Episode 92: John ahishuye ibanga rizitse Mama Brown amenya ko ari musaza we – UMUSEKE
RALC Ntibavuga bavuga

Episode 92: John ahishuye ibanga rizitse Mama Brown amenya ko ari musaza we

Mama Brown-“Ko numva se kandi ngize igishyika? John urabe utagiye kwisasira abatumye uta byose ukizirika kuri twe!”

John-“Ahubwo se utatuma nta byose ngo nizirike kuri mwe yaba ateye aturutse he? Muranyemerera se tujyane?”

Njyewe-“John! Urabizi neza umunsi duhura ndetse nkakwemerera ko tujyana nkakwereka umuryango byari muri njye! Ibuye rimwe nateye rikica inyoni ibihumbagiza nti byari ku bwanjye ahubwo byari kubw’Imana yo yari izi ko uyu munsi uzagera, tukishimira kujyana nawe kuko aho umwanzi atifuzaga ko tugera tuhageze uyu munsi dushinjagira gitore”

Brown-“Nelson! Umvugiye ibintu! Ntabwo nari nzi ko uyu munsi ntashyeho ariwo wo kumenya ibanga rizitse! Njye kubwanjye sinasigara”

Jojo-“Nanjye sinasigara mba ndoga Mawuwa wa Nganji!”

Njyewe-“Ngo nde wande?”

Gaju-“Uuuuuh! Usigaye uzi kwirahira muko? Nanjye se nsigare banseke? Reka reka data!”

Kenny-“Yooooh! Mama! Nizere ko tugiye ku myicundo kuko niyo nzi abandi bana bambwira ko bagiyeho, uzi ko njye iyo mbambwiye ko naraye mu iteme banseka bakambwira ngo ndi mayibobo ra?”

Mama Kenny-“Humura ni njye wabyiteye, ntabwo nari nzi ko igihe nk’iki kizagera aho natinyaga nkahagaba amashami, Mana wee! Tuza mwana wanjye dore ugaragiwe n’ababyeyi uzakura kandi ukurane imbuto”

Mama Brown-“Mama Kenny! Erega umugabo ni umwana wundi! Twasangira ibiryo tugasangira amazi n’imitobe ariko umugabo kumusangira aba ari igihango, ari nayo mpamvu nagufashe uko abandi batagufashe nkakuhirira ngo ejo n’ejo bundi uganze wo gaheka we!”

Mama Kenny-“Urakoze shenge mugabirwa w’izo nahatse! Nanjye nabonye igitangaza gitangaza ihumure none dore uraganje!”

Brown-“Woooow! Mbega ababyeyi buje ubwuzu!”

John-“Urabivuga urabizi? Njye numiwe pe!”

Gaju-“Yooooh! Disi bishobora bacye!”

Njyewe-“Gira uti ukubyara yaribyaye! Bimvuye ku mutima nanjye nishimiye ko watuje ukakirana ingoga  impano y’amateka Jojo abikiye umuryango wawe, ibyo byose ntabwo ari uko utakunze, nta nubwo ari uko utababaye, ahubwo nuko ibihe bisimburana bisanga ubutwari bubera urugero abandi, nkubwije ukuri ibi byashobora bacye muri ibi bihe!”

Gaju-“Humura Nelson! Namaze kumenya neza icyo iminsi ihatse, kandi nakibikije umutima kuko nzi ko ugira ibanga rizanyemeza ko urukundo rwigarika umwanzi rutigarika umuvandimwe”

John-“Ooooh! Urakoze cyane Gaju! Umvugiye ibyo nari ngiye kuvuga ngaho mufatane ibiganza tujyane aho ibanga ry’amateka rizitse!”

Brown-“Twagiye rwose!”

Ako kanya twahise duhaguruka dufata ibyo twari dufite tugana ku modoka ya John twerekera aho twagombaga gusanga Karekezi wari untegereje maze tukirenga Kilometero nke,

Mama Brown-“Ayiwe! Aha na hehe se kandi?”

John-“Uri kubona uhazi se Mama Gaju?”

Mama Gaju-“Kuhamenya gusa se? Ahubwo se tugiye hehe?”

Njyewe-“Tugiye mu rugo Mama! Murisanga ahubwo, ni umugisha kuri mwebwe ndetse kuri njye ni ishema!”

Mama Brown-“Ngo murugo? Ubu se nako aha hantu nyine njye mwaretse ngasigara mukaza kunsanga hano?”

John-“Uuuuuuh? Oya! Reka tujyane n’ubundi turahita tugaruka ndabizi ntabwo dutindayo”

Njyewe-“Reka n’iyo twatindayo gusa dupfa kuvayo ukajya kuduhishurira ibanga rizitse!”

John-“Ahubwo se ko nari mparenze? Inka yanjye!”

Mama Brown-“Uuuuuh! Nonese ko ukase aho ngaho bite?”

John-“Yego rwose aha niho Nelson ataha!”

Kenny-“Niho hari imyicundo se?”

Jojo-“Uuuuuh! Mbega niho babanaga na Gasongo?”

Mama Brown-“John! Reka nsigare hari ikibazo nshaka kubanza gukemura!”

Brown-“Mama! Ikibazo ushaka gukemura ni ikihe ngo ngufashe?”

Mama Brown-“Oya wowe ntabwo wapfa kukimenya mwana wanjye! Ahubwo mbwirira John ahagarare mvemo!”

John-“Erega wikwigora njye ndahageze!”

Mama Brown-“Oya se kandi! Aha tugiye se ni hehe?”

Brown-“Mama! None se wanze gusura Nelson umuhungu wawe wikuriye ahantu? Njye ndamusura da!”

Gaju-“Nanjye ndagukurikira!”

Jojo-“Ubwo se ntasuye Nelson nasura nde koko?”

Njyewe-“Murisanga ni ukuri! Nanjye ndi ishema ryanyu ngo mbinjize aho maze igihe naragize icumbi!”

Mama Brown-“Oya se kandi! Nelson, hano niho uba?”

Njyewe-“Cyane rwose ni naho nabanaga na Gasongo ataranta ngo agende!”

Mama Brown-“Yooooh! Ubu se koko ahubwo se…?

Mama Brown yavugaga ibyo turi kwinjira mu gipangu niba ari inde wafuguye sinzi gusa tukimara kwinjira twakinguye imiryango mvamo mbere abandi basigara mu modoka bakibaza byose, ngeze hanze mbona Karekezi ahagaze hirya yanjye ngenda musanga nkimugeraho,

Njyewe-“Boss! Mumbabarire ubanza natinze cyane!”

Karekezi-“Oya ntabwo watinze ikizima n’uko unzaniye umukiliya nifuzaga! Ahubwo se arampa angahe mbere y’uko tuvugana ubu wowe ntuzi uko bimeze?”

Njyewe-“Hhhhh! Buriya amafaranga ni amafaranga icyo nzi cyo n’uko ari buguhe agatubutse!”

Karekezi-“Eeeeh! Nka miliyoni mirongo itanu se sha? Erega nawe uba wahabonye kandi urahazi warahabaye! Si heza se?”

Njyewe-“Heza gusa se ko ari ibwami! Nanjye niyo mpamvu nkuzaniye abahakwiye, nanjye rega ndakuze wo guca ubwenge!”

Karekezi-“Uuuuuuh! Ngo uzanye abahakwiye? Njyewe se ntabwo mpakwiye?”

Njyewe-“Hhhhhh! Nivugiraga rata! Ubwo se urumva waba utahakwiye gute? Ahubwo se nanjye mbwira, ubwo se urumva baguha angahe ra?”

Karekezi-“Ndumva bamba nka miliyoni mirongo itandatu!”

Njyewe-“Hhhhhh!”

Karekezi-“Ko useka se?”

Njyewe-“Eeeh! Sorry! Nari nishimiye ukuntu ari menshi!”

Karekezi-“Yego sha! Wibuke ko kandi harimo icumi ku ijana ryawe nk’umuntu unzaniye umukiliya!”

Njyewe-“Nta kibazo rwose reka nze ahubwo nze mubwire ave mu modoka dutangire Dilo!”

Karekezi-“Sawa sha!”

Ako kanya nahise nsubira inyuma ngana ku modoka aho John na ba Mama Brown bari bari ngifungura urugi nsanga Mama Brown ari kurira biranshanga mpita mvuga vuba,

Njyewe-“ooooh! My God! Bigenze gute se kandi ko Mama Brown ari kurira?”

Brown-“Ahubwo si ukurira gusa ari no kuvugishwa!”

John-“Nelson! Aka niko kanya!”

Jojo-“Akahe kanya se kandi? Ibi ni ibiki ra?”

Gaju-“Ariko nanjye byanyobeye? Ko bisa n’ibanga wa mugani wa John se?”

Mama Kenny-“Nanjye rwose ntabwo ndi kubona neza ibiri kubera aha, ubu se kandi ibi ni ibiki? Nako reka tubitege amaso!”

Ako kanya John yahise ava mu modoka akubitaho umuryango, Brown nawe ahita amukurikira n’abandi bose basohoka ntawe ubwiye undi mbajya imbere tugeze imbere ya Karekezi,

Karekezi-“Uuuuuh! Ninde tugiye kugura se sha Nelson?”

Njyewe-“Kubera ko tuje turi benshi se?”

Karekezi-“Uuuuuuh! Nonese nako urabona nyine iyo abantu baje ari benshi biba bisaba intebe, hano nta ntebe dufite, nako nta n’abashyitsi dushaka!”

Njyewe-“Nonese twakubwiye ko dushaka intebe Boss! Ahubwo se abantu benshi sibyo byiza kugira ngo tubone abagabo n’abatwandikira”

Karekezi-“Nyine nawe urabyumva abagabo, inzoga, gusinya byose birabara erega!”

Njyewe-“Ntacyo uze kubikura muri yayandi wari kumpa! So, uyu yitwa John niwe mukiliya nari nkuzaniye! Ni nawe wa wundi washakaga amakuru ye bidasanzwe, ndumva uyu mwanya byemewe ko wayamwibariza kuko ari imbere yawe nonaha”

Karekezi-“Ngo John nonese nyine burya! Hhhhh! John uraho neza? Ese ni wowe?”

John-“Kareke! Ni njyewe rwose! Ntumbona se?”

Karekezi-“Hhhhhh! Karibu rwose! Reka nze njye kureba niba hariya ku muryango hakize ngaruke mbakire! Ariko nanajya no kukugurira agacupa ku muhanda da!”

John-“Ariko ye! Ubwo se urangurira njyenyine? Reka wikigora njye n’abo turi kumwe rwose aho tuvuye twihaye!”

Karekezi-“Ndabibona rwose! Naho ubundi nyine imyaka yari ibaye myinshi!”

John-“Ariko se ko uvuga ureba hakurya nibwo bwa mbere ubonye ukwezi guhinguka?”

Karekezi-“Eeeh! Hhh! Buriya ngo iyo umuntu abonye ukwezi  guhinguka ajya koga akaba mushya, ubu nanjye ndagiye rwose!”

Njyewe-“Inka yanjye! Ye? Nzane abakiliya nawe ngo uragiye? Ibi byabaye hehe ra?”

Mama Brown-“Kareke! Ese ko unyirengagiza ntaho unzi ra?”

Karekezi-“Ese ni mwebwe! Muraho?”

John-“Ese ko umukora imbagara ra? Uri kubona ntaho umuzi?”

Karekezi-“Kubeshya ni kubi, njye sinavaho ngo nirarire ndagatwara imbeba mu menyo ntawe nzi!”

Brown-“Hhhhhhh! Uyu musaza ko afite Stories nk’izo muri gereza ra? Aberewe no gufungwa!”

Gaju-“Hhhhhh! Cyakora aha hantu hakwiye gusohokerwa pe! Ubanza ari comedy night John na Nelson batuzanyemo!”

Karekezi-“Iyo rwose niyo mwari mujemo nuko mbona ababa hano badahari! Reka nze ndebe ko bagiye hano ku muhanda!”

Njyewe-“Niba wari ugiye kureba Mireille na ba Betty baba hano dore twese turahari”

Mireille-“Yuwiiii! Dore Nelson na Aliane ni ukuri!”

Mireille na Aliane ndetse n’Isaro baje biruka batwirundiraho baduhobera muri uko kuduhobera,

Karekezi-“Yego rwose musigare muhoberana ndaje!”

Njyewe-“Ariko Kareke! Ko mbona usa n’udashaka kugurisha zino nzu ntabwo uzi ko tuje kuzigura? Ng’uyu umukiliya John rwose afite gahunda!”

Mama Brown-“Ngo? Ibyo numva ni ibiki?”

Brown-“Eeeeh! Tonton John agiye kugura zino nzu se? Yebaba weee! Amabati ku isakaro, isakaro ku bikuta, ibikuta mu kibanza, ikibanza kiza pe!”

Twese-“Hhhhhhh!”

Brown-“Rwose ino nzu irakubereye ndagatora!”

John-“Urakoze sha Brown! Karekezi se yayimpaye?”

Gaju-“Tonton! Ntaguhende ni ukuri! Uzi ukuntu ari heza! Mbega!”

Mama Kenny-“Uuuuuh! Ariko se ko Mama Gaju akomeza kurira bite?”

Karekezi-“Njyewe rwose ntabwo mbirimo! Ntabwo ari njye utumye arira! Ahubwo ubwo aba bakobwa baje rwose njye na Nelson twiherere twumvikane!”

Mama Brown-“Umva mbese! Ndacyariho di! Kareke! Wantinya wakwiruka wagira ndahari! Ndi Mawuwa wangaje, ndi wawundi wavuye mu menyo y’urupfu! Njye ndi ka gati kasigaye gahagaze mu ishyamba ryakongotse!

Ndeba! Ndeba ndagaragiwe, naribarutse sinazimye, iyi ni imfura yanjye, ubu ni ubuheta ndetse n’ubuheture, ndacyariho ndetse n’abanjye bariho kuko ndiho”

Njyewe-“Ngo Mawuwa?”

Aliane-“Yesu wee!”

Brown-“Eeeeh! Nelson! Ntabwo wari uzi akazina ka Mawuwa se?”

Gaju-“Disi ntabwo Nelson yari akazi! Niko Sogokuru ngo yajyaga yitaga Mama sha, uzi ukuntu tugakunda!”

Mama Brown-“Kareke! Nta na kimwe nigeze nibagirwa muri byose wankoreye, yaba amagambo wambwiye, yaba inkonji wanteye, yaba amajoro wandaje mu nzu ihene zararagamo, ari nabyo bitumye ndi uwo ndiwe ubu”

Aliane-“Yuwiiii! Mana wee! Uzi ko ari Mawuwa Gigi yatubwiye!”

Mireille-“Ihangane Alia! Komera sha wirira twumve!”

Mama Brown-“Narihanganye ndakomera ndakureka urarya uramira urahaga ndetse urenza guhaga urijuta, nari nzi ko ntazagaruka aha n’umunsi n’umwe ariko kuva nje kugenda ubyibagirwe!”

Brown-“Mama! Aha ni hehe utarava?”

Brown amaze kubaza Mama we gutyo Gaju na Jojo ndetse na Mama Kenny baramwegereye maze mu ijwi rya kibyeyi rituje ahita avuga,

Mama Brown-“Hano ni iwacu mwana wanjye, aha niho navukiye ngakurira, aha ni kwa Nganji Sogokuru wa Nelson yakoze imyaka myinshi”

Brown-“What?”

Aliane-“Ntabwo mbyumva! Ibi ni ibiki Mana wee!”

Mama Brown-“Aha niho nahugujwe n’abakabaye bambuguriza, niho navuye nangazwa ku gasi, gusa burya nusubiza umuntu inyuma uzabe uzi ko igihe azazira azagusimbuka, uyu munsi nje nje nushaka umvire mu nzira”

Karekezi-“Mawuwa! Mawuwa, Mawuwa…”

Isaro-“Yiiiiii! Umva ukuntu Karekezi ari kudagadwa! Hhhhhhh!”

Betty-“Ahubwo se ko ari gutitira? Yeeee? Uzi ko yinyariye?”

Kenny-“Hhhhhhh! Mama! Uzi ko abaye nka wa mwana twaririmbiraga ejo bundi ngo “Iyo yiyo… Kinyariye? Ehee!”

Karekezi-“Oya! Oya rwose…nako nyine ntabwo ninyariye ahubwo mukanya imvura yanyagiye mbura aho nyara nako nugama, naho rwose Mawuwa ni umwana wanjye nkunda rwose, tugende ahubwo tujye mu rugo nkwereke Madame agusuhuze mushirane ibimwaro by’urukumbuzi”

Twese-“Hhhhhhhh!”

Brown-“Mama! Ngo hano ni kwa Sogokuru? Ntabwo mbyumva! Mama, koko ibyo uvuga nibyo?”

Karekezi-“Mfura yanjye dore n’aha navutse nganje, uyu Karekezi nako… reka nere kuzuura akaboze ariko kandi sinzahingira ku rwiri!”

Karekezi-“Eeeh! Mumbabarire nitabe Imana irampamagaye nako ni Gitifu umpamagaye rwose mwihanangane…”

Twese-“Hhhhhhh!”

Njyewe-“Ariko noneho ndumiwe! Ngo ugiye kwitaba Imana?”

Mama Brown-“Imana se yahamaga umuntu nkawe nahamagaye aho kunyitaba karame akanyitaba ambwira ngo: Ndakararame?”

John-“Yooooh! Ihangane Mwana wa Data!”

Mama Brown-“Ngo? John!”

John-“Mawuwa nyumva neza! Ni njye John! Ninjye wawundi wasanze musangiye ibyishimo byashibutse kuri Nganji ntashidikanya ko aganje mu ijuru, ni nye wakuranye imico ye ndetse ngakura nkurikira ingendo ye!”

Mama Brown-“Ayiwe! Ibi ni ibiki Mana yo mu ijuru?”

John-“Ni njyewe mfura ya So! Ni njyewe yahoraga yirahira, ni njye nabaye ibanga rizitse mu muryango wanyu maze disi agatabaruka ntatabaye!”

Mama Brown-“Yebaba wee! Ni John weee! Ahwiiiii! …………………………………………….

 

 

Ntuzacikwe na Episode ya 93 ejo mugitondo

82 Comments

  1. Clementine

    May 5, 2017 at 3:07 am

    Ahoooo!! Umuryango uramenyanye da.

  2. Gift

    May 5, 2017 at 3:26 am

    Hahahaha, mbega ikirori? Ngoreka nitabye Imana nako gitifu……!Imana nigitangaza.

  3. Dude

    May 5, 2017 at 3:27 am

    Ahwiiiii mbega byiza nari ntegereje! Karekezi arinyariye ejo azaba uaninereye Hhhhh mbega icyaha we!!! Thx Umuseke.

  4. Prince

    May 5, 2017 at 3:35 am

    wauuu byiza pe

  5. Clementine

    May 5, 2017 at 3:40 am

    Ibintu biraha ni danger,ngo nanyagiwe mbura aho kunyara ndi nyarira,reka njye kwitaba Imana akaga karagwira urakwirwahe ko amagambo ashize ivuga,kuki ibi bibaye madame john adahari kweri ngo yongere aramukanye na bellesoeur we kweri,brown ngo aha hari story zirenze izo muri gereza .karekezi aryozwe ibyo yigaruriye byose kdi afatanye nabo basangiye. Kuraza umwana wanyu mu nzu y’ihene ur’umugome kareke! Hanyuma rero mfite amatsiko ya gasongo ndetse ni uko pascal azakira iyo nkuru yuzuye ibyishimo ntabwo azapfa kubyemera da nawe yaranshanze. Ese martin ntamenyereye da

  6. Uwicyeza charitine

    May 5, 2017 at 3:47 am

    Mana weeee!!! Ni mubyuke ibanga rizitse riragaragaye!!! Karekezi atinyariye😁😁😁😁 ngo nibamureke yitabe Imana ngo nako Gitifu😁😁😁😁. Ahwiiii imbavu zirandiye😀😀😀😀

  7. Grace

    May 5, 2017 at 4:17 am

    Abarya ibya abandi iminsi iba ibaze.

  8. loulou

    May 5, 2017 at 4:33 am

    uhhhh Mbega inkuru iteye ubwuzu.!!! murakoze banditsi beza!

  9. Dudu

    May 5, 2017 at 5:05 am

    Ibaze kweri mwduhaye utundi koko wamugani wa karekezi ati 60M natwe muduhe nk 3 none kuko ndbona igenda isozera nelson natekereza neza umuhungu wa sobuja sokuru yamubwiye ni John rero ndibaza ibintu ari uburyohe ku muryango 😍😘💋

  10. Christine

    May 5, 2017 at 5:17 am

    WOUOOOOOOOOW!!!!! pas de commentaires ibintu ni uburyohe!!!!!Karekezi ngo agiye kwitaba Imana????!!!!!hhhhhh nayo ntiribumwumve ndakanyagwa!!!Mbega intwari Nelson!!!!!mbega John!!!!!mbega umuseke mbega umwanditsi w’umuhanga!!!!!!!!!!Bravo pe nizere ko nyuma y’iyi nkuru mutazatinda kuduha indi!!!!!!Ubu sasa Bariya basore barahita barongora Brown ari bukure umukunzi muri bariya bakobwa bakorana na John Brown arahita asimbura Gasongo mu kazi,AliANE ARAHITA AKORA UBUKWE MU KANYA GATO NELSON ARAHITA ABONA ABABYEYI MBEGA BYIZA!!!!!!!!!Turishimye peeee Umuseke muri aba mbere mu ba mbere mukikurikira turabakunda!!!!!!

  11. Nick

    May 5, 2017 at 5:19 am

    Wooow biraryoshye

  12. Dude

    May 5, 2017 at 5:36 am

    Ibanga rizitse uyu munsi rije igice pe ejo na John nizere ko azatungurwa nkuko atunguye bose bari hano Ubwo azaba nawe amenye imfura ye Kereka niba Cici yaramubwiye ko iwabo bavuze ko Nelson we yajyanye na mwene Nganji bajya gukora mu cyayi agahita amwibwira naho ubundi nubwo amaraso yakururanye ntaramumenya. Umwanditsi Wacu ukwanga ntakabeho pe, kuko uri umwarimu mwiza. Thank uuuuu

  13. Dude

    May 5, 2017 at 5:37 am

    Ariane mwali mwiza hamagara Gigi ibi byiza ntabihombe

  14. sasa

    May 5, 2017 at 5:58 am

    Byaryoshye weee,ariko noneho agatima gasigaye karara ku museke?!urabona ukuntu mwazindutse ra?
    Ariko sinabarenganya iyi story iraryoshye,ubwo umuryango umaze kumenyana ubu igiye kurangira,kuko John namara kuvuga ko Nelson ari umuhungu we,ntakiza kuba gisigaye njye niko mbibona.

  15. Mahoro

    May 5, 2017 at 6:12 am

    Bigeze aharyoshye noneho ariko ni kagufi.Ejo bizaba ari akarusho mba mbaroga!!Maman Brown yatinyutse aravuga pe!!kugaragirwa ni byiza kuko kera akiri mu gahinda ka Pascal ntabwo yatekerezaga ko hari ahigeze kuba iwabo none dore atinyutse kubwira karekezi akari imurori!!Ariko se Nelson ko ariwe uzi gutoragura ibyatakaye,ntiyambwira aho Dovine ari?mwamusize Kwa muganga kweli mwurira imodoka muragenda?ahubwo niho yongera agasara noneho zikamugonga!!ko na mama we yamutaye se birarangira gute?Reka ahubwo ejo Dovine azahurire na Gasongo kuri nyirangarama barwanire mu muhanda cg bahakundanire dore ko bazaba bagenda n’amaguru Bose!!Thx umuseke.Umwanditsi reka mwisabire:izi nkuru 2 umaze kutugezaho wadufasha ukareba abahanzi mugahuza inganzo mukadukoreramo film nyarwanda ko yaba nziza??abahanzi ndetse n’abakinnyi ba film barahari rwose bikozwe twakwishima kurushaho.Murakoze

  16. dufatanye bonaventure

    May 5, 2017 at 6:23 am

    Yewe agatinda kazaza nibanga rizitse mama brauni ntabwo wazimye ufite musaza wawe wintwari kdi waribarutse kdi menyako akateretswe n’Imana ntigahungabanwa numuyaga burya nta nari mwe ikibi kizaganza icyiza ndabona inkuru iri mumarembera ariko ntimuzayisoze gasongo ata menye amakuru yumuryango mwiza wuje ubumwe nurukundo rutajegajega pascal se naza azaza agifite amatiku ayo matsiko nayo muzayatumare

  17. Magnifique

    May 5, 2017 at 6:24 am

    Wow, ibintu in uburyohe rwose. Igisambo kirafashwe,abavandimwe baramenyanye. Cong’s Ku umuseke.com

  18. adu

    May 5, 2017 at 6:32 am

    Yewe mbega ibizongamubiri ngo biranyuzura! nyirangije wagirango neza nanjye nari ndi kumwe nabo. Uyu munsi ntusanzwe kuri Mama brown pe, mbega John we! amaraso arakururana koko, naho Karekezi ushaka kwitaba Imana we ntabwo yakwirirwa imuhamagara rwose, ndashaka kubona uko Brown, Gaju na Jojo bazabyakira ejo. Bizagenda gute se nibamenya ko Nelson ari Cousin wabo? Turacyaryoherwa pe

  19. Dada

    May 5, 2017 at 6:37 am

    Kumva natangira gusoma aka karanyemeje pe

  20. Mushi

    May 5, 2017 at 6:41 am

    Ndabona kwa PASCAL bagiye kuva Gisenyi bakaza kuba Kgl. Nelson ari kwa sekuru ntazongera gukodesha kdi ikiruta ibindi nuko agiye kumenya se na nyirasenge! Ariko ko mperuka imodoka ya John ari double cabin yaje kuba coaster ryari? Gasongo we namenya iyi nkuru azahita ahunga igihugu kuko kwiyahura byo ntiyabikora! Pascal we kubera ubukene n’uburoko azaza acishe make abane neza na Mawuwa ndetse asabe imbabazi muramu we John! Umugore wa John we ndabona azabanza kujya muri coma namenya ko Nelson ari umuhungu we!

    • phrister

      May 5, 2017 at 9:22 am

      ariko imodoka barabisobanuye bava kwamuganga ati barireze yarabivuze rwose

      • phrister

        May 5, 2017 at 9:29 am

        barareranye buri muntu akikira undi.

  21. Cecile

    May 5, 2017 at 6:54 am

    Mana weeeeee!!!! Ibi bintu nibyiza!!!

    • cadette

      May 5, 2017 at 8:30 am

      Bieashimishije pe ubwo imiryango imenyanye na Nelson namenyane na se noneho ibyishimo bibe byose Dovine c mana yanjye none arihe cya karekezi bagifunge rwose umuseke tx kbs noneho iyuyumunsi yo irarenze

  22. Tamara

    May 5, 2017 at 6:55 am

    Sha noba aruko karyoshye ndabona kabaye agakuri.biriko biraza

  23. Oreste Zebby

    May 5, 2017 at 6:56 am

    Karekezi ati” nimureke manze nitabe Imana” hhhh nakumiro kweli gs umuryango ugiye kubamo nkumudugudu wibyishimo… Imana igiye kubahuza yewe na karekezi ndabiziko bari bumubabarire ark amahoro arambe

  24. patrick

    May 5, 2017 at 7:20 am

    burya ngo abadapfuye barongesa bakabonana koko mama brown ahuye numuvamwe birashimishije cyane!!

  25. Lil

    May 5, 2017 at 7:23 am

    Muyirangize mukuye sogokuru na nyogokuru mucyaro

  26. B.JEAN BAPTISTE

    May 5, 2017 at 7:25 am

    NGAHO KAREKEZI NTIYINYARIYE KUBERA ICYAHA ! AVE AHO ASINYIYE MAWUWA KO AMUHAYE IBYE KANDI AGARAGAZE NA BANDI BAFITE IBINDI KUKO NGANJI YARI UMUKIRE RWOSE UMUSEKE MWATURYOHEREJE MURAKOZE

  27. Nepo

    May 5, 2017 at 7:31 am

    Vyiza cane kweli!mbega inkuru iryoshe!

  28. assumpta

    May 5, 2017 at 7:36 am

    woww!!!!!!!! mbega byiza twari dushonje duhishiwe kbsa karekezi ake karashobotse ,e rega iminsi yigisambo iba ibaze hhhhhhhhhhhhh!!!! buriya 40 yuzuye kbsa nahagarare yumve di.

  29. channy Mugabo

    May 5, 2017 at 7:41 am

    mwaramutse,hano karekezi anyibukije umwe twavuze ngo mumfunga kandi ntwite?…haaaaaaa

  30. Chelsea i Rubengera

    May 5, 2017 at 7:54 am

    konumva amatsiko ashize!!

  31. Alexis K

    May 5, 2017 at 7:58 am

    Nari mbyiteze. Imana ishimwe. Umwanditsi wacu akwiriye igikombe.

    Iri ni isomo dukwiriye kugenderaho ibihe byose. Ukandagira agahungu ntahonyora. Karekezi yashatse kwirenza John na Mawuwa ariko John amukoreye comeback y’igitangaza.

    Nimuduhe nakandi bigishyushye.!!!!!!!!!!!!!!!!!

  32. rose

    May 5, 2017 at 8:17 am

    Hari ahantu mwanditse Karekezi kabiri hakurikirana ariko ndatekereza ko mwibeshye ahabanza hagombaga kuba Mama Broum

  33. Umusomyi

    May 5, 2017 at 8:23 am

    Hahahaaaha haahaahaha mbega Karekezi ngo bamubabarire yitabe Imana😅 hahahhahha ngo imvura yaguye abura aho anyara ahuuuuui nubwo nicaranye n’abantu benshi nasetsee aka karandangije! Mbega ikimwaro cy’ubuhemu!!

  34. Lydi

    May 5, 2017 at 8:58 am

    mbuze icyo mvuze ndasetse abantu bagira ngo ndasaze ejp se hazagera Mana

  35. Vava

    May 5, 2017 at 9:03 am

    Mbega story iryoshye !

  36. ineza fifi

    May 5, 2017 at 9:04 am

    Hhhhhhh.umva Karekezi we urajyahekoko? Gusa ahubigeze urashimishije.ngo witab Imana cg Gitif?hhhhhhhhh.ahwiiiii.kereka niwitsindagira mwi cupa naryo mam Gaju ararimenatu.inama nakugira nukowakwemera icyaha hakiri kare ugasaba imbabazi.bakubabarira kukombona imbabazi bazihorana.cg se uhitemo kwisangira Dovine mubitaro by Abasazi

  37. asimwe.innocent

    May 5, 2017 at 9:15 am

    Mubuzima nishimiye ibibaye muruyu muryango kuko ikigaragara ababose numuryango wa Nganji naho Karekezi naryozwe ibyoyakoze ataritaba Imana wamuganiwe abanditsi b ‘Umusekeke ndabashimiye

  38. phrister

    May 5, 2017 at 9:27 am

    haahhhahaaaaaaahhahhhhahhahah ibintu nuburyohe karekezi uri umuti wamenye ikimbabaje nuko uri uwa pirate hahhah nakubwiye ejo uyu munsi uratwita nka martin ikyambwira gasongo aho ari alia komera chr,brown na mirrile ubona urabona bitavamo c ukibagirwa dovin,hahhahh sha john waribbwaye kweri big up kumwanditsi niwowe kipe mfana abasoma iyi nkuri ndabakunda sana murashimisha nukuri salute.

  39. drocelle

    May 5, 2017 at 9:38 am

    Hahhhhhumuntu wumugabo se nawe arinyarira da ,ukwiye igihano kirenze ibindi karekezi we

  40. yaya

    May 5, 2017 at 9:41 am

    Wao! So amazing. Iyi film yaba ari nziza
    Ejo muzatugaragarize Nelson yahuye n’ababyeyi be

  41. cyuzuzo nana naomi

    May 5, 2017 at 9:49 am

    WAOOOOOOOO RYARIBANGA RIZITSE PEEE KAREKEZI IGISEBO ARACYAMBAYE, GASONGO ABAYUWANDE??????

  42. Salma shaaban

    May 5, 2017 at 10:08 am

    YaaAllah habwa icyubahiro ibanga rizitse rikoze akantu gashimishije,mbega ubushagarira ngo burankwirakwira mumubiri?mbega abanditsi babahanga?mbakuriye ingofero kbs!

    Mbega ngo mawuwa Abe mushya!kugaragirwa ntako bisape!mbega ngo nganji yibyare?none na john yaribyaye pe!mbega ibyishimo mumuryango?byiza cyane.

