Aho afungiye, Mugesera ngo arabyuka akavuga ko ashaka kujya kwivuriza Faisal – UMUSEKE

Aho afungiye, Mugesera ngo arabyuka akavuga ko ashaka kujya kwivuriza Faisal

*Brig Gen Rwigamba ati “Aryama ku gitanda kiza, arya ibyo yihitiyemo…”

Mu kiganiro n’abanyamakuru uyu munsi umuyobozi w’Urwego rw’igihugu rushinzwe imfungwa n’abagororwa yatangaje ko ibyavuzwe n’ikinyamakuru cyo muri Canada ko ubuzima bwa Dr Leon Mugesera bwifashe nabi atari ukuri ahubwo ari ukuruhanya k’uyu mugabo kandi ngo ntigutunguranye kuko yabigaragaje na mbere. Aho afungiye ngo ajya abyuka akavuga ko ashaka kujya kwivuriza Faisal.

Umuyobozi wa RCS Brig Gen Rwigamba avuga ko Mugesera yitaweho nk'abandi bagororwa

Umuyobozi wa RCS Brig Gen Rwigamba avuga ko Mugesera yitaweho nk’abandi bagororwa

Ikinyamakuru ‘La Presse’ mu cyumweru gishize cyatangaje ko Umwunganizi wa Mugesera Me Jean Felix Rudakemwa yababwiye ko yangiwe kumusura naho umugore we Gemma Uwamariya akibwira ko yamenye ko ubuzima bw’umugabo we bugenda bumererwa nabi.

Brig Gen. George Rwigamba Komiseri mukuru wa RCS uyu munsi yabwiye abanyamakuru ko Leon Mugesera afashwe neza akaba ahabwa ibyo yimerewe n’amategeko.

Ati “Aho afungiye afite icyumba ke abamo, aryama ku gitanda kiza, arya ibyo yihitiyemo, afite ubwiherero mu nzu, aravuzwa iyo ashaka kuvuzwa […]”

Brig Gen Rwigamba avuga ko Mugesera wakatiwe gufungwa uburundu, ari gukora igihano ariko ko atarwaye bikomeye ko ahubwo ibyavuzwe ari kamere ye yo kuruhanya ngo yakunze kumuranga no mu rubanza rwe rwamaze imyaka itatu.

Ati “Kamere y’umuntu ntabwo wayihindura, murabizi ko no mu nkiko urubanza rwe rwatwaye igihe kirekire kurusha izindi kubere imiburanire ye no kuruhanya n’ibindi nk’ibyo, n’aho ari rero araruhanya.”

Brig Gen Rwigamaba avuga ko abagororwa bavurwa n’ibigo by’ubuzima biri muri buri gereza, byaba binaniranye bakoherezwa mu bindi bitaro byegereye iyo Gereza.

Ati “Mugesera rero ari i Nyanza kugira ngo azage mu nzego z’ubuvuzi ni uko ava kuri gereza akanyura ku bitaro by’i Nyanza na byo bitabishobora bikamwohereza CHUB nabyo bitabishobora ngira ngo ahakomeye dufite ni Faisal…

Kuri we rero kubera ko kamere ye aruhanya arabyuka mu gitondo akavuga ko we ashaka kujya Faisal, wamubwira ko akwiye kunyura muri za nzira twavugaga ntabyange kandi afite ububasha bwo kubonana n’abanyamategeko be bashobora gutanga amakuru nk’ayo, ikivamo ni uko avuga ko yimwe uburenganzira.”

Yemeza ko Dr Leon Mugesera aho afungiye muri gereza ya Nyanza (Mpanga) atamerewe nabi kandi uwabishaka yajya kumusura.

Ahakana kandi ko umwunganizi we Me Rudakemwa yigeze yangirwa kumusura ngo kereka igihe kitagenwe.

Muri Mata 2016 Mugesera yakatiwe n’Urukiko rukuru gufungwa burundu, ahita ajuririra umwanzuro w’urukiko. Ubujurire bwe ntiburaburanishwa mu rukiko rw’Ikirenga.

Ifoto ya Leon Mugesera aho afungiye muri gereza ya Nyanza i Mpanga. Photo/RCS

Ifoto ya Leon Mugesera aho afungiye muri gereza ya Nyanza i Mpanga. Photo/RCS

Martin NIYONKURU
UMUSEKE.RW

10 Comments

  1. mahoro jack

    06/12/2017 at 12:31 pm

    hhhh dogiteri rwose! Ese noneho yaba yaremeye kuvuga ikinyarwanda ra? Mperuka yemeza urukiko ko yakibagiwe, ko ururimi rwe ari igifaransa!

    • Munana

      06/12/2017 at 4:46 pm

      Yaba yaravuze se ko atazi ikinyarwanda???? ko nabonye no mu rubanza rwe se yarireguraga mu Kinyarwanda kandi cyiza cyane!!!!Yaranacyize muri Kaminuza i Butare (Licence en Lettres Modernes Francais-Kinyarwanda) mbere yo kujya gukora Doctorat en linguistique.

    • Bandora Charles

      08/12/2017 at 12:36 pm

      Njye numva ntaco byahindura bwana Mahoro, ariko se kuva kururimi rwakubyaye ukimukira kugufaransa, ese yavuiye he ajya he? uko guhindagura izavuga, byo ntibyaba
      ibimenyetso ko mumutew bitakigenda neza?
      Dushaka gusa ko yemera icyaha, byibura akazamarayo iyo Nahimana ferdinand yasimbutse
      bakamurekura,birababaje kugira abantu nka mugesera (nkuko yabaye umugesera nyene)
      batuzengereza umutwe.

  2. Tate

    06/12/2017 at 12:54 pm

    Ngaho da! Cyangwa amaze guturubula? Lol natubabarire cyane ! Yaba Basi yabanzaga akemera icyaha! Nibyo bimugiz kuriya!

    • MUKURU

      07/12/2017 at 5:34 pm

      REKA GUSEBANYA MUVANDI!@TETA

  3. shiru

    06/12/2017 at 4:01 pm

    yoooooo!!! nuku asigaye angana??

    • Bandora Charles

      08/12/2017 at 12:40 pm

      Wari wifuza ko yangana ate ga Shiru?ntureba ko ameze nka Bébe,sigahosha!
      Inzirakarengane yoretse kubera urwankorwe kumututsi aho ziri ntimuhazi?

  4. dudu

    06/12/2017 at 4:37 pm

    maze yambaye umwenda uteye ipasi ubuse abatutsi yivuganye barihe IMANA yo nyine izamugenere urumukwiye guhana no guhemba n’ibyayo

  5. ERIC

    06/12/2017 at 6:06 pm

    Uyu mugabo ibyo avuga arabeshya cyanee!! Kko afungiwe mugice gifungiwemo babasilamu baregwa iterabwoba!! Namubonye kenshi rwose nagiye kubasura nawe yasuwe kdi ubona ari free akamarana, umwanya munini nuwamusuye kdi bambwiyeko arya neza.kdi bose bakora sport hamwe na babafungwa bavuye za serareoni.

  6. h

    07/12/2017 at 8:07 am

    kwiga ukaba umuntu ukomeye no gukira ni byiza pe, kuko ntufungwa kimwe n abandi… bituma upanga ibyaha neza wabyizeho wanafungwa ukihitiramo ibiryo mu gihe abandi babahitiramo n ibinyamakuru bigasigara bikwandika… abafunzwe mbere na Arusha ahubwo bagize amahirwe arenze bo abenshi barafunguwe… kdi bari banafashwe neza cyane Mana uzampe gukomera no kuba umuherwe ibindi nzirwariza…

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock