Coronavirus yageze muri Togo, ni igihugu cya 5 muri Africa yo munsi ya Sahara - UMUSEKE
  • 05/04/2020 9:53 11

Coronavirus yageze muri Togo, ni igihugu cya 5 muri Africa yo munsi ya Sahara

Igihugu cya Togo kiyongereye ku bindi bine bimaze gutangaza ko nibura bifite umurwayi wa Coronavirus muri Africa yo munsi y’Ubutayu bwa Sahara.

Coronavirus imaze kugera mu bihugu 5 byo muri Africa yiganjemo Abirabura, ndetse yageze muri Africa y’Abarabu

Leta ya kiriya gihugu yatangaje ko umugore w’i Lome yasuzumwemo kiriya cyorezo.

Mbere yo gusubira mu gihugu ke, yagiye muri Benin, mu Budage, mu Bufaransa no muri Turukiya, yahise ashyirwa mu kato niho ari gukurikiranwa n’abaganga.

Mu masaha ya kare kuri uyu wa gatanu tariki 6 Werurwe 2020, Cameroon cyatangaje ko na cyo gifite umurwayi wa Coronavirus.

Ku mugabane wa Africa hari abantu 30 byamaze kwemezwa ko barwaye iriya ndwara, harimo abo mu Misiri, Africa y’Epfo, Senegal, Nigeria, no muri Maroc, Algeria yo yasubije iwabo umugabo ukomoka mu Butaliyani wari urwaye Coronavirus.

Johns Hopkins CSSE itangaza ko imfu zatewe na Coronavirus zigera ku 3400 mu gihe abasaga 100 000 banduye kiriya cyorezo cyakora abagera ku bihumbi 55 baravuwe barakira.

BBC

UMUSEKE.RW

Subiza

Your email address will not be published. Required fields are marked *