I Rukumberi bibye 'Bandelore' yo kwibuka n’ibendera ry’u Rwanda | UMUSEKE
RALC Ntibavuga bavuga

I Rukumberi bibye ‘Bandelore’ yo kwibuka n’ibendera ry’u Rwanda

Ngoma – Mu ijoro ryakeye abantu bataramenyekana bateye ku kagari ka Rubona mu murenge wa Rukumberi bavanaho igitambaro(banderole) cyanditseho insanganyamatsiko yo kwibuka ndetse aha ku biro by’Akagari bahatwara ibendera ry’igihugu.

Ku rwibutso rwa Jenoside i Rukumberi

Ku rwibutso rwa Jenoside i Rukumberi

Aha i Rukumberi mu kagari ka Rubona umudugudu wa Maswa II niho hari urwibutso rwa Jenoside yakorewe Abatutsi muri aka gace, bakaba bitegura kwibuka ubwicanyi bwahakorewe, igikorwa bazakora ku cyumweru tariki 23 Mata.

Umwe mu baturiye aka kagari utifuje gutangazwa umwirondo, yabwiye Umuseke ko babyutse bakabura ibendera ryo ku kagari na ‘banderole’ yari ihamanitse.

Ngo bahise bahuruza abashinzwe umutekano iperereza mu gushaka abakoze ibi bikorwa ruhita ritangira.

Kugeza ubu nta muntu urafatwa ashinjwa ibi bikorwa. Gusa abaraye irondo ku kagari bahise batabwa muri yombi mu iperereza.

Umwaka ushize muri aka kagali  nabwo bibye ‘bandelore’ yo kurwibutso mu gihe nk’iki cyo kwibuka. Nyuma bayisanga mu rugo rw’uwari umuyobozi w’Akagari.

Ibiro by’Akagari ka Rubona bisanzwe byegeranye n’ibiro by’Umurenge wa Rukumberi. Abibye ibi bitambaro bakaba ngo bitwikiriye umwijima ntibabonwe n’abashinzwe umutekano ku biro by’Umurenge.

Iki gikorwa kimwe n’ibindi bisa nacyo byavuzwe muri iki gihe cyo kwibuka, bifatwa na benshi nk’ikigaragaza ko hari abakifitemo ingengabitekerezo ya Jenoside.

Ku biro by'Akagari bibyeho ibendera ry'igihugu

Ku biro by’Akagari bibyeho ibendera ry’igihugu

Abatuye uyu mudugudu bahise bakoreshwa inama y'umutekano muri iki gitondo

Abatuye uyu mudugudu bahise bakoreshwa inama y’umutekano muri iki gitondo

Jean Pierre NIZEYIMANA
UMUSEKE.RW

3 Comments

  1. C

    April 18, 2017 at 12:00 am

    Reka mbarangire umuti w’iki kibazo; ubutaha nibyongera, muzaceceke tubyihorere, inzego zibishinzwe zizaryamire amajanja, ubundi uwo bazumvana ayo makuru bazamubaze aho yayakuye. Ndahamya ko iperereza rizagenda rikagwa ku wabikoze agafatwa. (Erega abo bagizi ba nabi icyo bagamije ni uko bivugwa cyane)

  2. azaza

    April 18, 2017 at 10:47 am

    ariko Mana….iyi sabottage…..???

  3. Binama ngerero saido

    April 19, 2017 at 12:05 pm

    Imana Ishimwe byabonetse pe!!??? babisanze muri WC y’umurenge sacco

Ibitekerezo

Your email address will not be published. Required fields are marked *

Aho dukorera

Kigali - Rwanda
Gasabo - Remera
Sonatube
KG 1 Ave 49

Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Since 2011 - Copyright 2017 UMUSEKE IT Ltd All rights reserved

%d bloggers like this: