikoze mu mabati ya occasion ya 32 BG!!

  8. Immaculee

    06/12/2017 at 12:05 am

    Abarimu n’ubuyobozi bwanyu bafite ikibazo ubwo ayo 3,000,000 mu maze gushora yapfuye ubusa kd uzabyumva muri report y’umugenzuzi wa leta.Byonyine ibati mwakoresheje ubwaryo n’ikibazo.Noneho VTC utiga physique, Mathematique, Geography n’ibindi.Ahubwo muvugeko mwacuze rondereza naho ubundi muri guta umwanya mwagakoresheje ibindi kd byazabafasha mutashye iwanyu.

  9. x

    06/12/2017 at 12:50 am

    Iyi ndege umuntu uzayitwara bwa mbere bazabanze barebe ko afite mutuelle, naho ubundi….

  10. Umure

    06/12/2017 at 5:08 am

    Eeeh rwose birashoboka cyane rwose,n icyogajuru twagikora erega,ubwenge Uwiteka yatwujujemo dukeneye amahoro gusa n ubuyobozi bwiza maze tukabishyira mu bikorwa.erega kuva kera byari umuco ko twikorera ibikoresho nkerwa mu buzima bwa buri munsi,ntaho abakurambere basabirije,byose barabyikoreraga bakanabyigisha ababakomokaho nyuma umuzungu araza abaca amaboko ngo batazerekera abana babo uko bibeshagaho abategeka gukoresha ibye tubikutiramo ari nabwo bumuga dufite uyu munsi kugezaho hari abiyumvisha ko abanyamahanga aribo bagenewe gukora twe tugakoresha ibyo bakora ari nacyo gituma badukandamiza,

    burya kwigenga kwari ukwa ba sogokuruza kuko bo bikoreraga buri kimwe cyose bityo ntawasabirije ,kandi bemera ibyabo kurusha iby abandi,none twe uyu munsi hari n abasigaye bambara imisatsi y abandi bagahisha iyabo nyamara iyabo ari myiza cyane kurusha iy abandi,nk umuntu wambara uru wig kuva ku wa mbere kugera ku cyumweru koko kandi umusatsi Imana yamwihereye umubereye kurusha undi musatsi wese abari mu biki koko butari ukwisuzugura n ukwitesha agaciro,kereka uwasaze niwe usuzugura ibye akarutisha iby abandi ibye.uyu munsi urasanga uwishe igikara cye yaritukuuuje ukibaza uyu ni muzima cg yarasaze,ni gute umuntu ashinga ku gikara nk icya Rudahigwa koko akagitukuza?melanin nibwo bukire bw uruhu kandi iri no mu bituma dutekereza kure,mu bwonko bwacu hari imibumbe ya melanin 12 ninayo nyinshi ku isi kandi iba gusa mu birabura bugatuma dufata mu mutwe cyane ndetse twatekerwza tukagera kure,ari nayo mpamvu dukize mu mateka mvugo a.k.a oral history ninayo mpamvu abirabura bakomeye cyane ku si bakavumbura science yabye civilizationz zikomeye ku isi,akaba ari nayo mpamvu abazungu baduhiga batubuza amahwemo ngo tutagira amahoro tukinjira mu buvumbuzi n u ubuhanga tukongera tugatera imbere cyane.

    uyu munsi biragaraga ko rwose bateye imbere kuturusha ariko bahora batwikanga ari nayo mpamvu bahora baturwanya ntibatore agatotsi ukibaza impamvu badasinzira kandi bitwa ngo baraturusha iterambere ukamenyako turi ab igiciro cyinshi cyane kuko umunyagiciro arangwa agahora arwanywa ariko ntawe urwanya igicucu cg umuswa cg umupfapfa kuko nubundi uba uziko ntacyo yakwigezaho.rero basore mukomeze pe,inzozi zanyu muzazigeraho ,ntimuzabura ababaca intege kuko burya umupfapha iyo ari mu nzira ubwenge buramucika bigatuma uwo ahuye nawe wese amwita umupfapfa,rero namwe abazabaseka ni uko mu mitwe yabo bibonako ntacyo bishoboreye,bazabita abapfapfa atari uko muri abapfapfa ahubwo kuko bo ari abapfapfa.Imana ibane namwe.

  11. peter

    06/12/2017 at 7:18 am

    Ayiwe!! Nimusigeho mwa bana mwe, hari ibidakinishwa

  12. I

    06/12/2017 at 7:54 am

    Ntago wakora ikintu kirutwa kure nicyo abandi bakoze muri 1939 ngo uvuge ko nawe wahanze udushya. Tuge tureka rwose koshya aba bavandimwe ngo bavumbuye.

  13. Kamanayo

    06/12/2017 at 8:20 am

    Rwose aho bigeze abanyarwanda dukwiye kwicisha bugufi, tukareka kwirata, kwiyemera, kwisumbukuruza, guca igikuba, no kwemeza amahanga ko turi aba mbere muri byose muri Afurika. Nidukomeza gutyo tuzaremara, n’abana bacu baremare, hanyuma usange mu myaka itaha nta muntu wo hanze wemera icyo tuvuga n’icyo dukora.

    Iyi ntabwo ari Kajugujugu yari ikwiye gutera urusaku rungana gutya, kuko ndetse ahubwo abazi ubwenge iyo barimo kuvumbura nta nubwo babitangaza bikiri mu ntango, babyerekana ari uko barangije kugera kucyo bavumbuye, bakakigaragariza ababireba. Please stop boasting.

  14. Kemayire Aloys

    06/12/2017 at 8:51 am

    Cyokora mwakoze igipupe naho ibya kajugujugu byo mubyihorere. No gusudira ngo mufatanye amabati byabananiye umuntu arareba imbere ahagaze hanze none!!!!! Kuguruka!?? Ahahahahah keretse niba icyo gipupe kizabareba kikabagirira impuhwe ubwa ya Mana Bayari. Kajugujugu ibanza gukorerwa ku kibaho ibyo gufatanya amabati bikaza hanyuma mwa bana mwe. Kandi ndahamya nshikamye ko ubumenyi muhabwa aho ngaho atari ubugurutsa kajugujugu!!!! Auditor General abakurikiranire hafi azabaryoze aya mafaranga y’igihugu murimo mwangiza.

  15. richard

    06/12/2017 at 9:26 am

    kubeshya byo murabizi. ubuse barabeshya nde. gusudira ibyuma ngo wakoze kajugujugu. nkabimwe abana bakinisha bakora indege mu byondo.

  16. hagen

    06/12/2017 at 9:31 am

    aba nyafurika cyane cyane abirabura ,ikibazo dufite nuko iyo tubonye mwene wacu atekereje gukora ikintu cyiza ,tumuca intege.Niyo mpamvu tutavumbura.Meya yakora ibikorwa bwiza,abantu bagatangira kuvuga ngo nanone niwe ,arashaka kwibonekeza ,ngwarasha kugirango azagumeho,umujinya ukatwica aho kumutera inkunga.Ubwose mubona tuzatera imbere dute?Muzi amafaranga yagiye akoreshwa nabariya bazungu agapfa ubusa ,ariko igitekerezo cyiza kigakomeza ,bakabaha andi mpaka bavumbuye.Iyo esprit mbi nituvemo twebwe abanyafurika.Kubona umuntu ateri mbere tukajiginywa,aho kwishima ngo tunamutere inkunga.

  17. SNIPER

    06/12/2017 at 9:35 am

    none se iyi kajugujugu itagira moteur naho moteur ihumekera izagutswa n’iki kweli?

  18. shiru

    06/12/2017 at 9:36 am

    yemwe iki kintu ndi kubona ku ifoto ni igiki????

  19. massinga

    06/12/2017 at 9:54 am

    None se ko ndeba araba soudeur bakora helicopter gute? ntabwo umuntu abyuka ngo atekereze gusudira ikintu agendeye kuri forme yibyo abona narangiza avuge ngo yavumbuye?????????????? please.

  20. Kofi

    06/12/2017 at 10:04 am

    Cyakora igitekerezo cyo ubwacyo ni kiza ariko uburyo bishyirwa mu bikorwa sibwo. Hari amategeko ya physic abanza kwigwa mbere yo gukora chape y’indege. Indege isaba moteur ifite ingufu cyane kandi irashyuha. Ntabwo ibati rya metallic ryujuje ubuziranenge bwo kuguruka mu kirere no kwirengera ingufu za moteur. Izahita ishwanyuka itaraguruka. Gusa ndabashyigikiye ariko abarimu babafashe kubyitwaramo neza

