Abishwe na Covid-19 mu Bushinwa biyongereyeho 1290 – UMUSEKE
  • 28/09/2020 8:19 21

Abishwe na Covid-19 mu Bushinwa biyongereyeho 1290

Mu mugi wa Wuhan wo mu Bushinwa aho Coronavirus yatangiriye mu mpera za 2019 ikamenyekana cyane mu ntangiriro za 2020, ku mibare yari yatangajwe hiyongereyho abantu 1290 bishwe na Covid-19, Ubushinwa bumaze igihe ku gitutu cya America ibushinja gutangaza imibare itari yo haba ku banduye n’abapfuye.

Wuhan imfu za Covid-19 ziyongereyeho hafi 50% bituma abishwe na yo biyongera cyane mu Bushinwa (Photo NBC News )

Umugi wa Wuhan wo mu Bushinwa watangaje imibare mishya ku bantu bishwe na Covid-19, hiyongeraho abagera ku 1,290 bagera ku nyongera ya 50% ku mfu zari zatangajwe n’ubuyobozi bw’uriya mugi.

Umunyamakuru wa BBC, Robin Brant avuga ko Wuhan ivuga ko iriya mibare mishya ari iy’abantu bapfuye batageze kwa muganga, abandi ngo raporo z’uko bapfuye zatinze gutangwa.

Avuga ko bigaragara cyane ko impungenge ku kuba Ubushinwa bwari bwavuze amakuru atari yo zifite ishingiro.

Coronavirus mu Bushinwa, imibare ya Worldometer.info igaragaza ko abanduye ari 82,692 abapfuye hiyongereyeho bariya (1290) bageze ku bantu 4,632 abavuwe barakira bageze ku 77,944.

Leta zunze ubumwe za America zimaze iminsi zisaba ibisobanuro Umuryango Mpuzamahanga wita ku Buzima (OMS/WHO) ku kuba wararangaye mu gusesengura amakuru ya Coronavirus yatangwaga n’Ubushinwa, ubwo burangare bukaba bwaratumye icyorezo cyugariza cyane isi kuruta uko byari byiteguwe.

Mu mugi wa Wuhan ubuzima bwongeye gusubukurwa nyuma y’igihe abantu bafungiye mu ngo.

BBC

UMUSEKE.RW 

Subiza

Your email address will not be published. Required fields are marked *