Mme J. Kagame ngo abagore ntibakwiye kujya bagirana ibiganiro bitarimo abagabo – UMUSEKE

Mme J. Kagame ngo abagore ntibakwiye kujya bagirana ibiganiro bitarimo abagabo

*Avuga ko u Rwanda rutatera imbere abagore batabigizemo uruhare kuko ari 52%…

Mu biganiro byahuje abagize urugaga rw’abagore rushamikiye kuri FPR-Inkotany, uyu munsi Madamu Jeannette Kagame yavuze ko ibiganiro nk’ibi bikwiye kujya binitabirwa n’abagabo kuko ntacyagerwaho hatabayeho ubwuzuzanye.

Mme Jeannette Kagame yasabye abari n'abategarugori kugira uruhare rufatika mu iterambere ry'igihugu

Mme Jeannette Kagame yasabye abari n’abategarugori kugira uruhare rufatika mu iterambere ry’igihugu

Muri ibi biganiro byo kwizihiza isabukuru y’imyaka 30 Umuryango wa RPF-Inkotanyi uvutse, Madamu Jeannette Kagame yavuze ko uyu muryango warebye kure ugaha ijambo umugore wari warahejwe kuva kera.

Avuga ko u Rwanda rutatera imbere abagore batabigizemo uruhare rugaragara kuko bagize 52%.

Ngo kugira ngo abari n’abategarugori bakomeze kugira uruhare mu iterambere ry’igihugu cyabo bagomba kujya bahura bakaganira nk’uku ariko ko n’abagabo bakwiye kujya baza kwifatanya na bo.

Ati “Biragorana gukomeza kubiganiraho twenyine nk’abagore, birakwiye ko tubiganira turi kumwe n’abo dushobora kuba tubangamira igihe tutubahireje inshingano.”

Avuga ko nubwo bari bahuye nk’abagore bo muri RPF Inkotanyi ariko ko uyu muryango utajya uheza

Ati “Nta ntore igenda yonyine, turasabwa gufatanya n’abagabo tugashakira hamwe umuti wuzuye wo kubungabunga inshingano zacu eshatu zo kuba umuyobozi, umubyeyi ndetse n’umugore ubana neza kugira ngo twifuza kugera hagomba kujyana n’imbaraga dushyiramo.”

Yasabye abari n’abategarugori bari mu nzego z’ubuyobozi kureba ibidindiza iterambere kugira ngo bivugutirwe umuti urambye.

Ati “Hakwiye kubaho ishusho ngari y’icyo dushaka kugeraho, hakabaho urutonde rw’ibigomba gukorwa  ku buryo yaba uyoborwa n’uyobora bose baba bumva ikigomba gukorwa mu gihe gisobanutse n’umusaruro wifuzwa ibyo bikaba byatuma tubona umwanya wo kwita kuri za nshingano nk’ababyeyi.”

Yibukije abagore inshingano zabo ko bagomba gukosora ibitagenda neza haba mu ngo no mu miryango migari babamo cyangwa bakoramo.

Ati “Muri ba mutima w’umugore uhora ashaka kunoza ibitameze neza, uhora ahangayikishijwe no kubaho k’umuryango we ndetse n’igihugu, tugomba kuzuza ibigicagase kuko tutifuza u Rwanda rucagase.”

Umuvuduko w’iterambere ry’u Rwanda usaba buri wese gukora atikoresheje kuko ntawe ugera ku majyambere atabikoreye.

Ati “Nk’abagore dukwiye kureba ukuntu twakongera ubumenyi bwabagera ku 39% badafite ubumenyi bujyanye n’isoko ry’umurimo mu bijyanye n’ubukungu ugereranyije n’abari mu kazi mu Rwanda ndetse n’ibipimo isi igezeho.”

Yasabye abari n’abategarugori bo mu muryango wa RPF-Inkotanyi gukora cyane kugira ngo bazagire uruhare mu kugera ku ntego z’ikerekezo 2017-2024.

