Muhanga: Umukwe yakubise Sebukwe bimutera ubumuga bwo kuvuga “adidimanga” | UMUSEKE

Muhanga: Umukwe yakubise Sebukwe bimutera ubumuga bwo kuvuga “adidimanga”

Ukeneye kwamamaza! Gusobanuza! Gutanga amakuru? Hamagara 0788772818

Kagaba Celestin wo mu Kagari  ka Muvumba, Umudugudu wa  Nyamugari,  Umurenge wa Nyabinoni  mu Karere ka Muhanga, avuga ko yakubiswe n’umukwe Bitwayiki Emmanuel bimuviramo ubumuga bwo kutavuga neza, asigaye “adidimanga”.

Kagaba Celestin agendera ku kibando

Intandaro y’aya mahano ni ubwumvikane buke bushingiye ku kibanza umugore w’uyu musaza yashakaga guha umwe mu bakobwa be ariko umukwe we na we akifuza ko gihabwa umugore we.

Muri uko kutumvikana nibwo umusaza yagize umujinya amukubita icupa maze, nawe umukwe we na we yikoza hirya agarukana ikaziye (ukurete ijyamo amacupa) amujya hejuru arayimuhondagura.

Uyu mugabo akimara kubona ko yakoze amahano, yahise agurisha imitungo ye maze we n’umugore baburirwa irengero.

Kagabe uri mu kigero cy’imyaka 55, mu ijwi ridasohoka neza avuga ko akeneye ubutabera akarenganurwa.

Yagize ati “Ndifuza ko bamperezeza serivisi nziza kandi bugufi yange nkagira icyo mvuga mu kababaro kange.”

Abaturanyi ba Kagaba bavuga ko ubuyobozi butagize icyo bukora kuko bwatinze gufata Bitwayiki kuko yagurishije imitungo ye agatoroka ubuyobozi burebera.

Umwe ati “Umuntu yarangije gukora ikosa biragaragara, arangije ibintu bye abishyira ku isoko n’ubuyobozi bwose bureba.”

Umunyamabanga Nshingwabikorwa w’Umurenge wa Nyabinoni, Nsanzimana Vedaste yavuze ko iki kibazo hashize umwaka kibaye ariko kuri ubu ku bufatanye n’inzego zitandukanye Bitwayiki Emmanuel ari gushakishwa.

Ati “Kagaba Celestin yagiye mu Bitaro amarayo igihe kirekire. Hashize umwaka bibaye. Ku bufatanye n’inzego zose turacyamushakisha (Bitwayiki).”

Usibye kuba Bitwayiki Emmanuel, umukwe wwa Kagaba yaramukubise akamusigira ubumuga bwo kutavuga neza, Kagaba avuga ko atakibasha kureba neza kubera guhondagurwa n’uwo yafataga nk’umuntu we wa hafi.

Uyu mugabo wakubiswe n’umukwe we avuga ko yakoresheje asaga ibihumbi 980 Frw yivuza

REBA YouTube Channel UMUSEKE TV video nziza nk’iyi. UKORA LIKE SHARE na COMMENT

IVOMO: TV One

TUYISHIMIRE Raymond / UMUSEKE.RW

Subiza

Your email address will not be published. Required fields are marked *