Kiyovu SC yasinyishije Umurundi Niyonkuru Vladimir nk’umutoza mushya w’abazamu | UMUSEKE

Kiyovu SC yasinyishije Umurundi Niyonkuru Vladimir nk’umutoza mushya w’abazamu

Ukeneye kwamamaza! Gusobanuza! Gutanga amakuru? Hamagara 0788772818

Niyonkuru Vladimir w’imyaka 38 wakiniye amakipe nka Azam na Rayon Sports yasinyiye ikipe y’urucaca (Kiyovu Sports) nk’umutoza mushya wayo w’abazamu.

Kiyovu Sports yasinyishije umutoza w’abazamu Niyonkuru Vladimir ukomoka i Burundi.

Kuri uyu wa mbere, tariki 13 Nzeri 2021, ku biro by’ikipe ya Kiyovu Sports nibwo Umurundi Niyonkuru Vladimir yashyize umukono ku masezerano yo kuyibera umutoza mushya w’abazamu.

Babinyujije kuri Twitter bahaye ikaze uyu mutoza mushya w’abazamu.

Bati “Twishimiye kumenyesha abakunzi bacu ko uyu munsi Kiyovu Sports yasinyishije Niyonkuru Vladimir amasezerano yo kuyibera umutoza w’abazamu. Tumuhaye ikaze mu muryango mugari wa Kiyovu.”

Niyonkuru Vladimir aje gufatanya n’umurundi mwene wabo umutoza mushya w’iyi kipe Haringingo Francis Christian wamaze kuba asinya amasezerano y’umwaka umwe w’imikino 2021-2022 nyuma yo gutandukana na Police FC.

Niyonkuru Vladimir yavukiye Bujumbura, tariki 21 Nyakanga 1983. Mu 2006 yasinyiye ikipe ya Rayon Sport, aho yari avuye mu ikipe y’iwabo ya AS Inter Star, mu 2008 yaje kuyivamo yerekeza mu ikipe ya Azam Fc yo muri Tanzania.

AS Inter Star yayikiniye nk’umuzamu imikino 90, Rayon Sports ayifatira imikino 20 naho Azam   Fcari naho yaherukaga yagaragaye mu mikino 34.

Ku munsi w’ejo kandi iyi kipe yasinyishaga umukinnyi mushya ikuye mu ikipe ya Marine FC, Ndayishimiye Thierry. Akaba yarasinyiye iyi kipe ya Kiyovu Sports amasezerano y’imyaka ibiri.

                                                     Kiyovu Sports yasinyishije umutoza mushya w’abazamu

REBA YouTube Channel UMUSEKE TV video nziza nk’iyi. UKORA LIKE SHARE na COMMENT

NKURUNZIZA Jean Baptiste / UMUSEKE.RW

Subiza

Your email address will not be published. Required fields are marked *