Ibibazo by’imvune mu ikipe y’igihugu ya Kenya yitegura Amavubi – UMUSEKE

Ibibazo by’imvune mu ikipe y’igihugu ya Kenya yitegura Amavubi

CECAFA Senior Challenge Cup  2017 irabura iminsi itatu ngo itangire. Umukino ufungura iri rushanwa uzahuza Amavubi y’u Rwanda ikipe y’igihugu ya Kenya yakiriye amarushanwa, ivugwamo ibibazo by’imvune mu bakinnyi igenderaho.

Kenneth Muguna usanzwe ugenderwaho n'ikipe ya Kenya yavunitse

Kenneth Muguna usanzwe ugenderwaho n’ikipe ya Kenya yavunitse

Kuva tariki 3 kugera 17 Ukuboza 2017 hateganyijwe irushanwa rihuza amakipe y’ibihugu by’impuzamashyirahamwe y’umupira w’amaguru mu karere ka Afurika yo hagati n’Uburasirazuba ‘CECAFA’.

Ikipe y’igihugu y’u Rwanda Amavubi uyu munsi irakora imyitozo ya nyuma mu Rwanda kuri stade Amahoro saa 16h mbere yo gufata indege ijya i Nairobi kuri uyu wa gatanu saa 15:15.

Bakomeje umwiherero nta bibazo by’imvune bivugwamo, bitandukanye n’ikipe y’igihugu ya Kenya ‘Harambee stars’ izakina n’Amavubi mu mukino wo gufungura irushanwa ku Cyumweru tariki 3 Ukuboza 2017.

Umwiherero wa Kenya uravugwamo amakuru mabi kuko bamaze gutakaza abakinnyi babiri basanzwe babanza mu kibuga kubera ibibazo by’imvune. Abakinnyi basanzwe bakina muri Gor Mahia; Haron Shakava na Kenneth Mugambi Muguna watowe nk’umukinnyi w’umwaka muri shampiyona ya Kenya bombi baravunitse.

Umutoza mushya wa Kenya, Umubiligi Paul Put yafashe umwanzuro wo kubasimbuza Isaac Kipyegon na Nicholas Kipkirui basanzwe bakina muri Zoo Kericho F.C.

Roben NGABO

UMUSEKE

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017