Ngoma: Abageze mu zabukuru barinubira ko inkunga y’ingoboka ibegeraho itinze – UMUSEKE

Ngoma: Abageze mu zabukuru barinubira ko inkunga y’ingoboka ibegeraho itinze

Bamwe mu bagenerwabikorwa bafata inkunga y’ingoboka muri gahunda ya VUP mu karere ka ngoma baravuga ko amafaranga abageraho atinze, bigatuma babaho nabi.

Gahunda ya VUP yatangiye mu mwaka wa 2008 igamije gukura Abanyarwanda bari bakennye cyane muri icyo kiciro. Ikimara gutangira yahise yishimirwa n’abaturage yagezeho kuko yafashije benshi kuva mu bukene.

Muri gahunda zitandukanye ziri muri iyi VUP harimo itanga inkunga y’ingoboka ihabwa abari muza bukuru batishoboye.

Gusa, abo mu karere ka Ngoma twaganiriye basanzwe bayihabwa bavuga ko ibageraho itinze bigatuma imibereho yabo itagenda neza.

Uwitwa Murindabigwi Leonidas twavuganye yagize ati ”Inkunga y’amafaranga 7,500 Frw ntacyo aba amaze rwose, noneho bagakuitiraho no kuyaduha batinze, bayaguha nka nyuma y’amezi atatu.”

Yongeraho ati “Icyo nasaba cyahinduka, babishoboye ni uko bayaduha buri kwezi nkanjye nyagura inkwi, nkagura amazi n’ibyo kurya iyo atinze rero ndasonza.”

Umukecuru witwa Mukarubibi Daforoza wo mu murenge wa Remera muri Ngoma, we ati ”Ndi umukecuru utagira epfo na ruguru, n’abaturage nibo bamfasha umpaye utuzi, umpaye udukwi, gutyo gutyo, ni uko mbaho iyo yatinze (amafaranga y’ingoboka).”

ri iki kibazo, umuyobozi ushinzwe kurengera abatishoboye mu Karere ka Ngoma, Muhirwa Fabien avuga ko iki kibazo cyakemutse, amafaranga ngo azajya abageraho buri kwezi aho kuba ku gihembwe.

Yagize ati ”Ubundi ntidutinda uretse igihe twari dutegereje uruhushya rwo kwemeza abandi bashya mukwa gatandatu (Kamena) no mukwa karindwi (Nyakanga), gusa nyuma twahise duhembera rimwe.”

Akarere ka Ngoma kugeza ubu gafite abagenerwabikorwa b’inkunga y’ingoboka 2 446 basanzwe, naho abemejwe bashya bakaba bagera kuri 997.

Elia BYUKUSENGE
UMUSEKE.RW/Ngoma

Ibitekerezo

Your email address will not be published. Required fields are marked *




Amakuru

info@umuseke.rw
Phone: +250 788516551
Phone: +250 788772818

Kwamamaza

sales@umuseke.rw
+25 0788772818
+25 0785383188

Aho dukorera

Kigali - Rwanda
Gasabo - Remera
Sonatube
KG 1 Ave 49

Umuseke since 2011 - Copyright 2017