Mme Jeannette Kagame yasabye abagabo kujya bitabira ibiganiro by'abagore

Mme Jeannette Kagame yasabye abagabo kujya bitabira ibiganiro by’abagore

Abagore bari mu nzego z'ubuyobozi bishimira ibyo bamaze kugeraho

Abagore bari mu nzego z’ubuyobozi bishimira ibyo bamaze kugeraho

Ibi biganiro byari byitabiriwe n'abagore bo mu muryango wa RPF-Inkotanyi

Ibi biganiro byari byitabiriwe n’abagore bo mu muryango wa RPF-Inkotanyi

Umunyamabanga mukuru wa RPF Francois Ngarambe

Umunyamabanga mukuru wa RPF Francois Ngarambe

N'abagabo bari mu nzego z'ubuyobozi baje kwifatanya muri ibi biganiro

N’abagabo bari mu nzego z’ubuyobozi baje kwifatanya muri ibi biganiro

Josiane UWANYIRIGIRA
UMUSEKE.RW

8 Comments

  1. Tate

    02/12/2017 at 9:44 pm

    Njye mbona nta bagabomtukigira murwanda!

  2. Tate

    02/12/2017 at 9:45 pm

    Abasinzi bo… Wenda

  3. Akumiro

    03/12/2017 at 11:38 am

    Ubundi se umugabo yajya mu nama nk’iyo atumiwemo n’abagire ngo bihindure iki? Avuze icyo badashaka kikabarya mu bwonko bamutambikana amaguru adakora hasi.

  4. Jeanne d'Arc Nyirarunyonga

    03/12/2017 at 11:41 am

    Bajye baza rwose abagabo mu nama zacu, tubonereho umwanya wo kubereka ku mugaragaro ko twibohoye.

  5. Patrick NISHYIREMBERE

    03/12/2017 at 5:17 pm

    NIBYO RWOSE GUSA ABAGABO BASIGAYE BAHOHOTERWA KURWEGO RWO HEJURU PEEH KUHAGERA YABA ARI UKUBASONGA NIBABIREKE BIGUME UKO

  6. Muhakwa

    04/12/2017 at 6:46 am

    Gucisha bugufi abagabo, jye mbona aho bigeze amazi yararenze inkombe. Kubatumira mu nama buzahindura iki mu gihe nta jambo abenshi bakigira mu ngo zabo, bazamu

  7. Muhakwa

    04/12/2017 at 6:47 am

    Bazamura ijwi polisi cyangwa DASSO ikaba yahashinze ibirindiro.

  8. Mukamugema

    04/12/2017 at 10:52 am

    Umukecuru w’umunyarwandakazi ufite imyaka 85 aherutse kujya mu nama yari iyobowe n’umugore, umugabo w’uriya mugore nawe akaba yari ayirimo yicaye mu baturage akurikira inama uko bisanzwe. Umugore wari uyoboye iyo nama ngo yaravuze biratinda ageza aho ndetse ngo hari aho yikomye abagabo bamwe ngo babuza abagore babo kujya mu nama ngo bagasigara mu rugo batetse. Iyo nama irangiye ngo wa mukecuru yegereye utwana tw’udukobwa harimo n’akuzukuru ke aratubwira ngo: “bana banjye se ko mbona umugore w’iki gihe asigaye avuga kurusha abagabo, harya buriya ngo nibyo byiza, harya ubu ngo umugore asigaye areshya n’umugabo we, ahaaa nzaba ndeba bana banjye, ikibi gusa ni uko ngiye kwigendera”

    Twa twana tw’udukobwa ngo twabwiye wa mukecuru ngo: “none se ubona atari byiza mukecu, rwose biriya nibyo bigezweho”. Umukecuru ngo yarebye twa dukobwa ati: “huuummmm,huuummm”,n’uko araceceka hanyuma ngo areba akazukuru ke mu maso arakabwira ngo “vayo tugende tujye mu rugo, ntiwishinge ab’ubu, dore ntawe twasize mu rugo wo guteka”

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock