Itariki y’ubukwe bwa Tom close akomeje kuyigira ibanga – UMUSEKE
RALC Ntibavuga bavuga

Itariki y’ubukwe bwa Tom close akomeje kuyigira ibanga

Mu kwezi kwa karindwi byavuzwe cyane ko umuhanzi Tom Close yaba agiye kurushinga vuba n’umukunzi we Tricia. Nawe ariko akaba yarabwiye abanyamakuru ko uyu mwaka utazarangira butabaye. Itariki iracyari ibanga.

Tom na Tricia muri PGGSS kuri uyu wa gatandatu

Tom na Tricia muri PGGSS kuri uyu wa gatandatu

Tom Close watwaye irushanwa rya PGGSS ya mbere mu 2011, yabwiraga abanyamakuru ko umukunzi we arangiza amashuri uyu mwaka nawe agakiranuka n’ay’ubuganga yigaga muri Kaminuza y’u Rwanda maze bakarushinga.

Mu gihe uyu mwaka wa 2013 usigaje amazi ane ngo urangire Tom Close yabwiye umunyamakuru w’Umuseke ko bari mu myiteguro.

Tom Close ati “ Ubukwe bwacu bushobora kuzaba vuba cyangwa bugatinda. Nubwo njye ndi umu star ariko umukunzi wanjye si umustar (figure publique), bityo ntakunda gutangazwa mu itangazamakuru niyo mpamvu kubitangaza nshobora kubangamira ubushake bw’umukunzi wanjye.”

Tom Close ariko yashimangiye ko bari mu myiteguro y’ubukwe bwabo bushobora ngo kuba vuba cyangwa bitinze.

Ati “Icy’ingenzi ni uko buzaba kandi bukagenda neza kandi umugore nzashyira mu rugo ni Tricia.”

Ngo bari mu myiteguro

Ngo bari mu myiteguro

Nta mpamvu yo gutangaza itariki mu gihe umukunzi we ngo yaba atabishaka

Nta mpamvu yo gutangaza itariki mu gihe umukunzi we ngo yaba atabishaka

Photos/P Muzogeye

Plaisir MUZOGEYE
UMUSEKE.RW

%d bloggers like this: