Museveni yunamiye Nkurunziza ati "Nta kindi narenzaho, mwihangane" | | UMUSEKE
  • 11/08/2020 8:41 59

Museveni yunamiye Nkurunziza ati “Nta kindi narenzaho, mwihangane”

Kuri Facebook Perezida Yoweri Museveni yanditse ko yasezeye kuri Nyakwigendera Pierre Nkurunziza uheruka gutabaruka, yavuze ko nta byinshi yavuga uretse kwihanganisha.

Perezida Museveni yunamira Pierre Nkurunziza watabarutse tariki 8 Kamena 2020

Perezida Yoweri Museveni wakunze kugaragara nk’inshuti magara ya Perezida Pierre Nkurunziza, ari kumwe n’Umugore we Janet Museveni, basuye Ambasade y’u Burundi i Kampala bagiye gusezera kuri Nyakwigendera Nkurunziza watabarutse tariki 8, Kamena 2020.

Museveni yavuze ko yakoze ruriya rugendo agamije kwihanganisha Abarundi n’umuryango wa Pierre Nkurunziza.

Ati “Mu bindi, Perezida Nkurunziza yibukirwaho kumva inama yacu akava mu ishyamba, akemera imishyikirano y’i Arusha n’uwari Perezida Pierre Buyoya; ibyo byatumye U Burundi bugira amahoro.

Yakomeje agira ati “Ndashima umusanzu we, kuba yaratabarutse ku myaka ye akiri muto birababaje. Nta magambo menshi, navuga nko mwihangane.”

Mu itangazamakuru urupfu rwa Pierre Nkurunziza ruracyavugwaho byinshi, Leta y’u Burundi yatangaje ko yishwe no guhagarara k’umutima, abandi bavuga ko ashobora kuba yarazize icyorezo cya COVID-19, hari n’abaketse ko yarozwe.

Pierre Nkurunziza azibukirwa ku kuba yararetse kwiyamamariza indi manda mu matora yo muri 2020, agatanga Gen Evariste Ndayishimiye nk’umukandida w’ishyaka CNDD-Fdd waje gutorwa nka Perezida w’igihugu.

Amakuru avuga ko Perezida Pierre Nkurunziza azashyingurwa ku wa gatanu w’iki cyumeru i Gitega.

UMUSEKE.RW

3 Ni byo bitekerezo bimaze gutangwa

  • Igitabo nka kiriya se buriya muri Ambassade y’u Burundi mu Rwanda kirahari? Niba gihari reka tuzarebe uzajya kucyandukamo!! Niba bizabaho.

  • Utazi neza Museveni,yagirango ni umuntu mwiza cyane (Malayika).Ariko ni “Mayeli”.Mwibuke president Museveni asinya amasezerano na General Tito Okello i Nairobi,le 18/12/1985.Yahise amuca inyuma afata Kampala.Niko Politike imera.Habamo amayeli,amacenga,kubeshya,ubugome,ubwicanyi,etc…

  • Nizereko Biruta nawe ejo azajya muri Ambassade gusinya mu gitabo kugirango twerekane ko natwe twateye intambwe yo kugarura ikizere hagati yibihugu byombi.

Subiza

Your email address will not be published. Required fields are marked *