Gicumbi: Abakoze umuhanda Kageyo-Rukomo barishyuza agera muri miliyoni 70 – UMUSEKE

Gicumbi: Abakoze umuhanda Kageyo-Rukomo barishyuza agera muri miliyoni 70

Abaturage bakoze umuhanda w’amabuye uhuza umurenge wa Kageyo na Rukomo mu karere ka Gicumbi bamaze iminsi bishyuza rwiyemezamirimo amafaranga bakoreye.

Bamwe mu baturage bamaze iminsi basiragira ku karere basaba kwishyurizwa

Bamwe mu baturage bamaze iminsi basiragira ku karere basaba kwishyurizwa

Aba bakozi bavuga ko bagera kuri 300, bamaze igihe basiragira mu buyobozi ngo bubishyurize uyu rwiyemezamirimo wabambuye imishahara y’amezi atandatu iri hagati ya miliyoni 65 na 70.

Kamari Gerard uvuga ko bamufitiye umweenda w’ibihumbi 197 Frw, avuga ko uyu rwiyemezamirimo yajyaga ahemba bamwe, abandi akabareka.

Uyu mugabo uvuga ko barembejwe n’ubukene kubera igihe bamaze bakora ntibishyurwe, agira ati “Nkeneye kwikenuura.”

Bizumutima Ismael  wakoraga akazi ko guhereza (bakunze kubita abayede/Aide) avuga ko kimwe na bagenzi be bakomeje kugerwaho n’ingaruka zo kwamburwa kuko bari bagerageje guhinga muri iki gihembwe k’ihinga ariko bakabura amafaranga yo kugura imbuto.

Umuyobozi w’akarere wungirije ushinzwe ubukungu n’iterambere, Muhizi Jules Aimable avuga ko baganirije rwiyemezamirimo akababwira ko nta mafaranga afite kuko na we hari umwenda akarere kanze kumwishyura kubera ibibazo akurikiranyweho n’inzego za Leta.

Avuga ko ubuyobozi bw’akarere bwategereje ko iperereza ribanza rigakorwa kugira ngo ibibazo byose bive mu nzira bityo yishyurwe amafaranga bumugomba.

Gusa avuga ko ibi bitari bikwiye kugira ingaruka ku bakozi yakoresheje.

Ati “Kuko iyo atwishyuje , mbere yo kumwishyura aba agomba kutugaragariza ko abakozi bose bishyuwe, ntabwo yakabaye avuga ko azabishyura ku mafaranga twamuhaye kuko we agomba kubanza akishyura abantu noneho tukabona kumwishyura.”

Uyu muyobozi avuga ko bakomeje kwihutisha ibiganiro mu nzego kugira ibimukurikiranywe kuri rwiyemezamirimo bisobanuke  kugira ngo abaturage badakomeza kubirenganiramo.

Benshi mu baturage Umunyamakuru w’Umuseke yasanze ku biro by’akarere, hari abavuga ko baberewemo umweenda w’ibihumbi 75, abandi akaba ari ibihumbi 100.

Evence NGIRABATWARE
UMUSEKE.RW/GICUMBI

4 Comments

  1. Nizere

    17/11/2017 at 8:35 pm

    Ibibazo biba mu turere birababaje. None se uwo rwiyemezamirimo niba yararangije imirimo bamwishyuye akishyura abaturage Leta ikabona kumukurikirana. Ubwo umuturagw wamaze nk’amezi atatu atikore ubwo abayeho ate?

  2. Ngofero

    17/11/2017 at 9:22 pm

    Ibyinshi muri ibi bibazo byo kutishyura abaturage, bifite umuzi mu buryo inzego za Leta zose zushyurirwa na MINECOFIN. hakaba ba Rwiyemezamirimo bamara n’umwaka cyangwa ukarenga bararangije imirimo, barasinyiwe ko barangije, ariko amafranga yo kubishyura ntasohoke. Cyangwa agakatwamo ku ngufu imisanzu itari iteganyijwe. Cyangwa bakaba baratswe ruswa ‘umurengera mbere yo gutangira akazi, bagasanga bagwamo. Leta ibikora yo irivugira. Ijye ireka aba ba Rwiyemezamirimo nabo berure bavuge agahinda kabo. Ariko hari benshi usigaye ubwira gupiganirwa isoko mu Karere bagahahamuka.

  3. Munyarwanda

    18/11/2017 at 3:57 am

    Ibi byose imizi yi kibazo iri mu buryo ba rwiyemeza mirimo bishyurwa mo bufufitse.

    Dukome urusyo dukome n’ ingasire.

    Naba rwiyemezamirimo harimo nabarusahurira mu nduru

    Ariko bibaye ngobwa navuaga amazi ya bakora neza batishyurwa bikabavira mo ibihombo bokaze nzi ndetse nababitaye batakibikora bimukiye za Uganda Kenya TZD bakajya gukora indi mirimo

    Leta nkuko ifunga abayibye nayo nikosore uburyo yishyuramo abayikoreye imilimo byihute

    Bimaze iki guhwitura Resto Hotel ni bindi uburyo bwo gutanga service nziza nyamara mu mbere mwabo bayobozi batanga service mbi aho umuntu arenza 3 mois ndetse kugeza no ku myaka yishyuza utwe yakoreye

    Nkuko umusaza wacu ajya asubiza ibibazo bya baturage bibaye ibikunda agatumiza inama yaba rwiyemezamilimo akabaganiriza akabaha icyizere ko nta nkurikizi mbi ziza kuvuka nyuma yuko buri wese avuga agahinda ke mwangaya abayobozi bashinzwe amasoko atabamariye MAGERAGERE

    Byinshi jye nkeka yuko byicwa nuko HE KAGAME atabizi.

  4. Joyeux

    22/11/2017 at 6:57 am

    abantu bavuga uko ibintu birir ngo nibafungwe aho kwikosora. how can one learn new things if she/he doesnt want to be criticised? Abidishyi!

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock