Coronavirus yageze i Burayi, mu Bushinwa imaze guhitana abantu 41 | | UMUSEKE
  • 13/07/2020 4:17 53

Coronavirus yageze i Burayi, mu Bushinwa imaze guhitana abantu 41

Imibare y’imfu zatewe na virus yitwa coronavirus yatahuwe mu Bushinwa imaze kugera ku bantu 41, iki cyorezo kimaze gukwira henshi ku Isi, cyageze n’i Burayi.

Coronavirus uyirwaye akavurwa kare irakira, nibura 4% by’abantu bayanduye no bo yahitanye

Mu Bushinwa barizihiza umwaka mushya, ibyo bita Lunar New Year.

Mu Ntara ya Hubei aho coronavirus yaturutse hamaze gupfa abantu 15, uwanyuma yabitswe ku wa gatandatu w’iki cyumweru.

Inzego zishinzwe ubuzima ziragerageza guhangana no kutagira abantu bashya bandura coronavirus mu gihe urujya n’uruza rw’Abashinwa bajya mu minsi mikuru ijyanye n’Umwaka mushya w’Ubushinwa.

Ibirori byinshi byasubitswe kubera iriya ndwara. Mu Bushinwa honyine abamaze gusuzumwamo  coronavirus baragera ku 1,200.

Virus yamaze kugera henshi ku Isi, ubu iravugwa n’i Burayi, abantu batatu bayisuzumwemo mu Bufaransa.

Mu Bwongereza naho hari abantu bari gukurikiranirwa hafi bikekwa ko banduye coronavirus, muri bo hari abagera ku 2,000 bakoresheje indege bajya mu Bwongereza bavuye mu Ntara ya Hubei yo mu Bushinwa.

Australia yemeje ko hari abantu benshi banduye iriya ndwara mu migi ya Melbourne na Sydney.

Minisitiri w’Ubuzima, Dr Diane Gashumba aherutse kuburira Abanyarwanda kwirinda kujya aho kiriya cyorezo kiri, kandi bakagira isuku y’intoki cyane.

BBC

UMUSEKE.RW

Subiza

Your email address will not be published. Required fields are marked *