Bishop Rucyahana yashyizwe mu kiciro cy’Ubudehe kimwe n’umuzamu we – UMUSEKE

Bishop Rucyahana yashyizwe mu kiciro cy’Ubudehe kimwe n’umuzamu we

*Rucyahana asanga abashyize umuzamu we mu kiciro cya 4 batamuzi,
*Umuvinyi Mukuru avuga ko hakurikije ibyanditse ntawakwinubira ibyiciro by’Ubudehe,
*Abayobozi b’inzego z’ibanze ngo ibintu babikora ku munota wa nyuma bakagenekereza.

Ku wa kabiri ubwo Abanyamadini bari mu mwiherero wo kureba uruhare bagira mu kurwanya ruswa n’akarengane, Biship John Rucyahana wacyuye igihe mu Itorero ry’Abangilikani, yavuze ku karengane ke n’umuzamu we uburyo bashyizwe mu kiciro cya kane cy’Ubudehe, akaba asanga ibyinshi biba abanyamadini babizi ku buryo bakwiye kubyamagana.

Umuvunyi wungirije, Musangabatware Clement, na Bishop Rucyahana John akaba na Perezida wa Komisiyo y’Ubumwe n’Ubwiyunge

Mu ijwi ririmo kuganya nubwo Bishop Rucyahana yasaga n’ubwira bagenzi be atebya, yavuze ko uwo muzamu we washyizwe n’inzego z’ibanze mu kiciro cya kane cy’Ubudehe (cy’Abaherwe “batunze ibya Mirenge”), ari umuntu Bishop yagiriye impuhwe kubera imibereho mibi, apfa kumuzana iwe ngo ajye arara izamu amuhembe.

Uyu mugabo ushaje ku buryo atakibasha no kurara izamu, yashyizwe mu kiciro cy’ubudehe kimwe na Bishop Rucyahana wamaze igihe kirekire abwiriza mu Itorero ry’Abangilikani, ariko na we akaba atari yishimiye ikiciro cya 4 cy’ubudehe yashyizwemo kuko ngo ari mu kiruhuko k’izabukuru, nubwo ubu asigaye ari Perezida wa Komisiyo y’Igihugu y’Ubumwe n’Ubwiyunge.

Ati “Umuntu ushaje utakibasha no kurara izamu yashyizwe mu kiciro cya 4 cy’Ubudehe, naringiye kureclama (kugaragaza ko atanyuzwe), kuko nacyuye igihe, ariko mbonye ari uko bimeze ndabireka.”

Rucyahana yavuze ko abayobozi bashyize umuzamu we mu kiciro cya kane cy’Ubudehe batamuzi, ahita abaza abanyamadini icyo bakora kuri bene ako karengane igihe bakabonye kuko babana igihe cyose n’abaturage.

Mu nama iheruka kubera muri Sena y’u Rwanda ku wa kane w’icyumweru gishize harebwa ku buryo Amahame Remezo ari mu ngingo ya 10 y’Itegeko Nshinga akurikizwa mu miyoborere y’igihugu, Umuvunyi Mukuru yavuze ko mu byiciro by’Ubudehe hakurikijwe amabwiriza aba yanditswe ku mpapuro nta we utabyishimira.

Anastase Murekezi yavugaga ku ihame rya gatanu rivuga “Kubaka Leta iharanira imibereho myiza y’abaturage no gushyiraho uburyo bukwiye kugira ngo bagire amahirwe angana mu mibereho”, aho bigaragara ko ibyiciro by’Ubudehe byishimiwe munsi ya 50% hagendewe ku bushakashatsi bw’Urwego rw’Igihugu rw’Imiyoborere (RGB).

