Ku myaka 21 Sibomana Patrick wa APR FC yatangaje itariki y’ubukwe – UMUSEKE
RALC Ntibavuga bavuga

Ku myaka 21 Sibomana Patrick wa APR FC yatangaje itariki y’ubukwe

Rutahizamu wa APR FC Patrick Sibomana bita Pappy yamaze gutangaza itariki yo gushing urugo n’umukunzi we Uwase Housnat Soultan bamaze imyaka itanu bakundana.

Sibomana bita Papy w'imyaka 21 agiye kurushinga

Sibomana bita Papy w’imyaka 21 agiye kurushinga

Kuwa gatandatu tariki 20 Gicurasi 2017 nibwo Sibomana Patrick Papy azashinga urugo mu birori by’ubukwe, nyuma yo kwemererwa n’umukunzi we ko babana muri Mutarama uyu mwaka.

Uyu musore wavutse tariki 15 Ukwakira 1996 yatangaje itariki azakoraho ubukwe na Uwase Housnat Soultan batangiye gukundana bahuriye mu kigo bigagaho (APE Rugunga) muri 2011 ubwo bigaga mu kiciro rusange.

Sibomana yabwiye Umuseke ko yishimira cyane uyu mukunzi we, kandi abona hari hageze ngo bambikane impeta babane akaramata.

Yagize ati: “Imyaka itanu mu rukundo si ubusa. Twanyuze mu bihe bitandukanye kandi bisiga amasomo menshi. Housnat ni umukobwa utandukanye n’abandi. Si umukunzi wanjye gusa yambereye umujyanama mwiza. Ntekereza ko igihe cyari iki ngo dufate icyemezo cyo kubana. Kuko ari umuntu unzi akanamenya akazi kanjye, azanshyigikira muri byose kandi nzakomeza gutera imbere ndi kumwe na we.”

Uyu musore w’imyaka 21 agiye kugera ikirenge mucya bagenzi be bakinana muri APR FC bashinze urugo muri uyu mwaka w’imikino nka; Herve Rugwiro, Innocent Habyarimana na Imran Nshimiyimana.

Ubu bukwe buzaba habura iminsi itatu ngo APR FC ikine na AS Kigali mu mukino w’umunsi wa 27 wa shampiyona y’u Rwanda ‘AZAM Rwanda Premier League’.

Sibomana Patrick yemerewe kubana n'umukunzi we mu ntangiriro z'uyu mwaka

Sibomana Patrick yemerewe kubana n’umukunzi we mu ntangiriro z’uyu mwaka

Kuko bamaze igihe bakundana ngo amuzi neza bizatuma amufasha gukomeza gutera imbere mu mupira w'amaguru

Kuko bamaze igihe bakundana ngo amuzi neza bizatuma amufasha gukomeza gutera imbere mu mupira w’amaguru

Ubukwe buzataha muri Gicurasi

Ubukwe buzataha muri Gicurasi

Roben NGABO

UMUSEKE

6 Comments

  1. Kiki

    April 20, 2017 at 5:26 pm

    Wamutwitse inda abakinnyi ntimuhusha shyirumwana murugo

  2. Mucyo

    April 21, 2017 at 12:50 am

    Ikipe yabaye iyo kurongoreramo gusa ndakeee,,

  3. Bahizi

    April 21, 2017 at 7:20 am

    Ariko muzageza ryari kubeshya imyaka mufite koko? 21!!!!??? Hahaaaaaaa ndumiwe koko

  4. Nice

    April 21, 2017 at 8:51 am

    APR nta musiribateri usigayemo pe

  5. Me

    April 21, 2017 at 12:23 pm

    We are proud of you papy muzagire urugo ruhire imana izabubakire ibahe hungu na kobwa

  6. aimable

    April 23, 2017 at 7:37 am

    courage musore wacu kd muzagire urugo ruhire

Ibitekerezo

Your email address will not be published. Required fields are marked *

Aho dukorera

Kigali - Rwanda
Gasabo - Remera
Sonatube
KG 1 Ave 49

Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Since 2011 - Copyright 2017 UMUSEKE IT Ltd All rights reserved