Episode 90: Dovine asutse hanze ukuri kose…Brown arazanzamutse, abandi bibaye ibindi – UMUSEKE
RALC Ntibavuga bavuga

Episode 90: Dovine asutse hanze ukuri kose…Brown arazanzamutse, abandi bibaye ibindi

Njyewe- “Ihangane Mama! Brown ntacyo aba, humura araza kumera neza!”

Mama Brown- “Oya ndeka, ubu koko umwana wanjye natwise amezi icyenda nkamubyara nkamurera nkamukuza anciye mu myanya y’intoki!”

Mama Dovine- “Ubu se koko Mana yanjye ndabigira nte? Iyaba ari icyohe cyanjye cyapfaga cyo kizize!”

Njyewe- “Oya humura Dovine nawe nubwo yizize ariko nawe ntakwiye gupfa, mwihangane byose biraza kumera neza”

Aliane- “Mana wee! Mbega agahinda kaganje hano! Ubu se koko ni iki gihoza aba babyeyi”

Mama Brown- “Oya wee! Byarangiye nta kundi, ubu koko nsigaye he? Koko ubu nacumuye iki mwimanyi?”

Ako kanya muganga yahise asohoka maze amarira ariyongera, byakomeje kuba agahinda karenze akandi, naburaga aho mfata nkabura icyo mvuga ndetse mu magambo menshi nifuzaga kuvuga nabuze irinsohokamo ngo ritange ihumure, Muganga amaze kutwitegereza ahita avuga,

Muganga- “Mwihangane kandi mukomere…”

Mama Brown- “Twihangana twihangana iki? Umwana wanjye wimfura ari hehe? Ko mutamunyereka se?”

Muganga- “Mama! Tuza mbabwire mutwumve kandi rwose mutubabarire twese abaganga muri rusange ku bw’umwe muri twe wakoze ikosa ndetse akihamya icyaha kugeza n’aho atorotse, rwose ntako tutagize ngo twite kuri uriya musore wanyu gusa…”

Njyewe– “Gusa gusa iki Muga?”

Muganga- “Amahirwe yo gukira aragenda akendera”

Twese tukimara kubyiyumvira ntawagumye aho twaramusunitse tumukura mu nzira twinjira mu cyumba Brown yari arimo, dusangamo abaganga benshi bakitubona bose basohoka vuba.

Nakubise amaso Brown wari uryamye ku gitanda acometseho ibyuma byose bibaho ntangira kwibuka umunsi wa mbere tuvugana nongera kwifuza ko iyaba byakundaga yavuga byibura ijambo rimwe muyo yambwiye n’ubwo kuri iyo nshuro bitari bigishobotse.

Abarira twararize ibintu biba ibindi, John witegerezaga ku byuma byerekana uko umutima utera yari yabuze amajyo, n’agahinda kenshi naramwegereye,

Njyewe- “Daddy! Koko ubu Brown ajyanye agahinda?”

John- “Nelson! Usibye Imana yonyine yakora ibyayo naho ubundi abaganga ntacyo batakoze, icyo ngusaba musore muto, komera ushikame atembe ajya mu nda kuko ibi ni ibyanditswe bigiye gusohora”

Njyewe- “Mana wee! Ubu koko ko Imana yari izi ko Brown azazira uru kuki itadupfutse amaso ngo ntitubone Dovine koko? Kuki se itamumuhishe online? Ubu se kuki yaremye urukundo rwinangira kugeza naho umuntu ashobora gupfa yanze kumva ukuri? Ariko nta kundi izi impamvu kandi mbonye ko ikinyoma kizira ukuri kugeza naho kivugana umusore usoretse imfura mu muryango?”

John- “Ihangane Nelson! Komera kandi ushikame”

John akimara kumbwira gutyo ako kanya Jojo yinjiranye na Gaju mu cyumba twari turimo maze bikubita imbere ya Mama wabo bamufasha kurira ibyo byakomezaga kudutera agahinda gakomeye,

Mama Brown- “Jojo mwana wanjye nakuririye kenshi narakubuze, none n’aho nkuboneye usanze mpogora koko?”

Jojo- “Mama! Mbabarira narakubabaje, naguteye guhangayika iminsi myinshi gusa mbabarira nkwikubise imbere ndagusabye umbabarire”

Mama Brown- “Jojo! Reka dufatanye agahinda mwana wanjye iby’imbabazi byo ntakubabariye naba ntari umubyeyi, ubu se koko ko Brown agiye nsigaye hehe?”

Gaju- “Mama! Jojo njye n’ubundi nari nzi ko azaza mu bihe nk’ibi, ibyo twaciyemo yibwiraga ko bikomeye yirirwa avuga ngo ntiyabishoba ngaho niyihitiremo”

Mama Brown- “Gaju mwana wanjye wimusonga, ubu se koko ni we wahoze ategereje ibihe nk’ibi? Yuuuuu! Koko uwambyaye yandaze amarira, ubu koko mfanye agahinda ko kutagira imfura nk’uko Data yasize imfura ntamenye”

John- “Ihangane uzayimenya Mama Gaju! Komera rwose twizere Imana yo ikora byose nibi biri mu maboko yayo”

Gaju- “Uravuga uvuga iki se ko ari mwe mwaje kuducira umuryango, byose nabimenye ntacyo mukimbeshye, erega na Nelson watangiye byose akanuye areba Brown nta soni! Ariko ubundi ubwo urakora iki hano nako…?”

Mama Brown- “Oya mwana wanjye mbabarira wimfatanya n’agahinda Brown azize kwanga kumva uwamwibarutse, ubu koko niyo yanga kumva abandi njye akanyumva byari kugera aho aterwa urushinge rw’ingusho?”

Mama Dovine- “Mwana wa! Rwose aba urabarenganya icyohe cyanjye Dovine nicyo kivuganye uyu musore cyo kangara ku gasi!”

Gaju- “Ayiwee! Mama Dovine! Uravugisha ukuri?”

Mama Dovine- “Nkubeshyere iki se mwana wanjye ubu ni njye wishimiye kubaho nitwa Mama w’umusazi?”

Gaju- “Oya! Maze se niba ari we wabiteye Gasongo nahaye umutima n’ibyishimo byanjye John wiyambitse uruhu rw’intama ngo aradufasha amwita imbwa mbi gute? Simbyumva!”

Mama Brown- “Gaju! Niba udashaka kumva ukuri ntiwigeze umbona nk’uwakubyaye, ahubwo urashaka kuba nka Brown upfanye ikinyoma.”

Mama Brown amaze kuvuga gutyo Gaju byaramurenze noneho si ukurira yivayo, uko arira nkibuka agahinda gakomeye kavuye mu byishimo Brown yagize igihe yiyamira maze akavuga ngo: “Gisa Dovine tayali online”

Haciyemo akanya gato k’amarira maze twese dukomeza kwitegereza Brown Jojo aratambuka ahagarara imbande ye yihanagura amarira dutungurwa n’ukuntu ahise akomera, sibwo natwe ahise adukomeza Mama we ndetse na Mama Dovine bagatuza!

Gaju yarabibonye maze nawe yegera impande ye maze amufata ku rutugu, Jojo amaze kwitsa umutima ubugira gatatu ahita avuga,

Jojo- “Mama! Rwose narakubabaje ndetse mbabaza n’abavandimwe banjye, ntabwo nigeze nibuka ko irya mukuru ritinda ntirihere, nibwiraga ko kuba ndi mwiza bihagije nirengagiza byose ariko naje kumenya ko iyo menya iza nyuma ndetse igakurikirwa no kwicuza”

Gaju- “Mana wee! Jojo ni wowe?”

Jojo- “Ni njyewe Gaju! Ibyo mvuga biva mu mateka njye ubwanjye niyubakiye nzi ko ariyo ankwiye nyamara adakwiye umwari nkanjye wavutse mu muryango ufite byose, ni ukuri nciye bugufi mutanyitura ko nanze kubumva ahubwo munyumve maze nduhuke ndetse uyu Brown n’ubwo ari mu marembera ariko amatwi ye ntiyari yifunga, nta kabuza nzi ko ari kunyumva”

Mama Brown- “Mana yanjye koko ubu uyu ni Jojo nibyariye?”

Jojo- “Ni njyewe Mama! Ndi umukobwa wibyariye, ndabasabye munkundire muntege amatwi mbabwire byose!”

Mama Brown- “Ndakumva mwana wanjye! Wa mugani Brown nawe agende akumvise ndabizi ibi ari kubyumva n’ubwo bwose ntacyo agishoboye gukora cyangwa ngo avuge”

Jojo- “Mama! Nanze kwihanganira inzira igoranye twaciyemo ngo dukomeze ubuzima ubwo ibyacu byari bibaye ibindi, nirengagiza ubutwari bwa Nelson na Gasongo aho batujyanye tugasanganizwa urukundo rwa kibyeyi hambera amahwa ahanda ndahaguruka ngo ndagiye nako njya kwangara yewe ngo ngiye kuryoshya umubiri kandi ariwo uyu Brown ari kurwana nawo aka kanya”

Mama Kenny-“Mana wee!”

Jojo- “Ibyo byose byatumye mpinduka mba uwo ntari we, aho nirirwaga ndetse nkanaharara hangize undi wundi igihe gishira ikindi kiza ndi kure yanyu, aho mumboneye byabaye intambara ariko birangira ntsinzwe nemera guca bugufi, ari nabwo natangiye kubona ko nari narayobye,

Ibyabaga byose narabimenyaga ariko ikimbabaje kuruta ibindi ni uko ibyo byose byabaye impfura yacu na Papa umbyara bari mu buroko ndetse na Gaju mukuru wanjye ari ku ishuri, maze aho kugira ngo bumve ukuri bumva ikinyoma ari nabyo bitumye turi aha ndetse turira ayo kwarika”

Gaju- “Ngo? Ibyo uvuga ni ibiki Jojo?”

Mama Dovine– “Nyamara ibyo uyu mukobwa avuga ni ukuri! Twahumijwe amaso na Dovine n’abambari be twanga kumva ukuri none reba ingaruka z’ikinyoma icyo zidukoreye, umwana wanjye arasaze, nirukanwe mu rugo rwanjye, umusore wanyu nawe reba uko ameze! Ayiga Mana!”

Gaju- “Oya ibyo muvuga ntabwo mbyumva! None se koko hari ukuri kurenze uko Brown yambwiye igihe musanga kwa muganga?”

Mama Brown- “Vuga uti nta binyoma birenze ibyo Dovine na Gasongo bapakiyemo abantu bose guhera kuri Brown maze akanga urunuka Nelson ku buryo yanyiyamye akambwira ko adashaka kongera kumubona mu rugo ndetse akanga kunyumva nk’umubyeyi wamwibyariye”

Gaju- “Ibyo numva koko ni ibiki Mama?”

Jojo- “Njye naratuje ndamwumva ndetse ibyo Gasongo yatubwiye mbona ko koko yari ibinyoma bisa, ni nayo mpamvu bidukurikiranye na hano, Brown mpfura ya Data! Niba koko ukitwumva kabone n’iyo utavuga emera wumve ukuri,

Dovine wakunze yakwambitse igitambaro mu maso aguca inyuma aterwa inda na Martin maze yitwaza Gasongo wagiriraga ishyari Nelson buri munsi, yemererwa amafaranga..……..”

Jojo yavuze byose nk’uwari uhari byose biba, amaze kuvuga byinshi nk’uko yanteze amatwi akanyumva, ako kanya Gaju ahita avuga asakuza cyane,

Gaju- “Oya ntibishoboka! Jojo arabeshya, ahubwo niwe bahaye amafaranga ngo avuge ibinyoma! Uko areba!”

Mama Brown- “Gaju! Koko mwana wanjye ubu aha niho twaza guhamiriza ibinyoma? Mwana wanjye Brown niba amatwi yawe azumva ijwi bwa nyuma, umva iry’uwakubyaye ibyo uriya mukobwa Dovine na Gasongo bakubwiye ni ibinyoma, rwose John na Nelson ntako batagize ngo barwane intambara ari wowe barwanirira, nunagenda ugende uzi ukuri kuvuzwe n’uwakonkeje”

Mama Dovine- “Brown! Ndi Mama Dovine! Mbabarira njye wabyaye ikiboze nanjye ndi hano ngo mpamye ukuri, umukobwa wanjye yankojeje isoni anshyira ku karubanda abyarana n’uwakamubyaye, none ubu nangajwe n’uwankoye, rwose mbabarira sinari nzi ko napfushije uwo nabonaga ahagaze”

Mama Dovine akivuga gutyo hari umuntu wafunguye aho twari turi twese turikanga ako kanya tubona abaganga babiri bari kumwe na Dovine barinjiye tubabonye turikanga.

Muganga- “Mwihangane mwumve uyu mukobwa niba ashobora kuba yakize ntabwo tubizi neza mwe mwari musanzwe mubana nimwe mwabimenya”

John- “Ko tubona arira se twabibwirwa n’iki ko ari nako n’ubundi twamuzanye ameze?”

Ako kanya Dovine yahise yiyaka abaganga aza yihuta arimiza amavi munsi y’igitanda Brown yari aryamyeho maze ararira cyane aho niho twatangiye kumenya ko ashobora kuba yatangiye kugarura ubwenge,

Dovine- “Brown! Niba unyumva niba utanyumva ntabwo mbizi, n’ubwo ntacyo nkwiye kuvugira imbere yawe ariko mpa amahirwe ya nyuma”

Njyewe- “Yeee? Uzi ko Dovine yagaruye ubwenge!”

John- “Inka yanjye! None se ubu tuvuge ko akize? Agiye kubwira iki Brown se kandi?”

Muganga- “Mutuze uyu mukobwa amubwire atangiye kugaragaza ko ashobora kuba yakize!”

Aliane- “None se Muga! Brown koko ubu ari kubyumva?”

Muganga- “Rwose ndahamya ko aho umutima ugeze utera ari kubyumva! Ikibazo ni uko ntacyo yabikoraho!”

Dovine- “Brown! Umunsi duhurira online waje uri umwe mu bandi bankunda kandi bankeneye, uko wanyakiriye ntabwo ariko njye nakwakiriye, wowe waribeshye kuko wankunze utaramvugisha yewe nkanakwemerera urukundo ntaragukoraho, ntiwari uzi uwo ndiwe ariko reka nkubwize ukuri,

Ntabwo nigeze nifuza ko uba itandukaniro n’abandi ahubwo nakugumishije ku murongo nk’abandi, igihe umunsi wawe wageraga nza mu rugo iwanyu unyakira nk’umwiza wihariye ukamukura mu bandi gusa ubu nibwo ukwiye kumenya ko kuri njye ntacyo byabaga bimbwiye nagufataga nk’umukunzi nakuye ku nzira ndetse nkifata nk’uwakirwa n’uwo twahuriye mu mbaga aho nari nshagawe na benshi nawe urimo”

Njyewe- “Oooooh! My God!?”

Dovine- “Brown! Ntiwamenye ko wowe waje usanga amagana, wiyibagije ko aho wankuye hari benshi nkawe ndetse badasa nk’uko usa, badafite nk’ibyo wari ufite gusa amaherezo uwanze ubusa acyura buri buri nanjye nabaye umwe muri abo ngaramira Martin ntakekaga none dore ntwite umwana we ari nako nawe ugiye gupfa upfanye ikinyoma nateyemo Gasongo nawe akanyereka ko n’ubundi yari yarabuze inzira y’agatsibanzira yanyuzamo Nelson akamuta mu kobo ngo akunde abone umwanya yari ahagazemo”

Dovine akivuga gutyo twagiye kubona tubona icyuma cyapimaga ugutera k’umutima gitangiye gutera kihuta, imibare itangira kwiyongera John atangira gushyugumbwa ngo atubwire ariko natwe twari twabibonye kare, tukibaza ibiri kuba ako kanya twagiye kubona tubona Brown ahise ashiguka abumbura amaso twese turiyamira abaganga biruka bamusanga.

Mama Brown, Jojo na Gaju ibyishimo byabaye byinshi njye mu mutima nari ndi mu ijuru ndi kuvugana n’Imana nyisaba ngo yumve ishimwe ryacu kuri ibyo bintu byari bibaye igitangaza mu maso yacu.

Muri twese twari turi aho ntawari uzi ko Brown yakizwa no kumva ukuri kwa Dovine nyir’ugukora ibara, burya byose biba bifite impamvu ariko ntabwo impamvu iba izi ko umutima ubizi.

Abaganga bakomeje kumwongera umwuka, Dovine we amarira yari yamushizemo kandi koko birumvikana ntawe ubara ubugwari ngo atane n’ikiniga ndetse na none kurira n’uguhoza umutima uganjwe kandi wuzuye intimba watewe n’akahise.

Hashize akanya gato maze tubona Muganga akubitanye n’undi ubiganza nanjye na Aliane turabigana,

Mama Brown- “Mana wee! Brown wanjye arazutse? Ayiiiii!”

Jojo– “Ahwiiii! Mama! Koko reba ari kureba ndetse atangiye no guhumeka! Yebaba wee! Imana ishimwe ni ukuri”

Mama Dovine- “Imana igira amaboko koko! Disi yumvise ukuri umutima we wongera gutera!”

John- “Woooow! Amazing!”

Ibyishimo byaganje aho hantu buri wese yareba undi akamwenyura ya marira y’agahinda yahise asimburwa nay’ibyishimo abaganga badutegeka kugaburira Brown vuba, ntawamenye aho ibiryo byavuye mu kanya nk’ako guhumbya, Mama Brown atangira kugaburira impfura ye!

Dovine yakomeje kwicara aho hasi amarira ashoka mpaka ageze ku birenge, Mama Brown amaze kugaburira Brown arongera aramuryamisha maze Dovine ahita yongera aravuga,

Dovine- “Brown! Mbabarira kuba ibi byose byarabaye ufunzwe ariko kandi iyo uba udafunzwe wari kujya aho Nelson yari agiye kujya gusa agakizwa no kuba umunyamahirwe akagira abagabo bahamya ukuri ari nabyo byateye ibi byose,

Nyumva Brown! Aho ngeze sinkwiye kubabarirwa ahubwo nkwiye gupfa kuko nakoze ibidakorwa nishimira umurongo wari untonzeho online nkibwira ko ndusha abandi ubwiza ndetse nkiyibagiza ko ari ihuriro rya benshi atari umuharuro w’iwacu, none dore ihuriro rya benshi rinsize mu maganya ya njyenyine, ba bandi bose se ubu bari he? Mana weee!”

Mama Dovine– “Si wowe wabyiteye se! Dore ngo ararira, urarira se urarira iki? Agatoki wantonoreye se? Amasahani wanyogereje se? Cyakora wiyanze cyera, umuntu wangaga no kurya ngo ngaho ari lonoline niba ari monoline nako sinzi amakungu! Ayiga Mana nanjye Nyampinga nagorwa!”

Njyewe- “Ihangane Mama! Ibyabaye byarabaye kandi byasize amateka azahindura benshi, ni ukuri babarira utakamba kandi ubabarire nk’umubyeyi”

Mama Brown- “Mama Dovi! Umwana wawe yabaye ikirumbo ariko nta mpamvu zo kumuta, Imana itumye umuhungu wanjye akira nawe yamukijije uburwayi bwo mu mutwe none niwe umwibwiriye ukuri nawe humura izagushumbusha!”

Mama Dovine- “Ishwiiii! Namuvumye muvumye!

Ako kanya Mama Dovine yahise ahindukira tubona arasohotse akubitaho urugi Dovine noneho si ukurira yongera kwivayo kugeza ubwo atangiye gusarara ndetse agwa n’agacuho maze yegeka umusaya ku gitanda hashize akanya John ahita avuga,

John- “None se mukobwa mwiza utegereje imbabazi cyangwa utegereje kumva ko Brown yakumvise?”

Gaju- “Imbabazi se z’iki?”

Jojo- “Nyamara akwiye imbabazi uyu mwana wavutse nkamwe, none se ni iki cyaba kimuryamishije hano imbande ya Brown?”

Gaju- “Ariko Jojo! Uzi ko usetsa, nta soni urabona ibyo aka gakobwa kanyinjirije mu mugabo kagatuma ahinduka akaba uwo utahoze ari we kuva na kera? None dore mwanze ko anagaruka aho muri”

Dovine- “Mumbabarire wee! Wenda sinzongere kwegera aho muri nka Gasongo, yewe sinzongere no kuvuga izina rya Brown!”

Gaju- “Uko kameze! Na Nyoko ukubyara ntakubabariye ngo ni twe tukubabarira?”

Ako kanya Gaju yahise asingira Dovine atangira kumutera imigeri n’amakofe turwana no kubakiza ariko Gaju akomeza kuba ibamba kugeza aho abashinzwe umutekano binjiriye mu cyumba twari turimo batangira gukiza maze habona kuboneka umutuzo,

Mama Brown- “Gaju mwana wanjye ayo mahane wayakuye hehe? Ugiye kuba nka So? Koko aho ari ntuhazi?”

Gaju- “Mama! Ntacyo umbwira reka ngakubite nkereke ko mwene Pascal nabonye byinshi, Gaju ntabwo anzi yambarirwaga! Inzira y’ubuzima naciyemo nta mishinyiko nigeze mpura nayo, nta soni mureke…”

Gaju yashatse kongera gukubita Dovine maze Jojo ahita yitambika imbere ye maze ahita amubwira,

Jojo- “Gaju! Itonde gukubita uwo mubyeyi! Ndagira ngo nkumenyeshe ko nawe uri umukobwa nkawe, umenye ko iyi si idasakaye ejo n’ejo bundi nawe wanyagirwa! Ubu se uramutse umukubise umwana atwite akagira ikibazo wabigenza ute?”

Gaju- “Shyuhuhuuu! Akavamo hari uwo Brown yamuteye?”

Jojo- “Gaju! Uri umwana twonse rimwe sinaguhisha ukuri, Gasongo urimo uvuga ngo ni umukunzi wawe aka kanya menya ko mufitiye umwana mu nda yanjye! Uko ni ukuri Mama Kenny yaguhamiriza gusa ikimbabaje kuruta ibindi ni uburyo yayinteyemo”

Jojo akivuga gutyo Brown yahise azamura ukuboko tubona aregutse mu kajwi kadasohoka aba aravuze.

Brown- “Jojo!…………………..

61 Comments

  1. Grace

    May 3, 2017 at 4:09 am

    Imana ishimwe ubwo Brown wacu agarutse. Ahwiii

  2. Clementine

    May 3, 2017 at 4:17 am

    Imana ishimwe cyane yega igitondo kihumure we,umuryango ugiye kongera kwishima pe

  3. Dude

    May 3, 2017 at 4:22 am

    Imana ishimwe pe Brown iyo apfa Mma we agahinda ntiyari kuzagakira. Thx Umuseke.

  4. Lil

    May 3, 2017 at 4:23 am

    Yoooo Imana ihabwe icyubahiro

  5. Lil

    May 3, 2017 at 4:24 am

    Murakoze cyane umuseke

  6. Gift

    May 3, 2017 at 4:24 am

    Yooooo, Imana disi ihora bugufi, ibi byose byabaye ngo umuryango umenyane. Abavandimwe bagiye kwishimana.

  7. K

    May 3, 2017 at 4:25 am

    THX

  8. Jackson

    May 3, 2017 at 4:31 am

    mbaye uwambere!!!!
    yebabawe Brown arakize ese we azumva ukuri? ese ubundi Gasongo abahe? kbs noneho sinzi ko ejo hazagera mfite amatsiko pe!!!!
    thx

  9. Gislaine

    May 3, 2017 at 4:34 am

    amatsiko.com! nshimishijwe n’ ukuri kugaragaye kdi nejejwe nukuntu Imana yumvise amasengesho y’ abasomyi!ndabanezerewe cyane kdi ndishimye Brown arazanzamutse mbega byiza weeee! yoooh Gaju niwe wasimbuye Jojo noneho! ubugambo n’ umwirato byamurenze kanze kumva buretse Urebe ngo kazumvire ijeli!! Umuseke wacu murakoze cyane! kdi umwanditsi rwose uri umuhanga umuntu arasoma akumva itarangira kubera kuryoherwa!!!!

  10. Mukabayizere Rachel

    May 3, 2017 at 4:51 am

    mbega byizaaaaaaaaaaaaaa!!!!!!!!

  11. Mushi

    May 3, 2017 at 4:52 am

    Ndabona ibitaro mutarabivamo kuko Gaju ni we utahiwe!

  12. Kiki

    May 3, 2017 at 4:55 am

    Byose bigiye ahabona! Buri gihe mbatanga gusoma kuko nkeneye kumenya amaherezo. Ndashaka kubona Gasongo asanze Pascal muri Hotel y’inyenyeri 6, aho batabishyuza chambres, ibiryo, kwivuza, kurya, transport, umuriro, amazi,….. Byose ni ubuntu Gasongo na Karekezi nibihute basangeyo Pascal.

    John reka nkwibire akabanga Mawuwa ni Maman Brown. Nelson wa Gicucu we Maman Dovine arasohoka ugasigara uturamye aho? Ubwo se niyiyahura ? Mukurikire aze afatanye na Maman Brown bashinge crèche bayite Itetero cg Irerero ubundi bareremo abana bavukiye Online bahereye kuwa Dovine na Jojo.

    • Salma shaaban

      May 3, 2017 at 8:41 am

      Hhhhhhh

    • DUDE

      May 3, 2017 at 9:43 am

      hhhhhh uransekeje kbsa

  13. Teta Delice

    May 3, 2017 at 4:59 am

    Aka kararyoshye pe ukuri kugiye ahagaragara!!!

  14. Joe

    May 3, 2017 at 5:00 am

    🙉🙉🙉Yegoko

  15. shema steve G

    May 3, 2017 at 5:16 am

    Wow….this episode z the best for real….
    Now the truth z out and Bose babyiyumviye…brown arakize…dovine niyihangane nyine ubwiza bwaramushutse
    BT at long last brown amenye ukuri kwose kandi an sure na gaju z gna calm down

  16. Dusabe Evariste

    May 3, 2017 at 5:25 am

    Murakoze kwongera gusubiza inkuru mur mood nziza .brown kwazutse inkuru igiy kwongera kuryoha

  17. Gaga

    May 3, 2017 at 5:29 am

    Ahwiiiii! Disi Jojo yavuyemo undi muntu!😍 Aravuga nk umunyabuhanga. Gaju arakwirwa hehe Ko amahane amwuzuye 😢😌. Brown nizere Ko arasaba nawe imbabazi ndetse akaziha Na Dovina.

  18. Gaga

    May 3, 2017 at 5:31 am

    Uziko Na Mawuwa aziko se yasize umwana imfura ye!👏👏💃

  19. senga

    May 3, 2017 at 5:40 am

    Mana ishimwe niryawe kuva Brown azanzamutse.Cong’s umuseke

  20. Joramu

    May 3, 2017 at 5:50 am

    imana ishimwe kuko ukuri kugaragaye kose uko kwakabaye, ngaho reka ukuri kuganze urukundo rushinge imizi,maze ikinyoma gitumukire muri gasongo, ariko nzishima nawe yemeye agasaba imbabazi.

  21. B.JEAN BAPTISTE

    May 3, 2017 at 6:21 am

    MURI ABAMBERE PE ! NUBURYOHE RWOSE EJO AZABA ARIBINDI BINDI IGIHE KIRAGEZE NGO ABANA BA MAMAN GAJU BAMENYE JOHN UWARIWE MURI FAMILLE YABO ARIKO NA GIGI AKABA AHARI RWOSE KUGIRANGO MAWUWA ABONE GORETTE YARAZI KERA GASONGO KUVA YAVA I GISENYI NTARAGERA NYABUGOGO SE WA ? KO AGIYE GUTORAGURA AMASASHI MU MUJYI WA KIGALI ? MURAKOZE BANDITSI .

  22. Magnifique

    May 3, 2017 at 6:44 am

    Imana ishobora byose nisingizwe iteka those. Amahoro n imigisha biganze muri uyu muryango mugari.

  23. loulou

    May 3, 2017 at 6:48 am

    Ahuiiii ndanyuzwe .Murakoze cyane banditsibeza!Brown ubwo akize ni byiza Humura hari abakobwa barezwe bagutegereje urebe Hagati ya Mireille n’a Dorlene! naho Gaju we ndumva nyuma y’ubuzima yongeye kwibagirwa.ariko sinamurenganya aho abandi baburiye niho we yaboneye! kuba ASA gutyo byose abikesha Gasongo

  24. Tamara

    May 3, 2017 at 6:55 am

    Ashwiiiii mbega toni yumutwaro ntuye nikoreye ejo!!!

  25. Umusomyi

    May 3, 2017 at 7:02 am

    Ahhwiii nta kindi navuga uretse gushimira umwanditsi. Murakoze

  26. Mahoro

    May 3, 2017 at 7:06 am

    Ahwiiiii!!Kiki avuze ukuri ndabona Maman Dovine na Maman Brown bagiye gushinga creche y’abana!!Narabyiyumvishaga ko Brown atapfa aka kanya kdi Imana ntiyakwemera ko apfana ikinyoma.ku mugani Gaju niwe utahiwe muraguma I Ndera tu!!!!Ubu noneho ni sawa ahasigaye ejo ni ukumenya aho Maman Dovine na Dovine bajya kuba,ndetse no kumva Gasongo yagiye kwiba agafatwa agafungwa agasangamo Martin na Pascal.Thx umuseke.

  27. Jeanne

    May 3, 2017 at 7:07 am

    Mwaramutse, Imana ishimwe pe, burya koko ukuri kurabatura dore brown ikinyoma cyari kimuhitanye ukuri kuje arazanzamuka. Basomyi sinzi niba mwibuka kera Brown yiteguye Dovine ngo aramusura, umunsi ukarinda wira atahageze ahubwo yibereye hamwe nundi muhungu, icyo gihe baje kwishyura ama unites kwa Nelson mu mutaka, ibyo byose byari byaranyeretse Dovine wavuye online uwo ariwe. Nyamuneka rubyiruko murajye mwitonda

  28. Nepo

    May 3, 2017 at 7:12 am

    Ahaaa ndabona ibintu bigiye gusubira muburyo!

  29. Oreste Zebby

    May 3, 2017 at 7:12 am

    Mbega gasongo😔 ubuse gaju ntaribuhite akubita JoJo kuko yatewe inda nuwo yita umugabo we?😉

    Nelson yabonye ababyeyi . Gs gaju nawe asabe Nelson imbabazi byumwihariko pe!! Yeweeee munyaruke muzane mama dovine nawe Abe umwe murimwe mumuhindure nkuko abandi byagenze.

  30. iraguha

    May 3, 2017 at 7:16 am

    ntimureba ahubwo!? ubu nibwo inkuru igarutse mu murongo

  31. Chris Nd

    May 3, 2017 at 7:16 am

    Ahwiiiii!!! Imana ishimwe weee!!!! Brown arakize kd ndahamya ndashidikanya ko ukuri kwose kuvugiwe hariya akumvise nubwo we atarashoboye kuvuga gusa arko hari ukuri yiyumviye gusa Dovine yarahemutse niwe wateye ibi byose gusa kd Jojo arahumutse avuye ibuzimu agarutse ibuntu kd akwiye kubabarirwa naho cya Gasongo cyo ntakindi asigaje atari ugutoragura amashashi nyabugogo ese ubundi ntacyari cyagera i kigali ngo aze yibonere aho ibintu bigeze yewe isi yatangiye kumukaranga byenyewe kabsa ok thx Umuseke muri abantu b’abasaza kabsa

  32. Lina

    May 3, 2017 at 7:21 am

    Merci Seigneur!!! Brown agarutse ibuntu amenye ukuri kose. Kd Imana ishimwe ubwo Dovine akize. Ark se ko Gaju numva amahane ayarushije Pascal yatuje ntiyumvise ububwa n’ubugome bya Gasongo koko.

  33. vestine

    May 3, 2017 at 7:40 am

    ahwiiiii Imana Ishimwe pe mbega episode iryoshye butinze gucya NGO tumenye ibyakurikiyeho umuseke murabambere

  34. Cecile

    May 3, 2017 at 7:40 am

    Ndishimye cyane kabisa kuba ukuri kwemewe kdi Brown akaba azanzamutse.

  35. Nadal

    May 3, 2017 at 7:46 am

    Episode iryoshye cyane, gusa nyirangije emotion zanyisheee, Imana ishimwe kubwa Brown uzanzamutse, mawuwa disi aziko se yasize imfura batamemye humura igihe wababariye umunezero uri hafi kuwugeramo wihangane Jojo uzamurerera ndabyizeye. Brown disi yumvise ukuri.

  36. Nadal

    May 3, 2017 at 7:51 am

    Pascal akwiye kurangiza igihano nawe wenda ayamateka azatuma ahinduka. Gasongo ntaragera Kigali? Gaju se ko yariye karunguuu kuvamenye ko yateye inda Jojo namubona azamwihaniraaa. Gusa umwanditsi atubabarire gaju nawe ntasaree kuko MA. Brown agahinda yahuye nako byibura kuzuka kw ‘imfuraye gutangirane numunezero.

  37. Audrey

    May 3, 2017 at 8:34 am

    ndaryohew brown nabeho

  38. Lydi

    May 3, 2017 at 8:42 am

    ahwiii Imana ishimwe pe Gaju cisha macye sha utazagwa mu mazi uyita ikiziba,Gatindi ni rubebe muveho ejo umenya hatazagera!

  39. lathifa

    May 3, 2017 at 8:42 am

    Imana ishimw cyn rwoswe kuba brown akiz nibindi bizikora rwose mama dovine kugenda siwo muti garukira hafi wiheranwa nagahinda kubera umukobwa wibyariy ndakwinginze pe jojo aho ukoze neza biragaragara ko wqhindutse niba ari ishuri warinyuzemo kbs ubu wantujijwe muruganda barakuyungurura neza hhhhg

  40. neza

    May 3, 2017 at 8:52 am

    ahwi!!!!!!!Imana ishimwe pe brown arakize gusa maman dovine niyihangane ababarire umwana we

  41. Gislaine

    May 3, 2017 at 8:56 am

    Ndabona mubitaro indera bitoroshye ? Uyu munsi uri hafi naze tujgane gushungera .twirebere uko gaju agiye gufatana Na JoJo 😂😂😂😂

  42. Salma shaaban

    May 3, 2017 at 9:05 am

    Amahoro amahoro nshuti!mbere na mbere ishimwe nikuzo nibiharirwe Nyagasani wibiremwa we nyirimpuhwe nyirimbazi nkaba nyishimira kuba yagiriye aba babyeyi bombi impuhwe nkuko buri munsi nahoraga mbiyisaba!

    Ubu noneho mbonye uruvugiro nahubundi agahinda kabariya babyeyi ntikanyemereraga kuvuga byinshi ariko ubungubu ngiye kuvuga icyanga kindenge kbs!

    Brown arazazamutse umuryango ugiye kongera gukomera uhita unaguka doreko john na nelson bagiye kwiyongera mumuryango noneho ukaba mugari byisumbuyeho Imana ihabwe icyubahiro!

    Nkaba nsaba brown ko yababarira dovine kuko buriya dovine akuyemo isomo rikomeye ntazongera gutekereza imikino nkiyavuyemo rwose yazamubera mukesha rugo,rwose brown ndakwinginze ha dovine imbabazi bibaho mubuzima nubwo byari bitumye ubura mubuzima ariko nanone ukuri agaragaje Niko kugukijije muhe imbabazi ndakwinginze maze urebe ukuntu murugo rwanyu ruzaba rwiza!muhe imbabazi urengere na mama wiwe Wenda pp dovine yahita agarura na mm dovine murugo urumva ko waba ubaye intwari isumba izindi!

    Gasongo nawe ndabona akwiye guhabwa imbabazi kubera ko atazihawe umwana JoJo azabyara azarerwa bupfubyi bamuhe imbabazi rero akomezanye na JoJo kdi ntibamukure kukazi!

    Gaju we niyihangane azashake undi nawe nubundi yahaye urukundo gasongo kubwineza yuko yamutoraguye kuko bakiri kuntebe yishuri yari yaramuhaye indobo,nashake undi rero!

    Mugire mutwereke john yamenye ko nelson ari imfura ye!dukomeze twibere muburyohe!nyuma munatwwreke john yamenyanye na mawuwa,nshimishijwe nuko mawuwa aziko ise yasize imfura itazwi john bizamworohera in shaa Allah!

    Abanditsi murakoze cyane mutugaruriye ihumure,umuseke namwe mukomere cyane mukomeze kutugezaho inkuru zirimo inyigisho,amahoro nakomeze abane namwe ejo muzagashyireho Kare kdi byibuze kare kare!

  43. Sam

    May 3, 2017 at 9:35 am

    Abana ba Pascal bagira amahane biri mumaraso kbs Gaju uburyo yitondaga mbere kweri…

  44. Alexis K

    May 3, 2017 at 9:39 am

    Shawe jya ugira neza wigendere. Uzi ko namenye John avindimwe na Mama Brown. Kumuha akazi disi byatumye amenya ko bavindimwe. Ineza ye ituma amenya mushikiwe wari warameneshejwe mu byabo. Uzi ko wa mukire John yakoreraga yari papa we. Mbega kwicisha bugufi!!!

    Mama Brown avuze agahinda yatewe n’imfura ya se atigeze amenya mpita menya ko John hari ibanga yamenye kandi azahishura umunsi umwe. John komereza aho ntucike intege zo gukora neza. Imana yatangiye kukwitura kuko amaraso yawe n’aya Nelson yarakururanye bityo nawe Imana igiye kugutungura umenya uwo wibyariye ukamubura kubera amaherere.

    Abanyarwanda baca umugani ngo Uwihanganye akama ishashi.

  45. codo

    May 3, 2017 at 9:49 am

    Yesu we ndumiwe pe ibinibiki koko, gusa Imana ishimweko birikugenda neza

  46. Soso

    May 3, 2017 at 10:33 am

    Umve ndanyuzwe pe gutya ni sawa kabisa umuseke muzamure antene muduhe n’akandi.mpise MBA faux

  47. Anaclet

    May 3, 2017 at 10:52 am

    mbega byiza weeeeee….. Blown arahembutse umuryango ugiye kumenyana .John musaza wa mama brown JoJo ,Gaju,Brown bishywa ba John na Nelson mubyara wabo mbega NGO abashatse gusenya umuryango barakorwa n’isoni barimo Gasongo wi kibwa na Martin bazarira igihe twe tuzaba twibyinira ikinimba.umuseke mukomereze aho

  48. Clementine

    May 3, 2017 at 10:57 am

    Aho ba kiki bava bakagera ni bamwe pe

  49. Mujyanama

    May 3, 2017 at 11:09 am

    Nubwo bwose iyi ari inkuru, iyo bitaba inkuru nari gusaba iyi famille kwubaka museum ifite ibyumba bingana n’aba bakinnyi bayigiye bityo isi yose ikajya iza ikanyura muri buri cyumba hanyuma ukirimo akayisangiza ku mateka ye. Ndababwiza ukuri ko hano havamo archive nziza kandi nzima, uwayigana ashaka kumenya ntiyakwirirwa agana irindi rushuri kuko iri ryaba rimuhagije. Hano niho wakwiga ukagwiza ubwenge butari ubumenyi kuko ubumenyi bwo iteka bigera ahantu bugashaya umuntu akambutswa n’ubwenge yaba atabufite agahera muri iryo sayo kandi akagenda arigita gake gake mu gihe yaba atabonye umunyabwenge wamusayura. Hari uwacu (Umusomyi) wasabye ko iyi nkuru yazakinwamo Film, nanjye ndamushyigikiye rwose 100% kandi rwose umuseke.rw ndetse n’umwanditsi mubitekerezeho kandi iyi film yazagera kure kurusha aho twe dutekereza. Yakundwa kurusha film nabonye ya “Mugisha”. Ibaye Theatre yakundwa kurusha iya “Tuyizere”, iya wa mwana w’umwami “Uwera” bagiye kuroha akarokorwa na mubyara we.

  50. Gaju.

    May 3, 2017 at 12:13 pm

    Umuseke n’umwanditsi ndabashiiiiimye! 👏👏👏👏👐👏👏👏
    Mwakoze pe!
    Brown arazanzamutse, amenye Umuti kose,John nawe ntazapfa ibintu na maman Brown kuko aziko hari imfura ya se, Jojo nawe asabye imbabazi abikuye ku mutima avuga n’ukuri kose,mbega byiza we! Gusa se Gaju yakiriye ate ibya Jojo?!! Brown se we ni iki agiye kubwira Jojo?! Ni ababarire Dovine biyunge! Ese rubebe Gasongo aracyiruka mu makoro no mu ishyamba ngo atanyura kuri kaburimbo agahura na John na Nelson? Namugira inama ko aho kugaruka i Kigali ajye iwabo,ba Nelson,John na madam bazamusanga bakamubabarira akubitanye n’umunezero bazaba bafite bamenye ukuri kwa famille yabo! N’aho ubundi azajya kurara muri ruhurura bamufate nk’inzererezi bamujyane i Wawa!Mana we! Ejo ko ari kera mwatwihereye akandi ka episode koko! Amatsiko.com!!!

  51. Gaju

    May 3, 2017 at 12:40 pm

    Amen Brown arakizie! Imana ishimwe pe! Ukuri guca muziko ntigushye ndabyemeye mbega ishuli Jojo yaca bugufi koko ! mbega

  52. turikume

    May 3, 2017 at 1:07 pm

    ahwiiiiii inkuru ishimishije iyaba byose mubuzima byarangiranga neza Brown arazutse naho gaju nace bugufi doreko wagirang

  53. turikume

    May 3, 2017 at 1:34 pm

    ahwiiiiii inkuru ishimishije iyaba byose mubuzima byarangiranga neza Brown arazutse naho gaju nace bugufi .ubundi Game itangire ya john na karekezi.

  54. pelagie

    May 3, 2017 at 4:03 pm

    amen!Brown arazanzamutse!ukuri gucamuziko ntigushye koko!imana ikomeze imworohereze abashe kumva dovine kdi amubabarire,kuko yemeye kwicuza ibyo yakoze!kdi bawe,asabe John na Nelson imbabazi!cyaneko azamenya isano bafitanye arinayo yatumye bamenyana!gaju nawe acishemake asabe John na Nelson imbabazi namm.we! muzatubwire Brendan uko amerewe!Gasongo nasaba imbabazi nawe bazamubabarire kuko ntiyarazi ibyo akora!yazize inda nini n’ishyari!yishora mubyo atazi.

  55. Giramata

    May 3, 2017 at 4:48 pm

    Kiki uranyishe pe. Umuryango ugiye kongera kwishimana disi. nizere ko episodes z’ibibazo ziri kurangira ahasigaye n’ibirori gusaaa.

  56. jane

    May 3, 2017 at 7:09 pm

    umunsi iyi nkuru yarangiye abafana tuzahurire ahantu naba nyiri kwandika ayinku dushimire uyu mwanditsi pe kuko numuhanga cyane

    • Janvier

      May 4, 2017 at 12:54 am

      umwanditsi w’iyi nkuru afite impano ikomeye yiherewe n’Uwiteka!
      muzatugezaho iyindi episode ikurikira ryari?

  57. Janvier

    May 4, 2017 at 12:32 am

    ahwiii!
    mbega byiza!
    nari nagiye mu yindi si brown amaze gukira!
    mama dovine akwiye kubabarira dovine akamuvumura kuko atumye brown akira kd usabye imbabazi arazihabwa!

  58. bellenez

    May 4, 2017 at 11:34 am

    indi episode irihe

Ibitekerezo

Your email address will not be published. Required fields are marked *

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock