Episode 100: John abaye Papa Nelson! Martin agobotse Dovine uri kugendera mu kagare – UMUSEKE
RALC Ntibavuga bavuga

Episode 100: John abaye Papa Nelson! Martin agobotse Dovine uri kugendera mu kagare

Sogokuru- “Oya ni we rwose rwose! Tambuka unsanga, Yuuuuuuh! Uraho urakoma Kabalira tujya gutaha kakavuka kakitwa Nulisoni?”

Njyewe- “Inka nagabiwe na Mvuyekure wa mushagizi? Ibyo ni ibiki uvuga se Sogoku?”

Sogokuru- “Iyo nka uvuga se si yo nari ndi gucira icyarire!”

Njyewe- “Uuuuuh! Iya Mvuyekure se?”

Sogokuru- “Niyo rwose! Ni ya yindi waragiraga cyera!”

Njyewe- “Ya sine y’igaju? Ko numva se kandi ari amayobera? Ndagira nte ra? Ibyo maze kumva Mukanya se byo ni ibiki?”

Sogokuru- “Ibiki se mwana wanjye?”

Njyewe- “Ngo Mama? Uwo muvuga ni inde?”

Kaka- “Nuliso! Dore ni uriya?”

Kaka yavuze antungira urutoki Madame John ndikanga ngize ngo mvuge Sogokuru ahita antanga,

Sogokuru- “Oya ni we Kilisitina nabyaye ari umwe nawe akakubyara”

Njyewe- “Ngo? Uyu niwe Mama?”

Madame John- “Oya wee! Kandi narabiketse! Ubu se koko uyu ni Nelson nasize ari uruhinja?”

Njyewe- “Ngo? Oya ntabwo mbyumva! Ni wowe Mama se numvaga mu mateka?”

Mama Brown- “Oya! Oya rwose Niwe nanjye ibyo Muzehe yavuze nabyumvise ntabwo byanciye mu mwatwi”

Njyewe- “Ooooh my God! Ubu se koko nerekeze hehe?”

Kaka- “Oya se kandi! Wajya hehe se ubonye uwakwibarutse, ugize amahirwe aje ari kumwe na So!”

Njyewe- “Ariko se koko ibyo muvuga ni ukuri?”

Sogokuru- “Nkurahiye Karamizi ka mushi sinkubeshya! Uyu ni so, uyu ni nyoko!”

Njyewe- “Ntibishoboka! Koko se John ni Data?”

John- “Nelson! Nahise mbyibwira mwana wanjye! Ngitambika inzira iza hano nibutse byose”

Mama Brown- “Wibutse ko wazanaga na Data se?”

John- “Nta kubeshya rwose urabizi ko yaje hano cyera”

Sogokuru- “Ndabiyobewe se siho waboneye umukobwa wanjye maze ukamukunda kakahava?”

John- “Rwose ntabwo wibeshya!”

Mama Brown- “Ibi ni ibiki se kandi? Mana wee! John burya nakwitiranyaga uri ingenzi mu ntwari za data?”

John- “Oya ntuzongere kunyitiranya ukundi, nakumenye bugicya ngusanganiza za mpuwe za Data! Gusa icyo ntari nzi ni uko Nelson wakuye ku muhanda wamenye ko ari amaraso yanjye”

Mama John- “Nanjye ntabwo nari mbizi! Iyo nza kumenya ko ari muhungu wawe byari kuba ibindi! Ahubwo se koko ubu nkore iki ko bindenze”

Madame John ako kanya wari umaze kumenya ko ari Mama n’amarira menshi yicaye hasi mu mbuga maze atangira kurira, Nyogokuru amusanganiza impumbya z’ababyeyi maze aramubwira,

We- “Ihangane mwana wanjye dore wansanze usanganizwa ibisabo none dore ucigatiwe n’ababyeyi ndetse n’uwo washyize imugogongo”

Madame John- “Mana wee! Nelson! Ni wowe koko umwana wanjye nashatse amatage n’amatage?”

Njyewe- “None se nako ubu uri Mama?”

Madame John- “Ni ukuri uri Nelson umuhungu wanjye nasize ari uruhinja!”

Njyewe- “Oooh my God! Mama!”

Mama- “Karame mwana wanjye!

Njyewe- “Ni wowe?”

Mama– “Ni njyewe rwose, mbere ya byose mbabarira, sinzi niba hari amagambo yasobanura uko nciye bugufi ariko undebye mu mutima wabona ko nkwiye imbabazi, ni ukuri ntako ntagize ngo ngushake”

Njyewe- “Mama! Ibindi byose ntacyo bimbwiye! Icya mbere ni uko nkubonye”

Mama- “Mwana wanjye rwose nanjye nkabibona utakamba ngo John anyumve!”

Papa- “Nelson mwana wanjye mbabarira!”

Aliane- “Yuwiiiiiii! Mbega byiza! Ababyeyi disi bari guhamagara umwana? Nelson singuhanagura ayo marira wihangane naguhanaguye ay’agahinda”

Aliane akivuga gutyo Papa na Mama barasanganiranye maze barahoberana numva muri njye hari imbaraga zisutse mu zindi, numva nsendereye ibyishimo ntari narabonye maze,

Kaka- “Yebaba Nyagasani wee! Ibi byishimo koko ndabikwiza hehe?”