Yagize ati “Ku ihame rya gatanu hari ikibazo cy’Ubudehe byagaragaye ko gifite amanota makeya cyane, rugeretse ndetse no gutekinika (kubeshya imibare), nkibaza nti gushyira abantu mu byiciro niba ari ukuvuga ngo ikiciro cya mbere, duhereye ku bushakashatsi bw’imibereho (EICV), tukavuga ngo ukennye cyane ni we uri mu kiciro cya mbere, ko tuba dufite imibare n’ibisabwa (criteria) tugenderaho byadutwara iki?”

Umuvunyi Mukuru avuga ko ubukene bukabije usanga bihura n’ibyo abaturage bavuga bo mu kiciro cya mbere, bigapfira ku gutekinika kw’inzego z’ibanze zitangira kugenekereza zivuga ngo uriya wari mu kiciro cya mbere yajya mu cya kabiri cyangwa mu cya gatatu.

Ati “Iyo tekinika abaturage batishimira iraganisha ku kuvuga ngo mfite uburenganzira bwo kuvurwa ku buntu cyangwa akiga akabona inguzanyo ku buryo bworoshye, ntidushobora gushyiraho uburyo (system) yabikemura?”

Dr Alvera Mukabaramba Umunyamabanga wa Leta muri Ministeri y’Ubutegetsi bw’Igihugu avuga ko Leta yatanze uburyo bwo kubaho no guha amahirwe abaturage yo kubaho, ariko akavuga ko mu Budehe bikwiye kumvikana ko harimo Imishinga y’Ubudehe (Ubudehe projects) no gushyira abantu mu byiciro by’Ubudehe (Ubudehe categorisation), na we ariko yemera ko ibipimo bakoresheje birimo kutanoga neza.

Yagize ati “Mu Budehe bage bongeraho Ubudehe categorization kuko mu Budehe harimo n’ibindi byinshi, Ubudehe categorization nibyo byateye ikibazo, nagira ngo mbamenyeshe ko uburyo (methodology) bwakoreshejwe natwe turimo kureba ukuntu bwanozwa.”

Dr Mukabaramba yavuze ko Ubudehe bwonyine atari bwo bwakura abatuarge mu bukene, asaba Minisiteri zose gukorana kuko ngo igihe ubucuruzi, ubuhinzi n’ibindi bitagenze neza umuturage azaguma mu bukene.

Prof Shyaka Anastase ukuriye Urwego rw’Igihugu rw’Imiyoborere (RGB) avuga ko uruhare rw’abaturage mu bibakorerwa iyo bigeze mu byo abayobozi bumva ko birimo tekiniki ihambaye cyane mu bijyanye n’igenamigambi ry’akarere, uruhare rugabanuka, agasaba ko hashyirwaho uburyo na bo babyumva.

Ati “Hari ibintu Abanyarwanda bagaragaza ko uruhare rwabo barwishimiye cyane, uruhare mu iterambere ryabo n’uruhare bagira muri polotiki y’amatora usanga barwishimiye kugera kuri 90%, aho tugifite ikibazo ni uruhare muri gahunda zibazamura, icya kabiri ni uruhare mu bintu abantu bafata nk’aho birimo tekiniki nyinshi, mu igenamigambi, mu mihigo aho biragenda bikamanuka, kandi abantu babishyize ku rwego rwabo (abaturage) babyumva.”

HATANGIMANA AngeEric
UMUSEKE.RW

17 Comments

  1. igitekerezo

    06/12/2017 at 11:34 am

    Hahaha, B.Rucyahana ngo na we ubwe ntabwo yabyishimiye!!!
    Reka ntange igitekerezo; hari ibindi bintu mbona bashobora gukurikizwa, ingero; 1. Umuntu wese udafite SIM CARD imubaruyeho agahita ashyirwa mu cyiciro cya mbere. 2. Umuntu ufite Sim card ariko utagira Bank account nimwe akajya mu cya kabiri. 3. Umuntu ufite biriya byose ariko utagira passport agashyirwa mu cya gatatu, gutyo gutyo

  2. Akumiro

    06/12/2017 at 11:37 am

    Bishop Rucyahana se ubwo niyo akibona ko biriya byiciro birimo ikibazo! Tekereza ko nk’uwo muzamu umwana we agiye kwiga kaminuza y’u Rwanda mu ikiranabuhanga yajya amurihira miliyoni n’igice buri mwaka, akanishingira kumugaburira no kumucumbikira!! Tekereza umuzamu ari mu cyiciro cy’ubudehe kimwe n’Intore Izirusha Intambwe!

  3. Tekinisiye

    06/12/2017 at 11:48 am

    Ikibazo nyamukuru kiri mu byiciro by’ubudehe, nuko buri muturage ashyizwe aho agomba kuba byahita bigaragara ko abari munsi y’umurongo w’ubukene barenze kure cyane 39.1% itangwa na Leta, bagasatira ahubwo 60% yajyaga itangwa na UNDP mbere y’uko ihitamo kwicecekera. Ni ngombwa gutubura imibare y’abakire kugira ngo tutavuguruza NISR, EDPRS, Viziyo 2050…

  4. Sulay

    06/12/2017 at 11:49 am

    Mwiriweho. Ibi Bishop avuga ni ukuri. Na njye maze kugira abazamu 2 bose nasanze turi mu kiciro kimye cy’ubudehe kdi buri unwe muhemba 20000 Frw ku kwezi. Naje gusanga ngo bituruka ko nabo bafite inzu mu cyaro, donc badapanze. Ukibaza ngo abo bakora ibyiciro bituma ufite inzu Nyarutarama, nundi uyifite muri Nyamasheke bose bashyirwa mu nkangara imwe Koko baba bumva bahesha agaciro amashuli bize, cg uwabahaye akazi

    • munyarwanda

      14/12/2017 at 9:59 am

      Sha ndemeye, wandika neza gusa! Ngo inkangara :)))

  5. Ntashya

    06/12/2017 at 12:03 pm

    Uwo muzamu wa Bishop Rucyahana, akwiye kumubera ishusho y’ubukire tubyina ko twagezeho tubukoreye nk’uko Rucagu yabitwigishije. Nubona umuntu urata ko akize mu ruhame, ujye umenya ko ubukire bukimuri kure nk’ukwezi. Abatunze indege mwari mwumva babivuga ku bwende bwabo? Abubaka amagorofa ubona abenshi batishyirira ku byapa bashinga bya autorisation de batir initiales z’amazina yabo cyangwa sosiyete zabo zitazwi na rubanda? Wole Soyinka niwe wavugaga ngo: le tigre ne chante pas sa tigritude. Il saute sur sa proie et la mange.

  6. Byandenze

    06/12/2017 at 12:35 pm

    Yewe njyewe nyuma y’aya magambo ya Rev. Bishop RUCYAHANA nta kindi nakongeraho. Ndumiwe gusa gusa gusa!!!!!

    Ariko ikintangaje kinambabaje ni uko avuze ngo: “asanga ibyinshi biba abanyamadini babizi ku buryo bakwiye kubyamagana”.

    Abo banyamadini avuga ni bande?? kuki we yikuramo kandi nawe ari umunyedini?? Akarengane we yigeze yamagana ni akahe kandi ko nawe azi byinshi. Uyu muzamu we se niwe wa mbere abonye urenganye???

    Abo banyamadini se asaba ko bajya bamagana akarengane gakorerwa abaturage babikora bate kandi nabo ubwabo bafite ubwoba?? Rev. Bishop RUCYAHANA azabanze abaze Umupadiri wigeze kubabazwa n’uko abaturage bamwe bimuwe muri nyakatsi badafite ahandi bakinga umusaya bakajya banyagirirwa hanze hanyuma akabinenga mu nyigisho ye mu gihe cya misa, nyuma akaza gukurikiranwa ndetse akanafungwa!!!!! Azabaze ubu aho ari, Mana we!!!!!