  21. Iranzi

    06/12/2017 at 10:04 am

    Ariko ndabona hari abarimo kwitiranya ibintu iri shuri naryizemo ntabwo bigisha gukora kajugujugu bigisha gusana no kwesitara ibikoresho bya Electronic ndetse bakanigisha Mecanique automobire naho ibyo gukora indege ni agashya kabo bashatse kwishyiriraho mubareke bibananire cyangwa se bazayishobore nabyo tubibone

  22. TITI

    06/12/2017 at 10:14 am

    hhhhhhhhhhhhhh!Icyo ubwo nigiki bakoze ariko ndacyeka arigipupe cyindege alphonse ndamuzi azababeshya bumirwe ababishinzwe muzasure iryoshuri aho ryigira mugatengezi murebe koko naho abana bigira mbere murebe uko hameze

  23. amani

    06/12/2017 at 10:15 am

    Gukora indege ni ibintubikaze byo ku rwego rwo hejuru ariko ubwo abanyarwanda dusigaye dutinyuka bene aka kageni nabyo ntacyo bitwaye wenda bazagera ubwo bavumbura nibishoboka bizana agafaranga.

  24. mugisha

    06/12/2017 at 10:20 am

    Courage basore! naho ababaca intege bo ntibazabura, kandi mwibuke ko ibyo tubona byose byakozwe buhorobuhoro hakaba n’ababigendeyemo ariko igitekerezo kigakomeza; n’ibyo twiga byose byavumbuwe n’abatarize. MUZABONA ABANYAMASHYARI BENSHI BABACA INTEGE ARIKO MUKOMEZE MUSONGE MBELE.

  25. amani

    06/12/2017 at 10:48 am

    Ariko se TITI nkwibarize kurimo kubanega byibuze wowe watinyuka no kubigerageza aho kubaca intege uzagende ubunganire uko bikorwa sibyo nshuti yange?

  26. Tecnicien

    06/12/2017 at 10:53 am

    dore niki rero abanyafurika tuzira Aba bana bagize igitekerezo cyo kugerageza ibyo abandi batatinyuka none harimo abarimo kubaseka byibuze wowe wagerageje iki mu buzima bwawe

    • nge

      06/12/2017 at 2:01 pm

      wowe wiyise tecnicien nkubaze. waba utazi kugenda wambaye inkweto ngo uri gushaka imodoka. simvuze ko badakora ariko barebe ibikenewe kuruta ibindi .naho gutekereza ibyo utaza shobora ninko gufata urugendo rurerure utazi naho rujya

  27. Kigunda

    06/12/2017 at 11:03 am

    Birababaje kubona mwanditse inkuru yabana bakoze igikinisho mwarangiza iyo nkuru mukayiha titre yinkuru yabantu bakuze. Nigute umuntu ava muri ministère akajya gutaha igikinisho cyabana. Iyi kajugujugu ntaho itanyiye niyo twakoraga mumakoma, mumisasa cyangwa mu nkenyeri.

    Banyarwanda tureke kwiyemera. Gukora kajuguju ni projet iremereye cyane kuburyo nta entreprise nimwe yo mubiyaga bigari yabikora.

  28. elise

    06/12/2017 at 11:46 am

    Reka mbabwize ukuri jyewe aba bana bamurika iriya kajugujugu yabo nari mpari naherekeje sister wagiye guhabwa certificat, muri iri shuri nahabonye byinshi byo gushima kurenza ibyo wanenga
    ndabaha ingero : bigisha gukora no gusana ibikoresho bya electronic hafi ya byose iyo ubonye amatelevisio bakora mashya bakuye mu byahoze ari ama computer,bagakora ibyuma bitanga umuriro wamashanyarazi nabonye barize no gukora ibyuma bituraga amagi kandi bafite nubukanishi bw’imodoka buteye imbere kadi wareba ugasanga banafite ibikoresho bihagije byo kwigishirizaho ubona vraiment bafite icyerekezo. naho indege yo bayitwereste mu rwego rwo gutinyuka ibirenzeho .

  29. mukiza jean pierre

    06/12/2017 at 11:55 am

    u rwanda rukomeje kwereka amahanga ko hari icyo rushoboye rwose!kuba narwo rufite abana bafite ubwenjye bugezaho gukora rutemikirere.ahubwo abo bana niba bishoboka bazoherezwe mu bihugu byo mu mahanga bajye guhugurwa nabahanga(intiti) babizobereyemo mu gukora rutemikirere.

  30. Papa Flora

    06/12/2017 at 12:28 pm

    Muhindure title y’inkuru mwandike nko Abanyeshuri ba VTC Ruhango bari gukora igishushanyo cya kajugujugu.

  31. Papa Flora

    06/12/2017 at 12:28 pm

    *Ngo

  32. Nadine

    06/12/2017 at 12:40 pm

    BRAVOOOOOOOOOOO VTC RUHANGO MUKOMEREZAHO MURI ABANTU BA BAGABO KABISA NIMWE IGIHUGU GIKENEYE

  33. kagabo

    06/12/2017 at 12:44 pm

    Ariko noneho aho bigeze aya mashuri ngo ni VTC ari gupfusha ubsa amafr ya leta.
    Ubu se abo bana barebye basanga hakanewe indege mu karere kiwabo ngo abaturage babeho neza??? Mwigishwe gukora ibifitiye abaturage akamaro, biteze imbere bakoresheje ubumenyi mwahawe, Indege mwibati koko?? ngo Rwandair yacu yunguke se??

  34. nge

    06/12/2017 at 1:55 pm

    ababayobozi bakurikiranwe kuko ntibazi agaciro kibyo leta .ishora mubumenyi. deja ntibazi nibyo igihugu gikeneye .niyo mpamvu bigishije gukora indege

  35. I

    06/12/2017 at 2:03 pm

    Ntureba,Leta ntizongere gutumiriza Rwandair indege muri za Airbus na Boeing, bahite batanga commande y’indege muri iryo shuri badukorere nizitari Helicopter izindi dutangire tuzigurishe muri za USA na Europe kuko izabu urabonako zikoranye ubuhanga kurusha ibidege byabo, kandi abo banyeshuri bahite rwose badukorera n’icyogajuru.

  36. uk

    06/12/2017 at 2:10 pm

    @ Nibyiza kugira innovative ideas na creativity ariko ibi sinzi niba ari uyobora iri shuri, n’abanyeshuri bumva programme n’integanyanyigisho ya VTC iyo ufashe amafaranga ngo ugiye kuyashora muri Kajuguju ubwo koko aya mafaranga ntaba apfuye ubusa ahubwo bagakoze nkimbabura cyangwa bakabanza bagakora nkibikinisho bya kajugujugu nto bakareba ko iguruka. Ibi birababaje gusa ntakindi niba umwana afite innovation yafashwa ahubwo kumvishwa gukora ikintu nkicyo amasomo bisaba agafashwa kuyakurikirana aho ari mu makaminuza akomeye hanze kuko buriya umwana arata igihe nkaho yashyize umutima kubyo yahita akoresha avuye mu ishuri bifiteye akamaro abanyarwanda? Murakoze

    • shiru

      06/12/2017 at 4:36 pm

      @uk ntago warebye neza? nubundi ni igikinisho cya kajugujugu bari kwigiraho ahubwo uwabyishishe ni uwahaye iyi nkuru ko ari kajugujugu yakozwe!

      • Kigunda

        07/12/2017 at 11:31 am

        @shiru totalement d’accord ngirango iki gikinisho cyari kiri mubintu byari bigize spectacle bari bari gukorera abayobozi babasuye noneho umunyamakuru ntiyashobora kubitandukanya. Ikindi uyu munyamakuru yagiye akabya inkuru. Urugero ni imashini ituraga birumvikana ko bidashoboka:

        Niba igi rifite akarambararo ka cm 3. Igi rimwe rizatwara= 3²x3.14= 28.2 cm². kunkoko 2000 bisaba ubuso bwa= 2000 x 28.2= 56548 cm²= 5,65 m². Bishatse kuvuga ko kumunsi bakeneye ubuso bungana na 5,65 m² kandi batubwiye ko bafite imashini imwe uyirebye neza ntabwo irengeje 2 m². Kuva ku igi kugera kumushwi bisaba igihe bivuze ko bisaba imashini nyinshi. Bisaba umuriro mwinshi cyane.

        Ndamutse ndi rédacteur en chef wiyi site nahita mpagarika uyu munyamakuru muziza gukabya.

  37. Claude

    06/12/2017 at 2:12 pm

    hhhhh kajugujugu nazo ziyongereye muri made in Rwanda da hhhhh ahwii

  38. Chercheur

    06/12/2017 at 2:25 pm

    Gukorera indege muri atelier ntoya ikaguruka, cyangwa imodoka ikagenda, ubwabyo si igitangaza. Abazungu benshi cyane barabikora. Mwibuke abasuwisi 2 bakoze ikoresha imirase y’izuba ikazenguruka isi. Ariko baba barabyize. Physique des materiaux barayikamiritse. Navigation aerienne barayize. Aerodynamique bayihumeka. Twe turacyafite urugendo rurerure. Nabibutsa ko mbere ya 1990 hari umusore wa za Gitarama wakoraga igisa n’indege akaguruka. Ntumbaze umubare wa fractures yakuyemo. Ariko biriya ni amatsiko meza. Harya umwe wayikoreraga i Rutongo byaje guherera hehe? Bamwe bakiraga drones zarengeye he?

  39. kubaho

    06/12/2017 at 2:25 pm

    Ariko di ubwo muzi abashomeri bari hanza ha bafite za diprome ndetse niza kaminuza none iri shuri nabonye ryigisha umwaka umwe umuntu agasohoka afite ubumenyi bwo gukora ibintubitandukanye nabonye hejuru mu nkuru kugeza ubwo atinyuka no gutekereza kajugujugu ahubwo iyaba nadi mashuri yakoraga gutya buriya se bariya bana ubuhanga bafite bananirwa gukorera amafaranga

  40. Kami

    06/12/2017 at 2:32 pm

    Birababaje, biteye n’isoni! Umuyobozi w’ishuri utinyuka agashora 3.000.000 rwf mu gikorwa cy’ubwana bene aka kageni?!Ngo mwakoze imodoka mu biti? Ubu mu muhanda harimo zingahe? Ubu koko habuze ikintu gifatika aya mafranga yashorwamo? Uwampa ububasha; uyu muyobozi w’iri shuri namusezerera nta nteguza. Ngo dukeneye 5.000.000 frw ngo indege itangire kuguruka?? Birababaje!! Ese twabanje tugakora ingorofani tukareka kuzitumiza hanze??! Oh, turacyafite byinshi byo kwiga disi…

  41. Sedrick

    06/12/2017 at 2:40 pm

    Yebaba we ndababaye nsomye iyi nkuru natinze!!! reka mbabwire kandi nta marangamutima nkoresheje iri shuri ndarizi pe riri mu mujyi wa Ruhango niba hari ishuri ryigisha neza kandi mu buryo buri pratique ni VTC RUHANGO Yego wenda aho rikorera ubona hadashamaje cyane ariko abana risohora muri electronic no muri mecanique barakaze uzi umugabo wahize w’umutechnicien witwa BOSCO Ukorera Ikabuga hano ikigali ukuntu arashwanyaguza arebaho ni dange mu gukora amatelevision na za senti bacuranga jye numva atari igitangaza ko na kajugujugu bayikora!

  42. sebarinda

    06/12/2017 at 2:48 pm

    jyewe mbona ikibazo aruko yazabananira ntikunde naho ubundi urubyiruko rutangiye gushira ubwoba

  43. sebarinda

    06/12/2017 at 3:01 pm

    Ariko nuko ndeba uyu munyamakuru yivugiye indege hari abana bakorera stage iwacu bize ibyubukanishi bw’imodoka nabonye bashoboye bigaragara ko ari ishuri ryiza ryimyuga naho ibyindege byo nta wuzi icyo bagendereye wenda bazashyira banayikora ese ubundi ababigezeho barabivukanye cyangwa bavukiye 12mois

  44. yves

    06/12/2017 at 3:13 pm

    Yego ko umunyarwanda yakoze indege mbahe ! ahubwo wenda niba bitoza no guhanga udushya nibanoze uriya mushinga nabonye wibyuma bakora birarira amagi nuwo gukora za television naho ibindi byo nibyabazungu sha tujye ywemera

  45. rukundo

    06/12/2017 at 3:17 pm

    ariko sha muzabemeze wenda izagurke igere muri 5m urbeko abazungu bataza kubagura

  46. cyuzuzo

    06/12/2017 at 3:25 pm

    Wenda nabo bigerejeho kuvuga ngo batangiye gukora indege ariko ndabashimira aga permi nahakuye muri auto ecole yaho gusa byo mukwigisha ibindi bitari indege barasobanutse muri electronic yabo ndetse na mecanique yabo kuko bagira ibikoresho n’abarimu basobanukiwe ibyo bigisha

  47. Mirenge

    06/12/2017 at 7:52 pm

    Bazabanze bakore drone turebe.Bityo za zindi za zitplayine ngo zijyana amaraso twazajya tuzikorera.

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock