Covid-19 yishe ba General 3 mu ngabo za Sudan y’Epfo | UMUSEKE

Covid-19 yishe ba General 3 mu ngabo za Sudan y’Epfo

Igisirikare muri Sudan y’Epfo cyatangaje ko abasirikare bakuru batatu bafite ipeti tya General bishwe na Covid-19.

Ubuyobozi bw’ingabo muri Sudan y’Epfo bwasabye abasirikare gukurikiza ingamba zo kwirinda Covid-19

Ba nyakwigendera ni uwitwa David Manyot Barach, Elijah Alier Ayom na Mabior Maket.

Ubuyobozi bw’ingabo muri Sudan y’Epfo buvuga ko imihango yo kubashyingura iri gutegurwa na Komite ibishinzwe ifatanyije n’imiryango yabo.

Umugaba Mukuru w’Ingabo Gen Johnson Juma Okot yasabye abasirikare bose kubahiriza amabwiriza ajyanye no kwirinda Covid-19 nk’uko byatangaje n’Umuvugizi w’Ingabo za Sudan y’Epfo, Brig Gen Santo Domic Chol.

Hashize igihe gito hari bamwe mu bantu bari bazwi mu bijyanye n’uburezi bishwe na Covid-19, ubu umubare w’abo icyorezo cyahitanye ugeze kuri 95.

Muri Sudan y’Epfo abandu Covid-19 bose ni 8,144.

Minisiteri y’Ubuzima n’Ishami ry’Umuryango w’Abibumbye ryita ku Buzima (OMS) bivuga ko Sudan y’Epfo yazahajwe na Covid-19 kubera ko abantu badakurikiza amabwiriza yo kwirinda arimo kwambarana neza agapfukamunwa no guhana intera.

BBC

UMUSEKE.RW

Subiza

Your email address will not be published. Required fields are marked *