Magufuli mu ndamukanyo idasanzwe n'uwo batavuga rumwe birinda COVID-19 - UMUSEKE
  • 05/04/2020 10:19 53

Magufuli mu ndamukanyo idasanzwe n’uwo batavuga rumwe birinda COVID-19

John Pombe Magufuli uyobora Tanzania ubwo yari ahuye n’umunyepolitiki uri mu ishyaka ritavuga rumwe n’iriri ku butegetsi, Maalim Seif Sharif Hamad yamusuhuje mu ndamukanyo yadutse vuba mu Bushinwa akoresheje ikirenge mu rwego rwo kwirinda coronavirus.

Perezida Mafuguli asuhuzanya n’undi munyapolitiki bakoresheje ibirenge

Ifoto yabo basuhuzanya yagaragaye ku mbuga nkoranyambaga kuri uyu wa Kabiri, imaze gukwirakwira hirya no hino kuri Twitter na WhatsApp.

Kugeza ubu Coronavirus imaze guhitana abantu basaga 3000 ku isi, benshi biganjemo abo mu Bushinwa.

Guverinoma hirya no hino ku isi zasabye abaturage bazo kugira isuku y’ibiganza bakirinda gusuhuzanya uko babonye kandi ufite ibimenyetso birimo kugira umuriro mwinshi, guhumeka nabi n’ibindi…akihutira kujya kwa muganga.

Ibihugu bya Misiri, Morocco, Tunisia, Nigeria na Senegal muri Africa byemeje ko iriya ndwara ivugwa mu Bushinwa hari umuntu nibura uyirwaye wabigezemo.

Uretse kuba yiganje cyane mu Bushinwa, imaze guhitana abantu benshi muri Iran, yiganje kandi muri Korea y’Epfo, ndetse yageze n’i Burayi cyane mu Butaliyani, Ubufaransa, Ubudage n’ahandi.

Icyorezo kimaze kwambuka imigabane yose, muri America ya Ruguru n’iy’Epfo ndetse no muri Australia.

BBC

Jean Pierre NIZEYIMANA
UMUSEKE.RW

2 Ni byo bitekerezo bimaze gutangwa

  • Tanzania bateye imbere muri democratie pe. Kuba Perezida atumira uwo batavuga rumwe bakaganira? Mu bindi bihugu by’Afurika abatavuga rumwe na leta barafungwa cyangwa bakicwa.

    • Ubu ntujya ubona PK avugana na Vincent Biruta(PSD) cyangwa Mukabalisa(PL) perezida w’inteko ?

Subiza

Your email address will not be published. Required fields are marked *