    Rimwe na rimwe twari dukwiye kujya dusesengura neza amadisikuru tuvuga, tukareba niba ntabo ashobora gukomeretsa aho kubakiza.

    • VIANNEY

      06/12/2017 at 3:45 pm

      Ariko ndabona ntakibazo gihari, kuko yavuze ukuri ahereye murugo iwe , ndabona niba yaratanze icyo gitekerezo nuko yabonaga uwo muzamu amuzi neza kdi , akaba azi uburyo abayeho mubuzima bwe bwaburimunsi , Gusa Bibabaye byiza ibi byiciro byubudehe Hazajya hajyaho commision ishinzwe Amakuru kumuntu kugirango habonnwe ikiciro ashyirwamo … Biteye agahinda , abantu baraburara yabyuka yakenyeye umukandara yameshe utwenda twiwe neza ango numukire , Reta nukuri Ikomeze irenganure benshi nahubundi HABAYEHO KWIBESHYA KUBANTU BAMWE NA BAMWE…

  7. kafupo

    06/12/2017 at 1:32 pm

    binobyiciro byanyu kombona murikigihe nabitwaga abakire ujya kureba ugasanga yamazuye amamodoka amasambu byatejwe cyamunara kera agahita asubira mubukene ibyobyibyiciro bizahora bihinduka

    • Rwasubutare

      06/12/2017 at 3:06 pm

      Burya iyo ufite inzu wagwatirije cyangwa wubakiwe nideni rya banki ntabwo aba ari iyawe. Kuyitexza cyamunara nukuyisubiza sukugurisha ibyawe. Ntibiba byarigeze biba ibyawe na rimwe.

  8. 06/12/2017 at 2:57 pm

    ariko se koko madamu Alvera ibintu wavuze ntabwo bifashije umbabarire kuvuga gutyo.1.mutinza ibintu reba igihe abantu bamaze binubira ibyo bya categorization imyaka itenga 5 irashize kuva byakorwa ntawabyishimiye kuki mutashatse indi methodologie kare imyaka irenze itanu ikaba igeze
    2.n iyo ubucuruzi n ibindi wavuze byagenda neza ariko ibivuyemo abo byagenewe ntibabibone nta efficiency ubwo budehe muri rusange bwagira kuko icyo abantu batishimiye si uko nta progmmes(imishinga,…)byo kubafasha bibari ahubwo ni uko baba catégorisés nabi bikakababuza amahirwe yo kubona justement izo avantages
    donc cherchez une solution fiable et standard pour bien classer les gens sur les échelons.ese ubundi mwagiye mureba revenues??kuki mureba ngo inzu cg imirima ibi binatuma abantu bahora mu byiciro bimwe!nk ubu umuntu ufite inzu n umurima ejo abonye akazi revenues iriyongera, besoin kuri leta zikagabanuka.kimwe n uko hari uba afitr akazi kakarangira nta revenues aba agifite.ubwo murumva classification zanyi ziri justes.ikiza ni ukibikora en fonctions des revenues annuels n iyo mitungo ikaba un plus ariko bakareba ibyo umuntu yinjiza.byanakuraho ibibazo byinshi kuko aho basora .bajya bareba imisoro y umuntu bikabaha idees z ayo yinjiza.ubwo ariko nabwo bisaba kunoza system y imisoro yaho.courage

  9. 06/12/2017 at 2:59 pm

    umaze igihe muri iriya ministere vraiment wagakwiye kuba warabikemuye ku buryo burambye.ariko ubundi umuntu wiga medecin akora muri minaloc ate ku mwanya nk uriya??hari n igihe barenganya abayobozi ahubwo hazanarebwe qualifications z abantu mbere yo kubaha imyanya hari ministere ziba zitagomba gukinishwa nk iyi ireba iby abaturage…..

  10. Kagabo

    06/12/2017 at 3:01 pm

    Abanyamadini bo mu Rwanda bazabohereze gukora stage muri RDC (Congo).

  11. 06/12/2017 at 3:08 pm

    gukora nabi ibyiciro bibuza amahorwe abana b abahanga kwiga kdi aribo bari rwanda rw ejo.ingero zihari abo mubuza baba ari abahanga cyane ugasanga umwana kuva primaire aba uwa mbere secondaire uko akiga ibintu bigezweho abandi badatinyuka cyane yagera universite kuko ari mu kiciro cy abaherwe kuko iwabo mu cyaro bafite inzu bigahagarara nyine akajya gushaka umugabo ntakundi.ubwo muribaza uwo mwana ibyo muba mumubujije .muzabisuzume

  12. Nanlanla

    06/12/2017 at 6:05 pm

    Uyu arimo kuvodavoda gusa. Ubundi se ni akahe akarengane kandi karenze gufata umuntu w’umugabo ukamubwira ngo naze akurarire (akubere umuzamu) kandi nawe uri umugabo ? Uraryama, ukicura ukarongora umugore wawe naho uwo musaza we yataye umugore we yipfumbase, we arakuraririye imbeho iraye imutunda, hanyuma ukaza kuvuga ubusa mu nama zo kwifotoza: Ngaho se tubwire Frw umuhemba ku kmwezi ? Uwo musaza mureke kumwiriza mu manama atazi iyo yerekera, hari igihe abana be bazikunkumura akarengane, ubarebe wumirwe gusa.

  13. Rutabayiro Aloys

    06/12/2017 at 6:53 pm

    Hari umugabo wateye urwenya ahantu mu nama ati , amoko uko twari tuyazi yavuyeho mu Rwanda yimukira mu byiciro by’ubudehe. Ati mu by’ukuri ntaho bitaniye na classification yakozwe n’ababirigi badushyira mu moko ngo kuko nabo bashingiraga ku mubare w’inka utunze. Ati rero bimaze kugaragara ko ibi byiciro by’ubudehe birimo gukoreshwa nabi ikaba intandaro yo kudafata abantu kimwe ku burenganzira bahabwa n’amategeko bigatuma hari serivisi bahezwaho kandi bazemerewe n’amategeko. Yatanze urugero aho hasabwa Frw asumbana bitewe n’ikiciro ubarizwamo ngo ubashe gutanga ikirego bityo uburenganzira bw’ibanze bwo guhabwa ubutabera igihe ubukeneye bugahungabana.Ati bigeze noneho aho na za banki zijya gutanga ideni zabanje kubaza ikiciro ubamo. Ati ahandi hari ababikoresha nk’uburyo bwa munyumvishirize,tutaretse n’uko ahenshi abayobozi babihindura bagamije kugaragara neza mu maso y’ababakuriye cg bakabikoresha mu nzira zo gusaba ruswa. Ikindi ibigenderwaho nabyo ubwabyo bifite inenge:Ati wagira ngo uwapanze ibi byiciro yari yibeshye ko abanyarwanda babayeho kimwe hose mu gihugu: Umuntu ufite inzu ye mu mugi wa Kigali n’uyifite Kirehe bafatwa kimwe kdi ubundi izi nzu ntizinganya agaciro ku isoko bitewe n’aho ziherereye, n’uko zingana, Umwarimu wa EP na Professeur muri Kaminuza, umukozi ukorera UN cg Presidence babarwa kimwe ati kandi mu by’ukuri aba bantu ntibabayeho kimwe. Ati rero kuba ubwabyo Leta ihumiriza amaso ikemera kugendera ku kintu nk’icyo gifite inenge zingana gutyo n’izindi ntarondoye mbibonamo ikibazo ku ruhande rwa Leta.

  14. rwasubutarre

    14/12/2017 at 10:09 am

    ahubwo hari n’amakuru avuga ko umuturage uri mu kiciro cya 1 adahabwa pasiporo. mutubwire. nibyo?

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock