Kubera urukundo mukunda byatumye nifuza kwibagirwa – UMUSEKE
RALC Ntibavuga bavuga

Kubera urukundo mukunda byatumye nifuza kwibagirwa

Basomyi b’umuseke ndashaka ko mungira inama, mfite ikibazo gikomeye kuburyo nshobora no kubura ubuzima kubera icyo kibazo.

Nakunze umusore tukaryamana biza kugera aho tunabyarana, aho tumariye kubyarana numvise urukundo namukundaga rusa nk’aho rwikubye inshuro najye ubwajye ntabasha kumenya, kugeza na n’ubu aho kugabanuka rurushaho kwiyongera.

Abasore ariko si beza kuko ubu namenye ko afite undi mukobwa akunda birenze, ngira impungenge ko uyu mukobwa yamuroze nkurikije uko yankundaga.

Njye nagerageje kwumwikuramo none byaranze kugeza ubwo ubu niyifuriza ikibi kubera urukundo nakunze uyu muhungu.

Ikintu ubu nsigaye nifuza ni uko ubwonko bwanjye bwagira impanuka nkibagirwa burundu, nkatangira bushya kumenya ibintu byose nkibagirwa burundu uyu musore mu buzima bwajye nzamara kuri iyi si.

Kera ntarakunda najyaga mbwirwa ko imbaraga z’urukundo zibaho, ariko sinabashaga kubyiyumvisha; ubu ziri kunyigaragariza mu buryo budasanzwe.

Mfite agahinda kenshi ntewe n’uyu musore.

 

%d bloggers like this: