Girl in a jacket MINAGRI yasobanuye iby’amafi angana na Toni 100 yapfiriye mu kiyaga cya Muhazi | UMUSEKE

MINAGRI yasobanuye iby’amafi angana na Toni 100 yapfiriye mu kiyaga cya Muhazi

Minisiteri y’Ubuhinzi n’Ubworozi yemeje ko amafi abarirwa muri Toni 100 yororerwaga mu Kiyaga cya Muhazi mu Karere ka Rwamagana yapfuye bitewe n’ukwihinduranya kw’amazi byatumye amafi arwanira umwuka wo guhumeka (Oxygene) n’ibimera byo mu mazi (algue) biwukenera mu gihe cy’ijoro.

Umushoramari nyiri aya mafi avuga ko yahuye n’igihombo gikomeye.

Nyuma y’ubushakashatsi bwakozwe, Minisiteri y’Ubuhinzi n’Ubworozi (MINAGRI) yemeje ko urwo rupfu rwatewe n’ukwihinduranya kw’amazi gutuma amafi arwanira umwuka wo guhumeka (oxygen) n’ibimera byo mu mazi (algue) biwukenera mu gihe cy’ijoro.

MINAGRI ivuga ko ubundi ibyo bimera byo mu mazi  byinjiza umwuka mubi (CO2)  bigasohora umwiza ku manywa, ariko bikinjiza umwiza bisohora umubi mu masaha y’ijoro.

Iyo habayeho kwihinduranya kw’amazi cyane cyane bikunze kubaho mu masaha y’ijoro, bya bimera byivanga n’amazi cyane cyane ayegereye inkengero maze bikaba bishobora guteza ikibazo cyo gukamura umwuka wo guhumeka ku binyabuzima byegereye inkombe bizwi mu cyongereza nka “algal bloom”.

Icyo gihe ifi zikuze zose zegereye ku nkombe z’ikiyaga cyangwa uruzi zirapfa zibuze umwuka wo guhumeka.

Mu kwirinda ibyo bibazo, abakora ubworozi basabwa kumanura za karerembe cyangwa utuzu twororerwamo amafi kugeza nibura kuri metero 8 z’ubujyakuzimu uvuye ku nkombe, bagashyira intera ihagije hagati ya kareremba n’indi ndetse no kuzisukura mu buryo buhoraho kugira ngo byorohere umwuka mwiza kwinjiramo.

MINAGRI yatangaje ko irimo gutegura uburyo bw’ubwishingizi buzwi nka ‘Tekana’ ku bakora ubworozi bw’amafi bukaba ari ubwishingizi bumeze nk’ubutangwa ku nka, ingurube, inkoko n’ibihingwa bimwe na bimwe.

Abaturage baturiye ikiyaga cya Muhazi aho ariya mafi yapfiriye babujijwe kuyarya kuko ashobora kubatera uburwayi butandukanye.

REBA YouTube Channel UMUSEKE TV video nziza nk’iyi. UKORA LIKE SHARE na COMMENT 

NDEKEZI JOHNSON / UMUSEKE.RW

1 Rikumbi nicyo gitekerezo kimaze gutangwa

  • Community managers and association boards can take the following steps to prevent and minimize the risk of a toxic algae bloom:

    1) Introduce pond aeration and water movement through aerators or fountains.

    2) Pick up and dispose of pet waste, a common source of excess nutrients and bacteria.

    3) Install rain barrels throughout the community to reduce polluted runoff.

    4) Implement landscaping strategies, like xeriscaping, that increase groundwater filtration before water enters the pond or lake.

    5) Incorporate native vegetation, rather than cement banking or manicured lawns, around pond and lake banks.

    6) Allow natural vegetation to grow near the water’s edge.

    7) Ask your lawn-care company to remove grass clippings and leaves to prevent decomposition in or around ponds and lakes.

    7) Use phosphorus-free fertilizers and detergents to limit nutrient-rich runoff.

    8) Have a pond management professional apply phosphorous-binding products, which prevent nutrients from stimulating algae growth, in nutrient heavy lakes and ponds.

    9) Practice relative awareness of changing climate and research support.

    10) Consult a qualified water-management professional who can monitor the water quality regularly and advise appropriate treatments.

    (https://www.solitudelakemanagement.com/blog/10-ways-prevent-harmful-algal-blooms-cyanobacteria-toxic-blue-green-algae/)

Subiza

Your email address will not be published. Required fields are marked *