    Mana we ntamakuru ya dovine na gasongo koko?YaaAllah umubyeyi mama dovine arihehe koko?njye ndabinginze nimunyibwirire amakuru yumubyeyi mama dovine?ubu c noneho agahinda kagiye kumutura he he?babyeyi MWe Imana ige ibampera umugisha pe!kuko umubyeyi ahava akagera akenshi ahorana agahinda kurubyaro iyo rutamwumviye!

    Babyeyi babyaye tuge duhora dusabirana imigisha Ku Mana kuko tuba dufite urugamba rukomeye cyane kurubyaro rwacu!
    Mawuwa arongeye agira ibyishimo disi nuko cya papa brown kizaza ki kongera kikabisubiza irudubi,wamugani c papa brown ko agira ikiburi azemera ko john ari musaza wa mawuwa?papa brown utarimo gufatira isomo muri gereza koko?ahaaa Naha Rurema pe,icyo mwisabira nukuzatanga ituze muri uyumuryango nelson ahuje!bitabayibyo mawuwa yiboneye amazu yiwabo azamuta afate abana be bigire kubiyo asigare amangamanga we nyine asyigali we!

    Hasigaye irindi banga rizitse john kumenya ko nelson ari imfura ye!icyonzicyo john azahita amukubita kumugongo tu ntakabuza,ubundi nelson yisange ari mubyara wa ba brown maze bikomeze bibe uburyohe kbs!

    Nyamuneka ko batahamagaye Gigi ngaze yiyumvire uburyohe buraha koko?

    Mbese gasongo aracyomongana mumuhanda?burya Imana iyishatse ihaniraho pe!

    Mbese ntamakuru yikirura papa dovine?ariko iyi episode irimo ibirura kweli bya nyamuryabana kweli kweli,ngaho papa brown ngaho papa dovine ngaho karekezi ngaho martin ahaaa ni hatali!

  43. mahoro

    May 5, 2017 at 10:28 am

    yebaba weee mbega ubuhemu ngo burakoza isoni karekezi imbere y’abana akinyarira hhhhhhhhhhhh!!! brown uzaze nkwikundire bitari uburyarya pe!!!!!

  44. cyusa

    May 5, 2017 at 10:40 am

    Mbeg byiza iyi nkuru ndabona igikomeza.Dovine azamugara ryari ngo agere aho agenda mukagare,azashinga akabari,hari abandi tutarumva muriyi nkuru kandi nabonye amazina yabo mu musogongero,nka DANNY,BOB,SACHA sinzi nabandi.amatsiko.com

  45. MUHOZA Claudine

    May 5, 2017 at 10:54 am

    Mbega bwiza umuryango uramenyanye

  46. Noella

    May 5, 2017 at 11:31 am

    Mana We urumeza ruranyishe ndapfuye Mbega episode inejeje We mpise ngira UMURIRO umubiri wose Umva wowe wanditse iyinkuru nguhaye 100% Kabisa ubu se koko buracya ! ngo ndebe John namenya KO Nelson ari umuhungu we Mbega fête au Village !!!!

  47. turikume

    May 5, 2017 at 12:54 pm

    Thank s Umwanditsi ni sawa kabisa ndizera ko John yahise yumvako nelson ari umuhungu we.

  48. Gasongo

    May 5, 2017 at 2:42 pm

    Mbega byiza we ahahahah Karekezi ati reka njye kukwereka Madam mushirane ibimwaro, Ati reka nitabe Imana noneho agiye kubihuhura ati imvura yaguye mbura aho nyara ndinyarira. Nicyo cyahima abahemu nkamwe. Ariko rwose bahamagare Gigi nawe aze yishimane n’abandi. Maman Brown ndamwemeye burya yari yaramenye ko Sekuru wa Nelson yakorag iwabo abigira ibanga? ahubwo kuba abivuze bigiye gutuma John nawe amenya ko uwo babyaranye ari Maman wa Nelson. butinze gucya pe gusa mfite amatsiko ya Gasongo, Martin, Dovine na Ganza

    • Gaju.

      May 5, 2017 at 7:02 pm

      Niba wibuka neza mu ma épisodes yahise, maman Brown yamenyeye mu cyaro kwa sogokuru wa Nelson ko uwo musaza yakoreye Nganji. Byabaye ku mugaragaro rero ba Nelson na Gaju bose barabizi.

  49. Jean de Dieu Habimana

    May 5, 2017 at 2:46 pm

    Mbega Karekezi!Ngo yitabe Imana,no kwitaba Mawuwa byamunaniye, ngo aritaba Imana ! Icyakora mbona Martin, Gasongo, Divine na Karekezi uwabashyira mu nzu imwe, bakora umushinga icuruzwa ry’abantu.

  50. Jo

    May 5, 2017 at 3:30 pm

    Amateshwa yagiye avugwa muri iyi nkuru
    -Muramfunga kandi ntwite?( Martin)
    -Mureke mbanze nitabe Imana!(Karekezi)
    -Reka njye kukwereka Madam mushirane ibimwaro
    -….. Nimunyibutse weeeee!

    Mana uri Imana kandi uzahora uri Yo uko wahoze kera niko uri ntawakwiringiye wakozwe n’isoni!ntawe ugukorera ngo yikorere amaboko!ndagushimye kubwa famille uhuje!

  51. KEZA KEILLA

    May 5, 2017 at 4:14 pm

    mana we mbega karenzi ngo nitabye IMANA gusa imana ishimwe ko umuryango ugiye kumenyana byanyabyo.
    gusa amatsiko ngo mutahe

  52. Gaju.

    May 5, 2017 at 7:16 pm

    Mana we! Mbega inkuru inejeje! Mega umuryango umenyanye bikaryoha, ndetse na John ntibimusaba kujya kwa sogokuru kugirango amenye ko Nelson ari uwe! Kuva Mawuwa avuze ko sekuru wa Nelson yakoreye Nganji aho niho bizahera! Karekezi aravugishijwe kubera ubuhemu! Ariko ntibiherere ago, n’umuyobozi w’umudugudu abimenye!
    Umuseke mwakoze cyane, umwanditsi rwose coup
    de chapeau pe! Butinze gucya weeee! Amatsiko.com.

  53. gatokeza

    May 5, 2017 at 7:33 pm

    Waoooo.Imana ishimwe mama gaju abonye umunezero. amarira amaze iminsi arira arayahoze. abonye musaza we john disi. Ese Nelson nyabu, ko utasubiye gusura sogokuru na nyogokuru? Mwese uko muri aho muhite mujya kwa sogokuru niho john azamenya ko Nelson ari Umuhungu we. Kandi na Christine ntimuzamusige kuko nibwo muzamenya byose.

    • Vava

      May 6, 2017 at 10:24 am

      Umuseke ko mwatinze kutugezaho indi episode ?

  54. Mtg

    May 5, 2017 at 8:21 pm

    Mumfashe duhumurize gasongo kuko duhuriye kugiti cyinyoni akiruka

  55. Nadal

    May 6, 2017 at 6:55 am

    Mwaramutse episode ikurikira byagenze gute? Umwanditsi tumare amatsiko

  56. Dada

    May 6, 2017 at 6:56 am

    Mana we nanga ukuntu muri weekend gatinda kutugeraho

  57. MUGABIRE

    May 6, 2017 at 7:26 am

    Mwaramutse, mwiriwe kdi muraho?!
    Congz Up Rwandan Stories Filmz…
    => Ntimumbwireko imvura ariyo itumye mutatugezaho ep.93 …?!

  58. @Gilbert

    May 6, 2017 at 8:05 am

    Ayii ga Mana we none se ko amatsiko atwishe kweri

  59. Donlys

    May 6, 2017 at 8:41 am

    ko mwadutindiye unomunsi

  60. Mugeni

    May 6, 2017 at 9:06 am

    Épisode 93 twayibuze nizere ko imvura yataye igwa itayitembanye

  61. Mugeni

    May 6, 2017 at 9:09 am

    Épisode 93 twayibuze nizere ko imvura yaraye igwa itayitembanye

  62. Peace

    May 6, 2017 at 9:46 am

    Bjr! Episode ya 93 ko mutayiduhaye?Hope mwabaye amahoro

  63. Ange

    May 6, 2017 at 9:51 am

    Mana weeee. Muzane akandi dore mwatinze. Ariko jye ndibaza ukuntu Dovine azagendera mu kagare ari umwana mwiza useka neza agurira abantu akantu.

  64. mimi

    May 6, 2017 at 9:55 am

    Ese uyu munsi byagenze gute ko ntacyo mudutangariza??twazindutse nkibisanzwe twategere episode nshya twahebye

  65. shema steve G

    May 6, 2017 at 10:00 am

    Arko ko nta 93 mbona????

  66. Mahoro

    May 6, 2017 at 10:02 am

    Ariko umwanditsi iyo atubwira ko weekend atwiriza nabi ntitwari kuba twabyakiriye koko ubu tukaba tuniryamiye tudashikagurika!!!!?Twahebye rwose mwanditsi turwaneho!!imvura imeze nabi,turi gufungura ku museke buri minota 2!!cyakora mwaradushoboye pe!!

  67. herve

    May 6, 2017 at 10:11 am

    Twaranbiwe rwose muduhe indi episode

  68. cyusa

    May 6, 2017 at 10:16 am

    Mwaramutse,Episode 93 ko twahebye?amatsiko yatwishe.

  69. kalisa

    May 6, 2017 at 10:50 am

    Mwaramutse neza dushimye aho mugeze arko mwatinze kuyiduha kdi niho tuba dufite umwanya muzikosore

  70. vicky

    May 6, 2017 at 11:02 am

    mbega Gasongo ngo arahomba umuryango uryoshye! maman Broun uri urugero rw’ ababyeyi bazi kwihangana. nakwigiyeho byibshi.

  71. JADO

    May 6, 2017 at 11:25 am

    TURABASHIMIYE BUT MUDUHE INDI EPISODE

  72. Umusomyi

    May 6, 2017 at 11:38 am

    Ese byabagendekeye gute

  73. Sam

    May 6, 2017 at 11:40 am

    Episode yuyumunsi😨😨😨

  74. kalimu

    May 6, 2017 at 11:42 am

    Ibintu biri aha ni danger,ngo nanyagiwe mbura aho kunyara ndi nyarira,reka njye kwitaba Imana,Reka njye kukwereka Madam mushirane ibimwaro!!!! amazing!!!! akaga karagwira urakwirwahe ko amagambo ashize ivuga.Mana we ikibi ntikizigera gitsinda icyiza,kandi ugira neza ukayisanga imbere,wagira nabi ukazabyicuza.Gira neza wigendere. umuseke turabakunda cyane!!! iyi nkuru yavamo ibintu byinshi kandi byafasha societe: havamo igitabo cyuzuye ubwenge, film,comedy ,mesium…

  75. nana

    May 6, 2017 at 11:45 am

    Episode yindi nibanguke rwose, amatsiko aratwishe

  76. loulou

    May 6, 2017 at 12:02 pm

    nabuze iyindi:'(:'(:'(

  77. Rwagiseta

    May 6, 2017 at 12:13 pm

    ariko muzatubwire ko muri weekend mudakora tubimenye

Ibitekerezo

Your email address will not be published. Required fields are marked *

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock