BREAKING: Areruya na Mugisha bongereye amasezerano muri Dimension Data – UMUSEKE

BREAKING: Areruya na Mugisha bongereye amasezerano muri Dimension Data

Abakinnyi babiri b’abanyarwanda bagize umwuga gusiganwa ku magare Areruya Joseph na Mugisha Samuel babonye amasezerano mashya y’umwaka umwe mu ikipe ya Team Dimension Data for Qhubeka yo muri Afurika y’epfo yitoreza mu Butaliyani.

Mugisha Samuel na Areruya Joseph bongerewe amasezerano muri Dimension DATA

Mugisha Samuel na Areruya Joseph bongerewe amasezerano muri Dimension DATA

Ku mugoroba wo kuri uyu wa gatanu tariki 1 Ugushyingo 2017 nibwo impampuro z’amasezerano y’umwaka umwe zoherejwe na Team Dimension Data for Qhubeka zashyizweho umukono na Mugisha Samuel na Areruya Joseph bayikiniye muri uyu mwaka w’imikino bitwara neza, bashimwa n’abatoza b’iyi kipe yabigize umwuga.

Nyuma yo gutwara etape muri Giro d’Italia U23 bakanegukana Tour du Rwanda 2017 bazongera guseruka mu mwenda w’umukara n’icyatsi kibisi mu masiganwa atandukanye bazitabira muri 2018.

Bivugwa ko Areruya Joseph yemeye kongera amasezerano muri iyi kipe nyamara hari andi  makipe yifuzaga kumusinyisha, arimo Israel Cycling Academy na SkyDive Dubai Pro Cycling Team.

Abakinnyi batanu bahesheje Team Dimension Data for Qhubeka intsinzi muri Tour du Rwanda, umwe gusa niwe utazongera kuyikinira. Umunya-Eritrea Eyob Metkel wabaye uwa kabiri we ntiyongerewe amasezerano nk’abandi, naho abanya-Afurika y’epfo Mein Kent na Stefan DeBod bo bazagumana na ba Mugisha.

Abatoza ba Dimension Data bagiriye ikizere Mugisha w'imyaka 20 ugaragaza impano

Abatoza ba Dimension Data bagiriye ikizere Mugisha w’imyaka 20 ugaragaza impano

Mu banyarwanda bakina hanze usigaye atarabona ikipe ni Valens Ndayisenga (hagati)

Mu banyarwanda bakina hanze usigaye atarabona ikipe ni Valens Ndayisenga (hagati)

Areruya Joseph yitwaye neza muri uyu mwaka w'imikino

Areruya Joseph yitwaye neza muri uyu mwaka w’imikino

Mu bakinnyi batanu bakinnye Tour du Rwanda, umwe Eyob Metkel (wa mbere ibumoso) niwe ushobora gusezererwa abandi bongerewe amasezerano

Mu bakinnyi batanu bakinnye Tour du Rwanda, umwe Eyob Metkel (wa mbere ibumoso) niwe ushobora gusezererwa abandi bongerewe amasezerano

Roben NGABO

UMUSEKE

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017