Hejuru ya 70% by’Abagize Inteko ya Zimbabwe ‘banduye SIDA’ – UMUSEKE

Hejuru ya 70% by’Abagize Inteko ya Zimbabwe ‘banduye SIDA’

Byatangajwe na mugenzi wabo Hon Mrs Priscilla Misihairabwi-Mushonga w’ishyaka MDC mu cyumweru gishize ubwo yanengaga ko abagize Inteko ya Zimbabwe bikunda cyane bagahabwa imiti igabanya ubukana ku buntu ariko ntibashyire imbaraga mu kibazo cy’abana basambanywa ari bato cyane bakanduzwa SIDA.

Hon Priscilla Misihairabwi-Mushonga yavuze ko bagenzi be barenga 70% mu Nteko ya Zimbabwe banduye

Hon Priscilla Misihairabwi-Mushonga yavuze ko bagenzi be barenga 70% mu Nteko ya Zimbabwe banduye

Hari mu cyumweru gishize mu Nteko ya Zimbabwe ubwo bariho banzura ku Itegeko rihana abakoresha abana imibonano mpuzabitsina igamije amafranga, iri tegeko ntiryahise ritorwa nk’uko bivugwa n’ikinyamakuru The Herard.

Muri Zimbabwe havugwa ikibazo cy’uburaya bukoreshwa n’abana bato bataragira imyaka 10 y’amavuko mu duce tumwe na tumwe mu gihugu. Aba bane benshi ngo banduzwa na SIDA.

Byababaje cyane uyu mugore w’umudepite maze ahita aterura ati “Murabona uburyo abantu twikunda! Ubwo SIDA yatangiraga kudukubita, itangiye kwica abantu, twahise dushyiraho ikigega cya SIDA ngo abantu babone uko bagura imiti igabanya ubukana babashe kubaho ikindi gihe.

77% by’abantu bicaye hano mu Nteko babana na SIDA kandi bafata imiti igabanya ubukana.”

Bagenzi be mu Nteko ngo bahise bajujura ari benshi basa n’abamuhakanya. Maze yungamo ati:

Ni byo, uko ni ukuri. Ntitubasha gufata amafranga macye ngo dushyire ku ruhande afashe bariya bana, kuko ntibikwiye ko twicara hano hariya hari abana b’imyaka umunani icyenda bakoreshwa uburaya buri munsi bafatwa ku ngufu.

Abadepite mu bihe bishize baripimishije ku bushake ngo babe intangarugero ariko nta n’umwe wavuze ibisubizo bye.”

Uyu mudepite avuga ko abenshi cyane mu Nteko ya Zimbabwe babana na SIDA ariko ngo ntibashaka gushyira imbaraga mu guca uburaya bukoreshwa abana b’imyaka umunani cyangwa icyenda.

Avuga ko we na bagenzi be bamwe bagiye hamwe mu hakorerwa ubu buraya bukoreshwa abana bangana kuriya, ibyo babonye ngo ni agahomamunwa, akavuga ko ashobora kumva abatarabibonye ariko ngo abo bari kumwe bo ntiyabababarira mu gihe badashyigikira imyanzuro ikomeye yo kurwanya ubwo buraya.

Bamwe mu badepite bavuze ko niba hari umwe muri bo uhamwe n’icyaha cyo gufata ku ngufu yajya yicwa cyangwa se agakonwa.

Depite  Priscilla we yarongeye ati “Namenye ko abarenga 70% muri iyi Nteko banduye, reka mbabwire ko niba abenshi muri twe baranduye bakaba babona imiti ku buntu, bakwiye no kwirinda gukwirakwiza SIDA. Nk’abagize Inteko dukwiye kuba urugero.”

Byarangiye Inteko imushyigikiye mu byo avuga umushinga w’itegeko urashyigikirwa.

UMUSEKE.RW

4 Comments

  1. kay

    05/10/2017 at 2:45 pm

    Zimbabwe yaravumwe

  2. GATABAZI BERNARD

    06/10/2017 at 1:17 pm

    Ni ukuri gusambanya umwana ni ubugome bukabije, ni ubwicanyi mu bundi. Umwana nabwo aba azi ibyo ari byo. Umwana ni Marayika. Ibaze ariko umwana wawe kumva cya kigabo na we uzi cyamwangije. Ibibi utifuza ko bagukorera nawe ntukabikorere abandi.

  3. Tate

    09/10/2017 at 12:46 pm

    Nyagasani Mana weeeeee !!!! Mbega inkuru iteyubwobaweeee. Burya niko byifashe kwa Mugabe ??? Ngatangara ariko. Eh.

  4. mukunipo

    21/10/2017 at 9:05 pm

    70% c’est grave

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017