Ahazaza ha Areruya Joseph warangije amasezerano muri Team Dimension Data – UMUSEKE

Ahazaza ha Areruya Joseph warangije amasezerano muri Team Dimension Data

Ukuboza ni ukwezi kwa nyuma kw’amasezerano ya Areruya Joseph wagize umwuga gusiganwa ku magare n’ikipe ye Team Dimension Data for Qhubeka yo muri Afurika y’epfo. Gusa ngo ashobora kongera aya masezerano nubwo nyuma yo gutwara Tour du Rwanda hari andi makipe yatangiye kumwifuza.

Areruya Joseph afite ikizere cyo kongera amasezerano muri TDD

Areruya Joseph afite ikizere cyo kongera amasezerano muri TDD

Tariki 17 Ugushyingo 2017 nibwo ikipe y’abanya-Afurika y’epfo yagize umwuga umukino wo gusiganwa ku magare Team Dimension Data nkuru yatangaje abakinnyi izakoresha mu mwaka w’imikino wa 2018. Ntabwo harimo umukinnyi w’umunyarwanda nubwo benshi bakekaga ko Areruya Joseph ashobora kuzamurwa kuko asanzwe akina mu ikipe yayo ya kabiri.

Mu buryo butunguranye uyu mukinnyi w’imyaka 21 uvuka i Kayonza ntabwo yazamuwe nubwo yitwaye neza mu masiganwa yakinnye muri uyu mwaka w’amasezerano yari afitanye n’ikipe ya kabiri ya Team Dimension Data. Yatsinze etape muri Giro d’Italia U23, anatwara Tour du Rwanda.

Umuseke uganira na Areruya yatubwiye icyo ateganya mu hazaza he kuko umwaka w’imikino ubura ukwezi kumwe ngo utangire.

“Nyuma ya Tour du Rwanda ntabwo ikipe yanjye iransezerera. Turacyaganira kandi bashobora kumpa andi masezerano y’umwaka cyangwa batayampa nkabona n’indi kipe. Gusa ikizere ndacyagifite. Bibaye byiza kuko nakoze cyane muri uyu mwaka nabona andi masezerano. Kandi bitanabaye nta kibazo kinini kuko nkeka ko ntabura indi kipe imfata.”

Bivugwa ko mu makipe yamaze kugaragaza ikifuzo cyo gusinyisha Areruya Joseph harimo Israel Cycling Academy na SkyDive Dubai Pro Cycling Team.

Urutonde rw’abakinnyi Team Dimension Data izakoresha 2018

Igor Anton, Edvald Boasson Hagen, Steve Cummings, Mekseb Debesay, Nic Dougall, Amanuel Ghebreigzabhier, Reinardt Janse van Rensburg, Ben King, Louis Meintjes, Ben O’Connor, Mark Renshaw, Jay Thomson, Johann van Zyl, Julien Vermote, Natnael Berhane, Mark Cavendish, Scott Davies, Nicholas Dlamini, Bernie Eisel, Ryan Gibbons, Jacques Janse van Rensburg, Merhawi Kudus, Lachlan Morton, Serge Pauwels, Tom-Jelte Slagter, Scott Thwaites, na Jaco Venter.

Nyuma yo gutwara Tour du Rwanda ngo yifujwe n'amakipe atandukanye

Nyuma yo gutwara Tour du Rwanda ngo yifujwe n’amakipe atandukanye

Roben NGABO

UMUSEKE

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017