Sogokuru- “Enda nanjye ngwino umpobere!”

Kaka-“Ariko uzi ko ari byo! Naherukaga kuguhobera kuri pasika!”

Sogokuru- “Ololololo! Uzi ko burya ugifite imbavu?”

Kaka- “Hhhhhh! Nazibura nte se muganji wanjye ko wiriye ukimara ngo unshimishe”

Sogokuru- “Yuuuuh! Ugize uti ngushimisha? Nabura nte se kugushimisha mugore nakunze ko nagukuye aho utakuwe n’abandi nkakwambika ikamba ukaberwa Data akazitura gaju ngo utahe mu rwanjye”

Kaka- “Ayiiiiiiii! Ni uko ni uko shenge ushaje ukimenya”

Mama Brown- “Ayiiiiii!”

Brown- “Ayiiiiiii!”

Mama Brown- “Oya ntabwo abasore bavuza impundu ariko!”

Brown- “None se mvuze induru?”

Aliane- “Hhhhhhh! Ariko ibyishimo ntako bisa koko! Uzi ko umuntu abura uko yishima? Ubu se njye mvuze iki?”

Mama Brown- “Nawe vuza impundu!”

Kaka- “Oya se kandi! Ubwo se uwo mukobwa wambaye ipantalo ntiyambaye na ka kavunamuheto?”

Twese- “Hhhhhhhh!”

Aliane- “Ahwiiii! Impavu zirandiye wee!”

Gaju- “Reka njyewe ntacyo navuga, Alia! Nawe se ngwino ungwemo twisungane! Urabona ibintu bitabaye ibindi?”

Aliane- “Hhhhh! Yego sha!”

Aho hantu hari ibyishimo byinshi nabuze uko nshyingura mu mutima wanjye, byari birenze ubwiza bubaho, gusa nashimishijwe cyane n’ukuntu amateka yanjye ahindutse, mu mvugo, mu nyandiko nkongera guhamagara Mama na Papa wa mugisha ugeretse ku wundi nagiriwe! Woooow!

Mama Brown- “Njyewe se kandi ndaba uwande?”

Brown– “Nyihoberera Mama!”

Sogokuru- “Eeeeh! Si nguwo umukobwa wa Ruti arazamuka agusanga!”

Ako kanya nahise mpindukira ndebye mbona ni Mama Gasongo ntangira kwibuka byose.

Akitugeraho yaradusuhuje maze natwe tumusuhuzanya ubwuzu ariko ku mutima byari ibindi,

Mama Gasongo- “Ese Ese koko mumuhoberanana mwesese (adidimanga)?”

Aliane- “Ibi ni iki ra? Uyu se kandi uvuga gutya ni inde?”

Njyewe- “Alia! Uyu ni Mama Gasongo!”

Aliane-“Ngo Mama Gasongo?”

Mama Gasongo- “Ko mumumbona sese mugagatinya? Nibaba mvugaga gugutya nini njyenjye wabyibyiteye?”

Njyewe- “Oya Mama Gaso! Rwose ihangane uzakira! Ahubwo buriya hari impamvu uyu mukobwa yikanze!”

Sogokuru- “Inka yanjye! Ariko se wa mugani wa musore ari he ra?”

Mama Brown- “Muravuga Gasongo?”

Kaka- “Yego! Rudomoro mwamusize hehe?”

Gaju- “Hhhhh! Ngo Rudomoro!  Niwe Gasongo se?”

Mama Gasongo- “Yeyego! Ariri hehe sese koko mutatazanye?”

Njyewe- “Mama Gaso! Rudomoro wawe twageze mu mugi uramuhindura ahemukira amateka yanjye nawe!”

Mama Gasongo- “Ayiyiwe? Ibyobyo uvuvuga nini ibibiki? Nonene sese ari hehe?”

Njyewe- “Mwihangane mwihangane tumusize mu gihome”

Mama Gasongo- “Ayiwee! Mbega ibimbayeho wee! Uzi ko inzozi namuroteye ari impamo?”

Sogokuru- “Mba ndoga Karamizi ka Mugezamacumu wa Rucakumuyanye wambyariye uwampetse, uzi ko akize!”

Njyewe- “Uzi ko koko avuze neza?”

Gaju- “Mana wee! Arakize ni ukuri!”

Mama Gasongo- “Niba ari no gukira birorere! Ubu se kuki nkize indwara narwaye nkibyara Gasongo ari uko numvise inkuru mbi ye?”

Mama Brown– “Ariko rero iyaba wamenya ibye wakabaye ahubwo umenya ko ari we wari waragoretse ururimi rwawe agatuma uvuga udidimanga! Disi ihangane wa mubyeyi we!”

Mama Gasongo- “Ngaho ndebera koko iryo ngushije! Ubu se koko ko n’umugabo nitaga uwanjye mvuye kumushyingura nzabaho nte?”

Twese-“Yooooh! Koko se?”

Mama Gasongo- “Aragiye Cyiza nubwo namubyariye ariko yarankundaga”

Twese- “Yooooh!”

Njyewe- “None se Cyiza ni inde Mama Gaso?”

Kaka- “Ko numva se uhuye n’ibyago bije bihekanye? Ngo azize iki se uwo mugabo wawe? Ese ko tutigeze tumumenya ra?”

Mama Gasongo- “N’ubundi nkize ntabitekerezaga! Uwo Cyiza yari se wa Gasongo! Dore yabaga iyo mu mugi! Yagiye cyera asuhutse agezeyo agumayo amaze gukira ashaka umugore wundi njye aranyibagirwa”

Mama- “Ndabyibuka disi yajyaga aza kukureba tukiri inkumi n’ubwo wandutaga ntabwo wampishaga”

Mama Gasongo- “Wahora niki ko nanjye byose nkibyibuka!”

Njyewe- “None se yabaga hehe Cyusa tutamenye? Ahubwo se Rudomoro aramuzi?”

Mama Gasongo- “Yabaga ku gisenyi! Rudomoro Gasongo ntiyigeze amumenya kuko ntabishakaga”

Mama Brown- “Mbega amakosa wakoze? Ubu se basi iyo amumenya ntaba…”

Mama Gasongo- “Nanjye nicyo nicuza! Ubu rero asize abana bane, umugore we niwe umuhitanye!”

Twese- “Yeeeh?”

Mama Brown- “Ngo amuhoye iki se nyabuna?”

Mama Gasongo- “Cyiza yirukanye umugore amuziza ko ngo yafashe umwana we nabi akarinda aterwa inda n’umugabo umubyaye, uwo mwana nawe yahise asara, nyina nawe aba yinaze mu modoka zimunyura hejuru”

Aliane– “Jesus! Uwo si…”

Mama Gasongo- “Oya ndacyavuga, ubwo nyine umugabo Cyiza nawe yahise yinaga mu mugozi ngo atazabibazwa none mvuye kumushyingura ngarutse mu kazu k’uburushyi data yanyubakiye”

Twese- “Yoooooh! Ihangane”

Njyewe- “Uzi ko Cyuza ari se wa Dovine?”

John- “Mwana wanjye nabimenye kare!”

Mama Brown- “Rwose nanjye ndabihamya! Disi ihangane ni ubuzima!”

Mama Gasongo- “None se koko Cyusa muramuzi?”

Twese twatangiye kururutsa agahinda mu mutima, maze dutangira kwibuka icyo amateka asiga, muri ako kanya nari maze kumenya byinshi ari nabyo byabyiganiye muri njye nkagira ikiniga kinshi nibutse ko Papa Gasongo ariwe Papa Dovine!

Twarahozanyije, maze twese twicara aho hanze twururutsa agahinda, bya Gahuzamiryango Sogokuru arabizana ahereza Nyogokuru bayagira Mama gasongo maze umunsi uciye ikibu,

John -“Data wambyariye uwampekeye iki gihe nicyo nategereje ngo nze mbabwire ko ya mateka nkiyibuka!”

Sogokuru- “Oya nanjye nari nzi ko utazahera rwose! Ongera usome!”

John- “Rero bibaye amahire! Amata abyaye amavuta ku karubanda! Nareze uwo ntazi nyamara ari amaraso yanjye, none reka njye kumurera muzi musigire ibyanjye kandi namwe ntabwo mbasiga!”

Sogokuru- “Ngo? Ibi ni ibiki se kandi?”

Kaka- “Ngo tujyana? None se ubu koko iyo za mugi twahashobora? Ampayinka ubwo najya nsoroma agashogoro he?”

Mama Brown- “Oya nanjye ndashaka kubitura ibyo mwadukoreye, Sogoku! Wabaniye Nganji data nanjye sinagusiga aha! Ako gashogoro nako nzakagushakira”

Mama- “Mana wee! Ubu se koko mbigire nte? Mbega ibyishimo wee! Ubu nongeye kwitwa umubyeyi nshigatiye uwo nibarutse?”

Kaka- “Yego mwana wanjye! Nkako ka Nulisoni”

Mama- “Mana weee! Ntacyo nabona mvuga!”

John- “Ndumva rero mwareba agakoni kuko ntabwo mbasiga! Ndetse nawe mubyeyi ntitwagusiga muri aka gahinda ngwino ujye gusigasira ibya Cyusa”

Sogokuru- “Inka yanjye! Ibi se kandi ni ibiki?”

Sogokuru na Nyogokuru bagize ngo ni ibyo kwivugira ariko bemejwe na Mama wagiye kubazingira utwangushye maze sogokuru afata agakoni ba bantu bari bazamutse badutwaje Nyogokuru yari yahaye akayoga yari yahishije baba baradutwaje dusubira ku muhanda, ibyari kutajya mu modoka tubisiga kwa Mwenzangu ku ga centre dufata inzira tugaruka ku Gisenyi  mu byishimo byinshi.

Twageze ku Gisenyi ntangira kubana na Papa na Mama! Sogokuru nawe asaba Mama Brown ko bajyana akajya kongera kurara izamu gusa Mama Brown yamusubije yisekera ati ngwino aganze kwa Nganji wirahiraga, aho bigeze ni njye ugiye kukurera nk’uko wandeze.

Hashize iminsi ibiri twajyanye na Mama Gasongo kwa muganga maze tukigerayo dusanga amaguru yose barangije kuyakuraho, inkuru mbi itaha kuri twe gusa nta kundi byari kugenda nyuma y’icyumweru twamutahanye mu kagare, feri ya mbere tujya kureba Ma Bella!

Twagezeyo nanirwa kwihanga mbona yambaye iroza ndetse wa musatsi mwiza twita amarende ntawuriho, nananiwe kumuvugisha kubera agahinda turinda dutaha, John umubyeyi w’ibihe byose n’akabura ntikaboneke Mama bemera kubana na Dovine wankoreye byose ndetse na barumuna be, imyaka ishira havaho umwe umwana we arakura arerwa na Mama Gasongo.

Hari umunsi umwe twagiye gusura Martin na Ma Bella, Dorlene, Gasongo nako ni umuryango wose, tugezeyo Martin yitegereje umwana we mwiza, na nyina mu kagare amarira ayatura hasi, maze amuha ATM yari agifite,

Martin- “Dovi! Ntacyo narenzaho gusa mbabarira! Aha hariho amafaranga ahagije azatuma utangira business uzashobora gucunga n’ubwo bwose uri mu kagare, Nelson, John, mumbabarire”

Amarira yabaye menshi, nta kibabaza nko kubona, umugabo, umugore, umwana arira byo guhogora maze turikubura turataha.

Bob- “Yebaba weee! Mbega ubuzima mbega ubuzima!”

Nelson- “Basore! Uwo ni Dovine mumaze kubona nsunitse mu kagare………………………………..

62 Comments

  1. Dude

    May 14, 2017 at 3:31 am

    Ahwiiiii birarangiye byari byiza nuko Inkuru irangiye Brendah na Dorlene batavuye mu gihome. Thx Umuseke

    • Nelson

      May 14, 2017 at 4:04 am

      Dude ntabwo inkuru irangiye uko nabibonye! Kuko itangira Martin acunga Dovine mu kagare mu kabari yamuguriye: none hano Dovine aragendera mu kagare Ariko Martin arenze, Ikindi nuko inkuru itangira twahawe umusogongero umwanditsi arabyandika ndetse na episode ya mbere, ndumva rero niyi ngiyi episode 100 umwanditsi ntiyarananiwe kwandika ko ari UMUSOZO W’INKURU?! Kandi rwose ubu koko urugamba Nelson & Blendah barwanye inkuru yarangira batabanye kandi Dovine, Martin, Dorlene, Gasongo badafunguwe ngo babane neza n’abo bahemukiye nabyo bibe irindi somo? Murakoze.

      • Dude

        May 14, 2017 at 9:51 am

        Byanezeza nanjye ikomeje ariko nkurikije uko umusogongero wayo Nelson acunze Dovine mukagare yahamagaye abasore bari mukabari ngo abagezeho amateka ya Dovine wari umaze kubagurira aka round atabazi yaba irangiye kuko isoje umwe muri abo basore Bob yiruhukije kdi na Nelson ababwiye ati ngayo amateka. Gusa Umwanditsi akomeje byarushaho kuba byiza

      • Mama Brown

        May 14, 2017 at 10:07 am

        Nelison! Ahubwo agize ibindi yongeraho yaba atari umwanditisi ari ugupfundikanya. Yaduhaye “prologue” ni ukuvuga wa musogongera w’ibyabaye mbere y’inkuru ariho Nelson acunga Dovine mu kagare, ntabwo ari Martin, ubwiza bwa Dovine bwatangaje abasore bari bicaye mu kabari barimo Bob, nibwo Nelson yaje atangira kubabwira inkuru y’ibya Dovine ariyo iyi yose turangije muri episodes 100. Umwanditsi cyokora abishatse yashyiraho ibyo twita “epilogue” avuga incamake y’ibyakurikiyeho mu mezi, imyaka runaka ariko undi singobwa. Nta nkuru ikunze guhabwa ibyo byombi (prologue, epilogue) icyarimwe. Bayeté!!

      • Tyga

        May 15, 2017 at 7:03 am

        wowe Nelson Dovine yafunzwe ryari hahahahahah ibyo uvuga ndabona wagirango hari Episode usimbuka

    • Kiefer

      May 14, 2017 at 6:50 am

      Mwanditsi w’iyi nkuru ndagushimiye warakoze kuko iyi nkuru iteguranye ubuhanga. Gusa nkosore ho gato ko Brenda na Dorlene batagombaga gufungwa kuko ibyo bakoze:
      1. Bari bashimuswe rero bagombaga kwirwanaho
      2. Iyo umuntu aguteye ukitabara akagira ibyago agapfa icyo gihe wowe ntufungwa kuko uyu mukobwa ntiyagombaga gufungwa ngo abakoze amabi babe bidegembya.
      N. B nasabaga ko inkuru zindi ziri imbere zitatandukana n’i tegeko riri local.
      Murakoze

      • Pat

        May 14, 2017 at 10:52 am

        YeP, dats true!

  2. Nelson

    May 14, 2017 at 3:41 am

    WARAKOZE MWANDITSI MWIZA!!!! UWITEKA AKONGERERE!!!! NONE C INKURU IRAKOMEZA CYANGWA IHEREYE AHA? IRYO NI IBANGA RY’UMUSEKE!!! GUSA NAKWIFUJE KO IKOMEZA NELSON NAWE AGAKORA UBUKWE NA BLENDAH NDETSE GASONGO AKAREKURWA AGASANGA NYINA AKAMUFASHA NDETSE AKARERA UMWANA WE YABYARANYE NA JOJO!!! GUSA MBONYE IGIKOMEZA KUKO DOVINE NTARAKORA AKABARI IKINDI NGO MARTIN AJYE AMUCUNGA MU KAGARI AHO INKURU YATANGIRIYE. YEMWE IMANA IHE UMUGISHA UMUSEKE, UMWANDITSI N’ABASOMYI B’IYI NKURU. NDABAKUNDA CYANE. NASHIMISHIJWE NO GUKURIKIRANA INKURU IVUGA UMUNTU TWITIRANWA KANDI IGATERA AMATSIKO KU BURYO ABANTU BABYUKA IGICUKU BAYISHAKA KU MUSEKE. GENDA UMUSEKE MURI INDASHYIKIRWA.
    NELSON: 0788573952

    • Mado

      May 14, 2017 at 9:24 am

      nonese irangiye Gaspard atavuye murigereza gusa byaribyiza,Arko c ni true story?

    • Dovine

      May 14, 2017 at 9:39 am

      Nuliso!Mu bwanditsi ibyo ntibibaho!!! Ntabwo warangiza inkuru ngo ibintu byose bibe +++ hagomba kugira ibidakemuka. Urabizi “Ntabyera ngo de!”

  3. Mahoro

    May 14, 2017 at 3:47 am

    Ubuse iyi nkuru ni aha irangiriye bahu? nonese Bob ni uwuhe ko tutigeze tumwumva mu nkuru yacu?

    • Rwema

      May 14, 2017 at 11:55 am

      @Mahoro, Niba warasomye umusogongero w’inkuru Bob na Danny babonye Nelson asunika mu kagare Dovine, bagira amatsiko. Nelson yarimo ababwira uko byose byagenze,iyi nkuru yose Nelson yarimo kuyibarira Bob na Danny. Niba utibuka umusogongero wayo soma iyi link urasanga story irangiye: https://umuseke.rw/umusogongero-winkuru-nshya-online-game.html

  4. Tamara

    May 14, 2017 at 3:55 am

    👪👏👏 nizereko itarangiye. Kuko singisinzira ntamenye suite wapo. Sacyenda mbamaze kugasoma

  5. Tamara

    May 14, 2017 at 3:56 am

    💗

  6. Clementine

    May 14, 2017 at 3:58 am

    Sorry njyewe bob simenye aho aturutse kuko mperuka muva kwa muganga na dovine ndetse na mama gasongo,papa nelson ndetse na merè wawe none se uwo we avuye he ra?

  7. Dusabe Evariste

    May 14, 2017 at 4:20 am

    Ntabwo yorangirira aha pe.nibakomeze mpaka brendah bapfunguwe bakazabana na Nelson

  8. Lion

    May 14, 2017 at 4:47 am

    Ooooh nooooooo nizere ko bitarangiriye aha!! Sinakwemera ko irangira Brendah akiri muriprison 😢😢 rwose mutuzanire episode 101 wenda mumbwire mbafashe kuyandika arko ize Brendah yafunguwe yakoze ubukwe na Nelson

  9. B.JEAN BAPTISTE

    May 14, 2017 at 5:20 am

    MURAKOZE UMUSEKE MURI ABAMBERE PE ! ARIKO NTIMUTUBWIYE IZO NKUMI ZARAKATIWE INGAHE ? ESE URUKUNDO RWABO NA NERSON RWARANGIRIYAHO ? MUDUSIGIYE AMATSIKO MENSHI SANA !

  10. aud

    May 14, 2017 at 5:33 am

    Aya yose namateka mabi y’ababyeyi bahisha abana ba se.ubu se iyo gasongo atera inda dovine!ahaa

  11. aud

    May 14, 2017 at 5:34 am

    Aya yose namateka mabi y’ababyeyi bahisha abana ba se.ubu se iyo gasongo atera inda dovine!ahaa.Murakoze

  12. Saida

    May 14, 2017 at 5:45 am

    Mbuze icyo mvuga!!! ndashimira cyane umwanditsi!!! nubwo iyi episode igiyemo byinshi ariko iradushimishije cyane mwakoze akazi katoroshye kd mwaradushimishije muranaturiza ariko mugamije kutwigisha mwarakoze cyane

  13. loulou

    May 14, 2017 at 6:13 am

    Yeweee ntimubwire ko ahandi ari ah’umusomyi!!!! gusa iyi nkuru Yari nziza.Ubuse irangiye Gasongo aticujije ngo amenye n’ukuri peee!

  14. Lil

    May 14, 2017 at 6:14 am

    Kbs warakoze cyane utubabarire cher wq nilisen atahe

  15. bella

    May 14, 2017 at 6:33 am

    mana wee bibaye byiza cyane ariko ikimbabaje ni Brendan na Dorlenne! sha inkuru irangiye baheze mugihome koko? sha oya rwose reka izarangire ejo wee!kuko aba Bakobwa baba bambabaje cyane!na gasongo atamenyeko avukana na Dovine!umuseke ndabakunda cyanee

  16. Chantal

    May 14, 2017 at 6:43 am

    Irangiye nabi rwose

  17. Kabola

    May 14, 2017 at 7:03 am

    Umwanditsi arancanze, ibintu mu migemo yanyuma urabicabiranyije amazina agaruka aturutsi ahantu hatazwi rwose, abari bafunze ntawamenye uko bafunguwe, mbese wasiganywaga no kuyisosa, hhhhhh ariko aka gakuru kari gashimishije rwose. Ndabashimye cyane mwabanye nange iminsi 100 ndara ntagohetse kubera suites z’ama episodes, mbese wagiraga ngo ndi muri movie acting,nange iyi nkuru inyubakiye urukundo n’uwange iyo ntatangira kuyisoma nari namuretse mba ndoga Nulusoni umwana uzi ubwenge. Longlive umuseke.rw and the writters

  18. Oreste Zebby

    May 14, 2017 at 7:11 am

    Gs byo iyi nkuru ntago irangiye , kuko hari byinshi tutarageraho kd twarabimenyeshejwe igitangira! Umuseke.rw mutumare amatsiko kuko iyi episode irangiye gutya ntago yaba irangiye neza nka my day of surprised!! Mugire ibihe byiza cyn kd muduhe uko dovine akora akabari ndetse na Martin yaravuye mur gereza Bari kumwe! Kd dushaka Nelson arikumwe na blendah hamwe n’umuryango wose kuko bizadushimisha.

  19. duniamviringo

    May 14, 2017 at 7:12 am

    yego sha neli ariko noneho biranze biragucanze urinze utaha utavugishije uwo wihebeye nonese buriya agahinda ntikamwegura kubera ntajambo ryawe yumvise rimukomeza

  20. Nadal

    May 14, 2017 at 7:14 am

    Mana wee mbega ibyishimo bivanze namarira. Gasongo ni musaza wa Dovine mbabajwe na Papa dovine wiyahuyeee rwoseeee.Nelson ubonye ababyeyi nezerwaa. Ariko John nimfura pee nako ni bene nganji bose.sogokuru ati njyana Kwa nganji njye ndara izamuuu. Ntaziko agiye kwiturwa ineza yagize.

  21. Gaju.

    May 14, 2017 at 7:29 am

    Oooh là la! Mbega I inkuru inejeje! Gusa dukeneye no kumva Brendah na Dorlene bafungurwa, ibirori bigatahwa mu munezero, Nelson agaragiwe n’ababyeyi n’abavandimwe.
    Gusa sinamenye Bob uwo ariwe, yaba ari Brown se? Ese ko mwavuze abandi basuwe kuri gereza, noneho Pascal yaratuje, cyangwa we ntibamusohoye kubera amahane ye?!
    Muryango mwiza, nshimye ko kubera umutima mwiza n’urukundo rudasanzwe, mwababariye byose byose mugatangira ubuzima bushya.
    Twizere ko inkuru igikomeza!
    Thanks a lot Umuseke, Umwanditsi we coup de chapeau pe!!!

  22. drocelle

    May 14, 2017 at 7:30 am

    Abanditsi biyi nkuru ndavashimiye cyane nizereko igikomeje

  23. Solange

    May 14, 2017 at 7:38 am

    Haracyari amatsiko.

  24. Gaju.

    May 14, 2017 at 7:39 am

    Cyakora rwose mu basomyi b’iyi nkuru, hari bamwe namenyeye kuri comments Dude, Clementine, Shema Steve, Lyl, Lyd,Jean Baptiste, Joram, Gislaine, wa wundi W’Umuislam,Giramata,Béa,n’abandi n’abandi…….. ni benshi bari abakunzi b’iyi nkuru nanjye Gaju ndimo!!

    • Dude

      May 14, 2017 at 9:27 am

      Gaju nunze mu ryawe nanjye mfite benshi namenyeye aha nuko ntanababona nyine ngo mbahobereeee.

  25. cyuzuzo nana naomi

    May 14, 2017 at 8:03 am

    yoooooo mbega inkuru nakunze ikimbabaje nukuntu brend irangiye ari mugihome nanone nishimiye nelson kubona ababyeyi be

  26. shema steve G

    May 14, 2017 at 8:06 am

    Wot a nice story….ubuse irarangiye pepe!??

  27. Lydi

    May 14, 2017 at 8:07 am

    muduhe nakandi da

  28. Cecile

    May 14, 2017 at 8:20 am

    Warakoze cyane kabisa

  29. turikume

    May 14, 2017 at 8:26 am

    Yebabawe irarangiye mbega inkuru weee uwahakuye isomo araribonye pe . Urakoze umwanakoze ditsi wacu.iyaba yarirangiye nelson akoze ubukwe na

  30. Nick

    May 14, 2017 at 8:42 am

    Yoooooo Nelson abonye ababyeyi be bose na Martin arahinduka

  31. Mutesi sylivie

    May 14, 2017 at 8:53 am

    yeee babawe mbeg’a mateka ubuse gasongo naratangira kwicuza ibyoyakoze mukomeze turabakurikiye thx

  32. Umusomyi

    May 14, 2017 at 9:01 am

    Umuseke turabashimye ariko iyi nkuru niba atangiye irangiye ukuntu!!!

  33. Umusomyi

    May 14, 2017 at 9:04 am

    Umuseke turabashimiye gusa iyi nkuru niba irangiye irangiye ukuntu!!! Ndabona hari ukuntu byihutishijwe turasimbutse tugwa ku musozoo

  34. Ange

    May 14, 2017 at 9:17 am

    Mbega Gasongo na Dovine ni abavandimwe bose bahuje ubugome? Twizere ko inkuru igikomeje kuko ntiyarangira tutanamenye urwo bakatiye Brendah na Dorlene

  35. Nelson

    May 14, 2017 at 9:24 am

    ko batanditse ntuzacikwe na Episode 101. cyangwa niyo tuzishyura.

  36. Kamikazi

    May 14, 2017 at 10:08 am

    Mbega inkuru nziza.Irarangiye kuko mwibuke igitangira Umusore wari gusunika Dovine mukagare abwiye bâ Bob ngobaze ababwire ibya Dovine.Arangije kubibabwira rero akabare kavuye muraho ma frw Martin amuhaye kuri ATM.Nuko mbitahuye.Mugire umugisha

  37. Vava

    May 14, 2017 at 10:12 am

    Mwaramutse!iyi nkuru yari nziza cyane yatwigishije byinshi byiza.ariko umwanditsi twagusaba kuzajya ushishoza neza iyo ugeze ku nkuru y’umwuga wabandi bakora wenda utawusobonukiwe ujye ubanza ubaze uko amategeko awuteganya.
    Urugero:
    1.nkaho ba Brenda na Dorlene bahohotewe bagafatwa kungufu hanyuma ubutabera bukabafunga barishe bitabara.twizere ko hari episode bazaburanamo bakabona ubutabera bukwiriye .
    2.uko wasobanuye uburyo Brown yatewe urushinge bitari ibyumwuga ujye ugisha inama nugera aho udasobanukiwe uko bikorwa.ikindi rwose turabibona ko ukora umurimo utoroshye ariko ujye ureba neza haraho uvuga inkuru mwizina ryundi.nkiyi episode yanyumaharaho wavuze mama john

  38. MUHOZA Claudine

    May 14, 2017 at 10:13 am

    mbega irangiye ikiryoshye

  39. Adinan

    May 14, 2017 at 10:56 am

    Tukiyamira, wa mugabo wari usunitse akagare yahise agaruka maze yunama ku meza atwitegereza mu maso maze ahita atubwira;

    We-“Mutangajwe na Dovine se? niba mwifuza kumenya byinshi munkurikire gato”

    Twese twahise duhaguruka dukurikira uwo mugabo ntawe uvuga tugeze mu ka jardin kari kari hanze, turicara maze yitsa umutima, ubundi aterura agira ati.…….

    Nelson- “Basore! Uwo ni Dovine mumaze kubona nsunitse mu kagare…
    Ntagushidikanya irarangiye nimwitegure kwishyura indi yagatatu kuko yo ngo izasomwa nuwayishyuye!Gusa uyumusore ni umuhanga!!!!!!!coup de chapeau!

  40. Eug

    May 14, 2017 at 11:07 am

    Ubu se inkuru yaba irangiye Brendah atavuye mu gihome ngo yishimane na Nuliso?

  41. Marie

    May 14, 2017 at 11:29 am

    Cyakoze amaraso ni amaraso koko ndemeye. Dovine na Gasongo bahubukaga nka Papa wabo koko. Ukuntu yizeye ibinyoma bya Gasongo akiyirukanira umugore none birangiye yimanitse nkuko umukobwa we yihanuye kuri Etage. Ubu na Gasongo wasanga namenya byose aziyahura ndumva kwiyahura ari utuntu twabo. John,Nelson na Mawuwa nabo amaraso yabo ni aya Nganji pe ukurikije uko twamubwiwe. Gusa twishimiye umwanditsi nubwo ashoje tutanyuzwe ariko wasanga ariryo banga ry’umuhanzi.

  42. Rwema

    May 14, 2017 at 11:48 am

    Mwanditsi, uri umuhanga pe! Ikimbabaje ni uko inkuru irangiye Brenda na Dorlene bakiri muri gereza. Harakabaho Umuseke!

  43. ineza

    May 14, 2017 at 1:03 pm

    Nta bukwe bwa Brendah na nuliso bahu???

  44. Wivine

    May 14, 2017 at 1:53 pm

    Finally c Brendah na Nelson birangiye batabanye kweli??? Oh noo!! Gsa it was awesome pe… I loved the story ifite umwihariko kweli… What next? Dukeneye more info abt the charges kugira ngo dupagase dukomeze kuyisoma kuko yaduhinduriye ubuzima for real

  45. ernesta

    May 14, 2017 at 4:15 pm

    umuseke turabashimiye bivuye ku mutima!
    ibitekerezo byanyu ni ibyo kubaka umuryango nyarwanda by’umwihariko tubasoromyeho imbuto z’ubumuntu n’ubugwaneza!

  46. Mujyanama

    May 14, 2017 at 4:25 pm

    Inkuru ishyizweho akadomo.
    Igisigaye n’ikireba twebwe abasomyi (gushyira mu ngiro ibyo twungutse muri iyi nkuru). Dukwiye kubana na bose amahoro kuko buri muntu wese afite uwe mumaro kuri wowe.
    1. Iyo umuntu akubereye mubi, uba ukwiye kumwigiraho kwihangana no kubabarira bityo iyo utsinze, abagukikije bahora bakubonamo umunyeshuri w’umunyamurava kandi w’indashyikirwa udahindurwa n’inabi ngo abe mubi.

    2. Iyo umuntu akubereye mwiza umwigiraho kugira neza ndetse no kubanira abandi kuburyo butuma nawe uhora uri uwo kwifuzwa no gusangwa mu gihe cy’amage ukabera abandi ubwugamo n’ihahiro ry’ihumure.

    Murakoze cyane (Ubuyobozi bw’umuseke, umwanditsi namwe basomyi nshuti z’Imana n’abantu).

    Ubishoboye yasoma Ibyahishuwe 4:11.

    Imana izabibuke mu bihe by’amakuba no mu bihe by’amahoro.

    Salute👮et Bravo👏

  47. christian

    May 14, 2017 at 6:25 pm

    cnz icyo navuga gusa mpamya ko iyi nkuru yigisha kuruta iya mbere kdi njy ku giti cyanjy nize byinsh kdi niteguye kwishyura nind izakurikiraho pe
    iyi nkuru yanyigishij kgra umutima ufash ndets unihanganye kko burya iby’Imana biribwa n’abarambije abarambiwe bigurukiye
    reb ishyar gasongo yagiz kd nawe har hakiri ibanga rizirits gusa iyi nkur pe byinsh birim ni ubuzim bwacu bwa buri munsi aho inshut ziduhemukira
    gusa burya iyo ubay umunyakur Imana iragushinira

    iyi nkuru yandemyem ibint byinsh kd byiza
    ark ko ishyiz basoje batubwira umwandits nibind ubu ho byagenz gte??
    thx Umuseke ndetse n’abasomyi pe mwarakoz cyn
    mu.nkuru itah ndizer ko tuzabona ikind kigish gishy gusa iyo umunt agez ku gasonger bsab gukomez gukora nkiby yakoz kgra ngo ahager bizamufash kuhaguma rer nimudohoka mutanjyir gushak inyung aho zitar wend kubury bur politically bizazamba
    mugire ibihe byiza mwarakoz cyane
    lol

  48. kalimu

    May 14, 2017 at 8:02 pm

    murakoze cyane,umuseke inkuru yose mwatugejejeho ama episode 100,kandi ku buntu. bwitange bwanyu,turabuzirikana,kandi ntimwaruhiye ubusa,twakuyemo amasomo menshi:
    ubunyangamugayo,kugira neza nta nyungu ubitezemo,kwihangana,kubabarira bose,gukunda akazi,ubunyangamugayo……mwarakoze cyane

  49. pelagie

    May 14, 2017 at 8:29 pm

    biraryoshye! nuko karangiye tutamenye iherezo rya Brenda na Nelson!

  50. pelagie

    May 14, 2017 at 8:35 pm

    mbega byiza!ibyishimo mumuryango!burya amaraso arakururana koko!Nelson yagiriraga neza babyarabe atabazi!?imana ishimwe, mumuryango we uruzuye!disi yagiriye mm.wiwe impuwe ataranamumenya!papawe nawe, barahuye biba ibanga rizitse koko!ntiyaraziko arimo gukorera umwanawe!mutwongere akandi!

  51. gatokeza

    May 14, 2017 at 11:05 pm

    Ahwiiiiiiiii. ndaruhutse amarira yaragiye kuzanyica. ndishimye ko Nelson abonye ababyeyi be. Gusa iyi nkuru ndabona itarangiye ahubwo ibice bikurikiye nibyo tugiye guheraho twishyura. Umwanditsi wizi nkuru uri umuhanga ndagushimye. mudukomereze iyi nkuru natwe twiteguye kuyishyura kuko ntiyarangira tutabonye ubukwe bwa Nelson

  52. N . Janvier

    May 15, 2017 at 4:53 pm

    Ariko Uyu Bob Yaturutse He Ko Mutadusobanuriye?

Ibitekerezo

Your email address will not be published. Required fields are marked *

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock