Knowless aritabira igitaramo cyiswe Swagg Party muri Uganda – UMUSEKE
RALC Ntibavuga bavuga

Knowless aritabira igitaramo cyiswe Swagg Party muri Uganda

Butera Jeanne d’Arc uzwi cyane nka Knowless nyuma yo kurangiza irushanwa rya PGGSS III ari ku mwanya wa III, ubu yatumiwe mu gitaramo i Kampala cyiswe Swagg Party.

IMG-20130812-WA0009

Nk’uko yabitangarije Umuseke, Ishimwe Clement umujyanama ‘Manager’ ndetse akaba n’umuyobozi wa studio yitwa ‘Kina Music’ Knowless akoreramo yagize ati “Nyuma y’aho irushanwa yari amazemo iminsi risorejewe ubu twatangiye ibikorwa byacu dusanzwe dukora birimo ibitaramo ndetse n’indi mishinga.

Ariyo mpamvu ubu kuri uyu wa gatandatu azerekeza muri Uganda mu gitaramo twise ‘Swagg Party”.

Clement abajijwe niba uburyo abahanzi akorana nabo muri Kina Music bitwaye mu irushanwa rya PGGSS3 byaramushimishije yagize ati “Yeah ntakuntu bitanshimisha kandi narimfitemo abahanzi bagera kuri batatu mu irushanwa babiri bakaza no kugera mu kiciro cya nyuma.

Byampaye imbaraga ku buryo ubutaha nifuza ko hazajyamo nka 5”.

Kuri uyu wa gatandatu tariki ya 17 Kanama 2013 nibwo Knowless azakorera igitaramo mu gihugu cya Uganda ahitwa ‘Rouge’, gusa mbere y’icyo gitaramo hazabanza gukorwa urugendo ruzakorerwa mu bwato mu kiyaga kitaratangazwa.

Joel Rutaganda
UMUSEKE.RW

%d bloggers like this: