Mu nzego z’ibanze uzaheza ufite ubumuga ajye yihanangirizwa nyuma ahagarikwe- Mukabaramba – UMUSEKE

Mu nzego z’ibanze uzaheza ufite ubumuga ajye yihanangirizwa nyuma ahagarikwe- Mukabaramba

Umunyamabanga wa Leta muri Minisiteri y’ubutegetsi bw’igihugu ushinzwe imibereho myiza Dr Alivera Mukabaramba yaburiye abayobozi bo mu nzego z’ibanze baheza abafite abafite ubumuga ko uwo bizagaragaraho azihanizwa, agatanga ibisobanuro mu nyandiko nyuma akazahagarikwa.

Umunsi mpuzamahanga w’abafite ubumuga wabereye mu murenge wa Gahini mu Kerere ka Kayonza

Dr Mukabaramba yabivuze mu ijambo yagejeje ku bitabiriye ibirori byo kwizihiza umuntu mpuzamahaga w’abafite ubumuga wabereye mu murenge wa Gahini mu Karere ka Kayonza.

Abafite ubumuga bakinnye umukino werekana ko hari bamwe mu bayobozi bo mu nzego z’ibanze banga guha abafite ubumuga services bakeneye cyangwa se bakabakerereza kubera ko gusa bafite ubumuga.

Uyu mukino werekenana uko bamwe mu bafite ubumuga bw’ingingo bajya kwaka akazi bakabarerega kuko ngo bafite ubumuga.

Mu ijambo yavuze asoza Dr Mukabaramba yagarutse kuri iki kibazo avuga umuyobozi wo mu nzego z’ibanze uzagaragaraho ibikorwa nka biriya ubuyobozi bumukuriye bwazajya bumusaba ibisobanuro mu nyandiko, akihanangirizwa nyuma byagaragara ko akomeje ibyo akaba yahagarikwa.

Ati: “Ntabwo umuyobozi muri izo nzengo agomba kwihanizwa mu magambo ahubwo agomba no gutanga ibisobanuro mu nyandiko.Yakongera akaba yahagarikwa.”

Romalis Niyomugabo uyobora Inama y’Igihugu y’abafite ubumuga yashimye ko mu myaka 20 u Rwanda rumaze rwifatanya n’amahanga mu kwizihiza umunsi mpuzamahanga w’abafite ubumuga hari ibintu bifatika byagezweho harimo ibitaro bivura abafite ubumuga butandukanye, kuba hariho inzego za Leta n’izigenga zita ku nyungu z’abafite ubumuga n’ibindi.

Nubwo hari ibigenze neza ariko, yavuze ko hari imbogamizi zikigaragara zirimo inyubako zitorohereza abafite ubumuga cyane cyane izubatswe mbere y’uko itegeko ry’imyubakire mishya risohoka.

Yasabye kandi mu rugendo u Rwanda rurimo rwo gushyiraho ingamba z’iterambere rirambye kandi ridaheza abafite ubumuga bakomeza guhabwa umwanya.

Ati:” Turifuza ko mu myaka iri mbere mu cyerekezo k’iterambere ridaheza u Rwanda rufite abafite ubumuga bazakomeza guhabwa umwanya bagakomeza ku byiza bagezeho bafatanyije n’abandi banyarwanda.”

Umuyobozi w’Akarere ka Kayonza Jean Claude Murenzi yavuze ko imibare ihari kugeza ubu yerekana ko bafite abafite ubumuga bagera ku bihumbi bine,

Yashimye kandi abafatanya bikorwa b’Akarere barimo abo mu muryango wa Christian Blind Mission bubwatse i Gahini ikigo kivura abafite ubumuga bw’ingingo bakeneye kubagwa, kugororwa imikaya n’ibindi.

Umunsi mpuzamahanga w’abafite ubumuga wizihijwe uyu munsi wari ufite insanganyamatsiko igira iti: Impunduka ziganisha ku iterambere rirambye kandi ridaheza.”

Umunyamabanga wa Leta muri Minisiteri y’ubutegetsi bw’igihugu ushinzwe imibereho myiza yaburiye abo mu nzego z’ibanze bazagaragarwaho guheza abafite ubumuga ko bazahagarikwa mu kazi

Alex Bahati uhagarariye abafite ubumuga bo mu Rwanda mu Nteko ya EAC yari yaje muri uyu muhango

Abafite ubumuga butandukanye bari baje kumva ingamba zihari ngo bakomeze gutezwa imbere

The Heroes Band icuranga muzika igizwe n’abatabona

William Safari niwe uvuza ingoma muri Heroes Band

Musenyeri Alexis Birindabagabo yahaye igikombe Dr Mukabaramba amushimira uruhare agira mu gukorera abafite ubumuga ubuvugizi

Liza washinze ikigo gifasha abafite ubumuga cya Gahini yashimiwe ubumuntu yagaragaje guhera mu myaka ya 1960

Jean Pierre NIZEYIMANA

UMUSEKE.RW

1 Comment

  1. kamasa

    04/12/2017 at 8:47 am

    Tujye twubaha abantu bafite ubumuga.Kuko ni ibiremwa by’imana bitekereza.Gusa nagirango nibarize abantu bavuga ngo ni abakozi b’imana (pastors).Benshi bavuga ko bakiza abantu bamugaye.Jyewe nsaziye muli Kigali.Kuva kera,uyu mujyi wuzuyemo abantu benshi bamugaye tubona muli za Gare zose,mu mihanda,etc…I Kanombe,hari ibigo byuzuyemo Kajoliti z’abasirikare.Kuki nta numwe twari twabona pastors bakijije?
    Dore impamvu 2 zerekana ko pastors batubeshya:Abigishwa ba Yesu,aho bajya hose bakizaga abantu bamugaye benshi kandi umujyi wose ukabamenya kuko babaga bazwi.Bisome muli Ibyakozwe 8:7,8.Ikindi kandi,abigishwa ba Yesu bakizaga abantu ku buntu,mu gihe ba pastors baba bishakira ifaranga.This is hypocrisy.Tugomba kubirinda.Nkuko dusoma muli Yesaya 35:5,6,abantu bose bamugaye bazakira mu isi nshya dutegereje.

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017

yeezy boost low a detailed look at the adidas yeezy 350 boost pirate black a kardashian unveils a new adidas yeezy boost 350 colorway adidas yeezy 350 boost moonrock did you enter our moonrock yeezy giveaway with stadium goods heres the winner kanye accuses critics of adidas yeezy 350 boost of being racist kanye west adidas yeezy boost 350 season 3 heres how you can buy the black yeezy boost 350 at finish line yeezy 350 boost beluga adidas yeezy 350 boost beluga heres the release date for the next adidas yeezy boost 750 another adidas yeezy boost 350 is releasing on november 14th yeezy boost 350 costume adidas yeezy 350 boost beluga rumored to drop in august adidas yeezy 350 boost white adidas yeezy 350 boost stripe 10 new adidas releases you can buy now instead of the yeezy 350 boost adidas yeezy boost 350 oxford tan official retailers list adidas yeezy boost 350 oxford tan official images adidas yeezy boost 350 moonrock