Hagaragaye abantu 5 bandujwe coronavirus n’abo bahuye bayirwaye | UMUSEKE

Hagaragaye abantu 5 bandujwe coronavirus n’abo bahuye bayirwaye

Ni ku nshuro ya mbere mu Rwanda hagaragaye abantu batanu bandujwe coronavirus n’abo bahuye bayirwaye, imibare yatangajwe na Minisiteri y’Ubuzima igaragaza ko abantu batanu bapimwemo coronavirus bayandujwe n’abo bahuye na bo bayirwaye.

Ni inkuru itandukanye n’uko byari bisanzwe mu yandi matangazo yabanje, aho abarwaye coronavirus babaga barayikuye hanze, cyane Dubai.

Kuri uyu wa gatanu Minisiteri y’Ubuzima yatangaje ko abantu batanu bagaragayeho coronavirus bayandujwe n’abo bahuye na bo imbere imbere mu gihugu bituma imibare y’abarwaye Covid-19 igera ku bantu 89.

Minisiteri y’Ubuzima ivuga ko hashakishwa abantu bose bahuye na bariya batanu ngo bashyirwe mu kato, ndetse igatangaza ko abamaze igihe mu kato n’abanduye bitabwaho nta n’umwe urembye.

Mu Karere u Rwanda rurimo ruri ku mwanya wa gatatu mu kugira abarwayi benshi, DR.Congo ifite abagera ku 134 banduye Covid-19, Kenya ifite 122, Uganda bagera kuri 45, Tanzania ni 20 n’u Burundi bufite batatu.

Ku Isi, abanduye Covid-19 baragera kuri 1,081,143 nk’uko bitangazwa n’urubuda Worldometer.info, abasaga 58,127 barapfuye, abakize bageze ku 227,716.

 

UMUSEKE.RW

1 Rikumbi nicyo gitekerezo kimaze gutangwa

  • Dukomeze kwirinda coronavirus tuguma murugo kandi dukurikiza amabwiriza y’ababishinzwe. Gusa Minisante yadufasha bakongeraho no kutumenyesha amazina yabo bantu abari aho bari batuye (umudugudu,akagali,umurenge,akarere) cg amazina yabo kugira turusheho kwirinda nyabyo no kwigaragaza kubahuye nabo bose vuba na bwangu kuko ubu nta muntu ushobora kumenya uburyo umuntu ya kwishyira mu kato cg uwandujwe uwari we usibye kumva imibare gusa tutazi aho uwanduye cg uwahuye nawe babonaniye cg address yuzuye yaho baje baturutse niba bamaze iminsi mu gihugu bahura n’abantu cg aho bakoraga (umudugudu,akagali naho bakoraga cg niba baraje bava hanze y’igihugu bajyanwa directly kwa muganga). Pleased Stay@home. Murakoze cyari icyifuzo gusa

Subiza

Your email address will not be published. Required fields are marked *