IPRC-South: Basabye Leta kubahiriza ihame remezo rya 5 ikongera ‘bourse’ – UMUSEKE

RALC Ntibavuga bavuga

IPRC-South: Basabye Leta kubahiriza ihame remezo rya 5 ikongera ‘bourse’

Mu biganiro Abasenateri bakomeje mu mashuri makuru na Kaminuza basobanura amahame remezo atandatu u Rwanda rugenderaho kandi ari mu Itegeko Nshinga, abanyeshuri bo muri IPRC-South bavuze ko bashingiye ku ihame rya gatanu rijyanye no “kubaka Leta igendeye ku mibereho myiza y’abaturage” basaba ko amafaranga ya Bourse bahabwa yakongerwa kuko basanga ari make bakurikije uko ibiciro bihagaze ku isoko.

Senateri Sebuhoro yabwiye abanyeshuri ko bazakomeza kubakorera ubuvugizi mu babishinzwe

Senateri Sebuhoro yabwiye abanyeshuri ko bazakomeza kubakorera ubuvugizi mu babishinzwe

Amahame remezo atandatu u Rwanda rugendera aba basenateri bari kwigisha ni;

Ihame ryo gusaranganya ubutegetsi nta bwikanyize
Ihame rya Leta igendera ku mategeko,
Ihame rya demokarasi ishingiye ku bitekerezo bya Politiki binyuranye,
Ihame ry’uburinganire  bw’Abanyarwanda  bose n’ubw’abagore n’abagabo,
Ihame ryo kubaka Leta iharanira  imibereho myiza y’abaturage,
N’ihame ryo gushaka  umuti w’ibibazo binyuze mu nzira z’ibiganiro.

Abanyeshuri ba IPRC bavuze ko mu rwego rwo kubahiriza ihame rya gatanu basanga bourse bahabwa ikwiye kongerwa kuko itajyanye n’uko ibiciro bimeze ku masoko.

Faustin Nkuranga uhagarariye aba banyeshuri avuga ko iyo barebye uko ibiciro bihagaze ku isoko basanga bourse ya 25 000 Frw atakijyanye n’ubuzima bw’umunyeshuri mu byo akenera by’ibanze.

Nkuranga ati “Aya mafaranga yatangiye gutangwa ibiribwa bigihendutse ariko ubu ubura icyo uyaguramo kuko no gufotoza impapuro z’amasomo twiga ntibikivamo rwose, impapuro zirahenze,mbere twafotozaga ku mafaranga 10 none ni 30, icumbi rya make ni ibihumbi 20 hanze ya kaminuza, resitaurant ya make muri kaminuza ni ibihumbi 19 000, ukibaza ngo nk’abahabwa aya mafaranga ko baba bavuye mu kiciro cya mbere n’icya kabiri cy’ubudehe andi bayakurahe?  bakwiye kugira icyo bakora dore ko ari inguzanyo tuzishyura.”

Honorable Senateri Dr Celestin Sebuhoro avuga ko iki kibazo bakizi kandi bagiye gukomeza kugikorera ubuvugizi mu babishinzwe kugira ngo gikemuke.

Sen Sebuhoro ati “sitwe tubishinzwe ariko turagikorera ubuvugizi mu babishinzwe kuko birumvikana ko bihangayikishije ugereranije nuko ibiciro bihagaze.”

Kwigisha amahame remezo y’igihugu mu mashuri makuru ngo bigamije kurushaho kumvisha u Rwanda rw’ejo icyerekezo cy’igihugu n’intego zacyo.

Nkuranga uhagarariye abanyeshuri avuga ko bigoye cyane umunyeshuri ubona bourse iri hasi cyane y'uko ubuzima buhagaze kandi uwo munyeshuri ari uwo mu kiciro cy'abatishoboye mu Ubudehe

Nkuranga uhagarariye abanyeshuri avuga ko bigoye cyane umunyeshuri ubona bourse iri hasi cyane y’uko ubuzima buhagaze kandi uwo munyeshuri ari uwo mu kiciro cy’abatishoboye mu Ubudehe

Christine NDACYAYISENGA
UMUSEKE.RW/Huye

Ibitekerezo

Your email address will not be published. Required fields are marked *

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock